شكون الغالط انا ولا هو

[مشكلتي]

انا فتاة ابلغ من العمر 25 سنة مخطوبة مند عامين تقريبا.. ......هدا العام قررنا الزواج في بادئ الامر قال لي خطيبي انه في هدا العام وفي الربيع و بعد دلك دخل الربيع ولم يحدد بعد ....ادا ليس في الربيع ....احس باحراج عندما اساله على دلك لاني احس انه يتهرب و مايحكيش معايا باه ما نجبدلوش بدعوى انة لم يوجد روحو ماوجدش روحو مع ان لباس علية ......ايا قتلت في هدا الصيف قبل رمضان يكون قالي اوكي ومن بعد و قالي مور رمضان و رايي هو الي يمشي و بدا يزقي عليا ...........و الله انا كرهت ...و الشي الي زاد عليا نظرت الناس ...وكتاه تزوجي ...طولتي ...راح نهبل ....قولولي واش ندير ...ما فهمتش روحي ..وزيد فوق الشى هدا ماهوش مقيمني جامي فرحني بحاجة و لو بسيكة مانيش طماعة بصح ديما ديما كاينة حاجة يديرها باه يرضيني و كي نقولو يقولي ربي يهديك ايا قولولي شكون ال غالط انا والاهو.....راه نهبل ....اله يهديكم شرو عليا واش ندير معاه والله عييت لمن نحكي ونفرغ همي

[* الحلم سكر *]

يا اختي ما تقلقي روحك ما والو خلي واحد كبير مثل والدك يحكي في الموضوع و تخرجو بكلمة باينة و تاريخ محدد بالاك صح ما راهوش واجد
من بعد اذا طيح بكلمة لكبار و عاود تراجع تولي هدرة وحدة اخرى ...
وسعي خاطرك و تصرفي بعقلك و بالعقل و ربي معاك

[imi10life]

سلام حبيبتي اول نصيحة ما ديريش كلام الناس في راسك وما تحسبيلو حتى حساب لانو هده المعاني والكلمات هي لي وصلاتك تتشكي
ثاني حاجة مهمة صارحيييييييييه بكب صغيرة وكبيرة وكل ماراه مقلقك واكيد عندو اعذارو اذا راه نوي فعلا يكون معاك اسرة ومايكون الا الخير اصبري واحكمي عقلك وربي يسخرلك

[ayam16]

madirich alih balak kachma 3andi la pression et tt w hadrat nass jamais diri aliha,wes3i khatrak brk kolech yfoot kheli wahad yhder m3ah w ta3arfi le dernier mot

[الدكتور سام]

من المفروض ان تحديد موعد الزواج يتم بين والديك و الخطيب تاعك او والديه.كلمة و قص.

[محمد جديدي التبسي]

مشكلتكم هو التمادي في العلاقة وعدم وضع حدود من اليوم الأول
أختي يجب أن تكوني عزيزة والرجل هو الذي يبادر لتحديد موعد الزواج والإسراع به، الرجل إذا ملّ من الفتاة لم يعد يهتم بموعد الزواج والتحضيرات ويصبح يتكاسل ويتراخى حتى يتدخل أهل الفتاة أو أهله لذلك ثقلي روحك واتركيه هو يبادر وقللي من الاتصال به والتذمر .. ربي ييسر أموركم

[سلاف26]

و انت واش مقلقك؟؟ممكن هو عنده ظروف جعلته يؤجل موعد الزفاف أتركيه و لا تضغطي عليه كثيرا و بعد رمضان اذا لم يكن هناك زفاف خلي الكلام مع والد و هو يتصرف بما أنه وعدك بأن زفافكما بعد شهر رمضان ربي يكملك بالخير و يهنيك

[علة الكيان]

أختي قللي الاتصال به مرة قولي راني مريضة مرة كنت دايرة البوغتابل سيلونس كل مرة أو كيفاه
حاولي باش تخلقيلو حجج لاقيباش باش ماتهدريش
ماتزيديش تجبديلوا على موضوع الزواج أبدا وربي يعطيك الصبر

[رميساء خولة]

نقصي من ملاقاته باه يعرف قيمتك وقيمة زواجكم

[سطايفية بكل فخر]

المشاركة الأصلية كتبت بواسطة علة الكيان

أختي قللي الاتصال به مرة قولي راني مريضة مرة كنت دايرة البوغتابل سيلونس كل مرة أو كيفاه
حاولي باش تخلقيلو حجج لاقيباش باش ماتهدريش
ماتزيديش تجبديلوا على موضوع الزواج أبدا وربي يعطيك الصبر

اصلاح الخطا لا يكون بخطا اخر وهو الكدب
ادا بالها ربي يباركلها في زواجها تبنيه على اسس صحيحة واولها الصدق

[سلام الشجعان]

المتعارف عليه عندنا في الجزائر عندما تخطب الفتاة وتعطى الموافقة
مباشرة يتم تحديد موعد الزفاف ولا يخلف هذا الموعد إلا لأسباب قاهرة
فكيف هذا الرجل يتصرف في موعد الزواج كما يحب
يجب عليك أن تكلمي ولي أمرك في الموضوع لوضع حد لهذا التماطل.
لأن الوقت ليس في صالحك
أتمنى أن يتم الزفاف في أقرب الآجال وتتمتعي بزواجك.

[moha75]

اعذريني ولكن الحقيقة لا بد أن تقال،
أنت سبب في ما وصلت اليه،
خضوعك له في القول، أو بالعامية دصارتك ليه، هي من أوصلتك لهذا،
هو مش زوجك وعلاش تدي وتجيبي معاه في الكلام،
لو كان حكمتي قدرك احسن وما خليتيه يكره منك هكذا،
كل يوم تحكي معاه صباح وعشية في كل المواضيع،
اكيد راح يكرهك ، وأكيد تتصادمي معاه في مشكلة،
كلامي هذا موجه لي ولك ولكل شاب وشابة،
الخطوبة لا تعني الزواج أبدا،
الخطوبة ما هي إلا بداية الطريق للزواج،
ولا ندري أنصل أم لا،

صدقيني الحياة والسعادة ليست بيده،
واذا اراد فسخ الخطوبة والرحيل فليفعل،
لأن الحياة الزوجية لا تبدأ هكذا ، ولن تبنى بالمشاكل ابدا.

أما عن خطوبة نتاع وقتنا هذا،
التي تبقى عام وعامين واحيانا عشرة اعوام،
فأضنها خطأ كبير وجب التنبيه له،
الشاب يتقدم لخطبة الفتاة ،
وهو بذلك يقيديها به ،
لكن بمجرد حصول مشكلة لا سمح الله بينهما،
يقول لها بكل برودة كل واحد في طريق،
يعني تخسر وقتها وممكن ترفض عرسان من أجله،
وفي النهاية يتركها في حيرة وألم،

فترة الخطوبة حساسة جدا،
لابد للفتاة ان تحاول قدر المستطاع تجنب خطيبها،
أولا لكي لا يقع بينهما خلاف،
وثانيا لكي لا تقع في شبهة معه أو خطأ،
ثم تصير حكاية للعام والخاص.

لا تقلقي ابدا لأن الله لن يضيعك،
وكوني على ثقة بربك فهو الموفق لكل خير.

[فجر المجد]

السلام عليكم

أختي في الله أنا أصغر منك سنا و لست فعلا أهلا لنصحك و إرشادك، لكن تساؤلك هذا (شكون لي غالط أنا ولا هو) كان القطرة التي أفاضت الكأس رغم عزمي على عدم المشاركة في هذا المنتدى أيما عزم ،إذ أن جل ما يطرح فيه يدور حول نفس الموضوع ويعبر عن نفس الإشكال المتعلق بالجهل بأحكام الخطبة وما يتعلق بها من أمور الزواج

السؤال الذي يجب أن تبحثي له عن إجابة هو: مالذي بلغك هذا المقام؟لما صارت الفتاة المسلمة تعاني من الخاطب وتقلبات مزاجه؟ أصلا ما حكم حديثك مع الخاطب في كل حين؟وهل هذا سبب نفوره فعلا؟ ومن أوجب على الخاطب احضار الهدايا؟

من سن إطالة فترة الخطوبة لأكثر من سنتين؟

بل هناك أسئلة أعمق:ما هو تصورك حول الزواج؟ لما ترغبين فعلا في ذلك؟

ما الإجراء الذي اتخذته حتى تكوني زوجة صالحة؟مالذي يجعل منك مؤهلة للزواج؟

ما دورك كمخطوبة؟و ما دوره كخاطب؟

ما لك؟وما عليك؟

قد تعتقدين أن بعض الأسئلة لا علاقة لها بمشكلتك(إن صحت تسميتها كذلك) لكن الإجابة عليها ستجتث المشكلة من جذورها فبدل تخفيف أعراض المرض سنستأصل سببه(أو أسبابه) بإذن الله

حاولي الإجابة على هذه الأسئلة في جلسة مصارحة مع نفسك ولا تستغربي إن سحبت معها أسئلة أخرى فهذا دليل سريان مفعول العلاج...وللحديث بقية...

وفقك الله وأنار بصيرتك وسدد خطاك أخيتي.

[أكوام الورد]

نصيحتي من نصيحة الأخت pgcd لا زم انسان ملعايلة كبير يتدخل في تحديد تاريخ الزواج
و يلا خطيبك راه عنده مشكل اللي يستحق التأجيل صبري كلشي يجي بالصبر مليح
أختي هادي حياتك و هادا مستقبلك و أنت أعلم بالشي اللي يخرجك و أعلم بضروفك خمي مليح قبل ماتتصرفي أي تصرف
ويلا بيك هدرة الناس هادا مشي مشكل مقنع ديري الحاجة اللي ماضرك ما ضر خطيبك المهم ماتتهوريش و ربي يوفقك

[nano ziaya]

بكري واه ياجدك وضك واه يا جوازو .اصبري كاين لي ماطراهمش مره