ملوخية بالكرشة البقري

ام راضية · 2012-02-28, 19:41

تحية اخواتي العزيزات اتمن ان تكونوا جميعا بخير
اليوم عملت ملوخية بالكرشة وهي من اسهل الوصفات حبيت نورهالكم واتمن ان تعجبك
كلش بارد في بارد وبعد ما تغلي مليح وتتنحي الكشاكش اقفلي الكوكوت وخليها ساعة وشوفي من بعد حتي تصفي زيتها

ان شاء الله تعجبكم

نصيرة أمي الحبيبة · 2012-02-28, 19:46

merieme hassi · 2012-02-28, 20:32

ما شاء الله
جامي كليت الملوخية ان شاء الله نجربها
بالصحة و الهنا يا الحبيبة

om moha mahdi · 2012-02-28, 20:41

اختي هذه ملوخية نضن راهي بالعصبان حنا جامي درناها حنا حنا في تبسة نديروها بالكرعين والا باللحم والا بالكرشة انا وعدنكم بيها درتها وصورتها بصح ماعرفتش نحطهالكم احنا نديروها ونخلوها طيب من6 سوايع حتى ل7 لازم طيب هكا المهم هي نديروها في صحن مع الزيت حتى تولي على شكل كريمه وندير من جهة اخرى زيت وفيه البصل واللحم ونخلوها تتقلى ونزيدو الفاح والثوم والفلفل الاسوط والطماطم حب والمصبرة واللي يحب الحار تجي هايلة بالحار وبعد مايتقلو هادم نزيدولهم الملوخية ونحركو مليح باه ماتلصقش وبعد نزيدو الماء ونخلوها طيب على نار هادية للوقت اللي قلت عليه حتى تزيت يعني راهي طابت
ملاحظة
اذا حبيتي تزربي في طيابها ديريها في كوكوت انا نديرها هكا طيبلي حتى في ساعة ونص
وشهية طيبة.

ام راضية · 2012-02-28, 20:48

اقتباس:

المشاركة الأصلية كتبت بواسطة om moha mahdi

اختي هذه ملوخية نضن راهي بالعصبان حنا جامي درناها حنا حنا في تبسة نديروها بالكرعين والا باللحم والا بالكرشة انا وعدنكم بيها درتها وصورتها بصح ماعرفتش نحطهالكم احنا نديروها ونخلوها طيب من6 سوايع حتى ل7 لازم طيب هكا المهم هي نديروها في صحن مع الزيت حتى تولي على شكل كريمه وندير من جهة اخرى زيت وفيه البصل واللحم ونخلوها تتقلى ونزيدو الفاح والثوم والفلفل الاسوط والطماطم حب والمصبرة واللي يحب الحار تجي هايلة بالحار وبعد مايتقلو هادم نزيدولهم الملوخية ونحركو مليح باه ماتلصقش وبعد نزيدو الماء ونخلوها طيب على نار هادية للوقت اللي قلت عليه حتى تزيت يعني راهي طابت
ملاحظة
اذا حبيتي تزربي في طيابها ديريها في كوكوت انا نديرها هكا طيبلي حتى في ساعة ونص
وشهية طيبة.

مشكورة اختي علي المرور الطيب
هده ملوخية بالكرشه البقري
اختي راني تبسية اب عن جد جد
علي الاقل في عائلتي الكبيرة نديروها بالكرشة البقري او اللحم البقري غير دلك لا
الكرعين نديرو بيهم اللوبية
طريقتي طريقة سهلة جدااااااااا
ونديرها في الكوكوت
رائحتها الي سابع جار

ام راضية · 2012-02-28, 20:50

اقتباس:

المشاركة الأصلية كتبت بواسطة نصيرة أمي الحبيبة

ام راضية · 2012-02-28, 20:51

اقتباس:

المشاركة الأصلية كتبت بواسطة merieme hassi

ما شاء الله
جامي كليت الملوخية ان شاء الله نجربها
بالصحة و الهنا يا الحبيبة

راكي معروضة عندي

mimicha1977 · 2012-02-28, 22:11

بارك الله فيك أم راضية على ملوخية يعطيك الف صحة
شكرا لك

om moha mahdi · 2012-02-28, 22:46

مشكورة ام راضية انا نحب كل ناس بلادي انا راني في بشار نطيبها انا ولا وحدة بسكرية حتى هي متعلمتها جديدة والناس كامل هنا مايعرفوهاش هنا الملوخية عندهم القناوية عندي يعني نشمها غير في داري تشرفت بمعرفتك اختي الحبيبة

نصيرة أمي الحبيبة · 2012-02-28, 23:28

لالا نعرفوها علمتهالي حبيبتي قسنطينية ريحتها تهبل ماشي كيما الي شفتها في بعض المنازل ريحتها ....بصح كي دقتها جبلي ربي راني ناكل الحنة ههههه بصح تعلمتها ماشي كي منحبهاش منتعلمش لزم نكون صرف كل زمان

om moha mahdi · 2012-02-29, 08:38

علاه تاع قسنطينة يعرفو الملوخية على بالي مايديروهاش ممكن يسمع بيها والا تعلموها انا نهدر على مولعين بالملوخية ويحبو الملوخية ويطيبوها طول لاني جامي شفت وحدة طيبتها هنا ابار تاع بسكرو واللي مايحبش حاجة ويعافها علاه يطيبها ههههههههههههههههههه وكيفاش جربهاههههههههههههههه.

om moha mahdi · 2012-02-29, 14:34

انت ضحكتك فسرتيها بلي ماهيش استهزاء وانا ضحكتي فسرتيها بلي استهزاء وضحكة ام راضية باه فسرتيها علاه الناس كامل اللي يضحكو ماهمش يستهزو وانا برك اللي نستهزا كون ندري على روحي نخرج كلمة من فمي ولا ندير جاست للناس تقيسهم مانقول مانهدر حتى اذا غاضتني نخليها في قلبي وتروح مع الوقت حتى اذاقاسوني الناس مانردش عليهم كيما قلت هذا لا يليق بي انا عمري ماستهزيت بواحد ولاضحكت على واحد لانه كل واحد ومقدورو وعمري ماراح نستغل نقطة في انسان انه مايعرفش حاجة في الاخير مش الانسان اي حاجة يحسها يهدرها لازم العبد يخلي شوية في قلبه خير من انه يهدر هدرة وبعد بالاك يندم وبالاك لا شكرا ذرك ناس المنتدى درك هزو عليا نظرة انا في غنا عنها شكراااااااااااااااااا.

نصيرة أمي الحبيبة · 2012-02-29, 15:05

ياختي انا كتبت رأي نظن عادي و حطيتك في حتى صورة ماشي مليحة العكس رانا نقصرو و كل وحد رايو يقولو بصح عمري مستهزيت بالكلام عموما راني حذفت مشاركتي باش ميدوش عليك حتى نظرة نكون سبتها انا مدبيا نشرف ماشي نتلف
و اذا صدرت مني كلمة تقيس عفوا فانتي بالنسبة لي كاختي الكبيرة وهذا ميسمحليش

ام شرفو · 2012-03-03, 22:09

انا عملت الملوخية باللحم بقري و بالكرشة بنوعيها و حتى بالداند
اظن ان نوعية الملوخية هي الي تكون سبب النجاح او الفشل

ام راضية · 2012-03-04, 21:21

اقتباس:

المشاركة الأصلية كتبت بواسطة ام شرفو

انا عملت الملوخية باللحم بقري و بالكرشة بنوعيها و حتى بالداند
اظن ان نوعية الملوخية هي الي تكون سبب النجاح او الفشل

عندك حق اختي نوعية الملوخية هي التي تحدد نجاحها
انا استعمل ملوخية تاع تونس اسمها الدواقة رائعة