الى طلبة شعبة الرياضيات

youness.khellaf · 2013-03-15, 20:09

السلام عليكم
عطاونا الاستمارات تاع التوجيهات
أنا تلميذ في الأولى ثانوي .............. نموت على على الرياضيات ............ و نحب نحل أصعب التمارين بعد تفكير طويل .......... مع العلم معدلي في هذه المادة .... الأول 18.06 و الثاني 18.63 ................ بصح جامي فكرت نروح للهاذي الشعبة
و كيما عطاونا الاستمارات قاتلي الاستاذة تاع المات دير رياضيات ..................
بصح أنا قالولي واعرة و لي نعرفهم دارو مات كامل جابو تحت المعدل في الاختبار
باش تنصحوني ................؟؟؟؟؟؟؟
شكرا

mostapha blidi · 2013-03-15, 20:30

kho chouf el 9dourat ta3ak ida kanou l ikhtibarat sahloulkoum wala ditha bel tan9al ghir matach9ach mais ida kanat khadamtak ou ditha bi djadara khayarha psq ra7 tal9a rou7ak bi surtou ida kanat 3andak la base fiha ou taba3t chikh mli7 fel drous
bel tawfi999 akhi ma taz3afch mani svp ta9abal mrouri ok

youpi 1996 · 2013-03-15, 20:34

احسن شيء يا أخي أن تستخير بأن تصلي ركعتين لله تعالى و تقرأ دعاء الإستخارة و تطلب من الله تعالى أن يوفقك في إختيارك و الله بإذن الله تعالى لن يخيبك أبدا و نعم التوكل على الله تعالى

youness.khellaf · 2013-03-15, 21:15

بارك الله فيكم ............. شكرا
اخي mustafa blidi علاش نزعف هذا ؟؟؟ و الله بارك الله فيك ............. بصح في الرياضيات ديما نجيب أفضل علامة مام كيما يكون واعر
و أنا نشتي نحل أصعب التمارين
و راني رايح نختار رياضيات ان شاء الله
العلوم الطبيعية جامي جبت فوق 10 ههههههههه
سلام

عبد الرؤوف_2 · 2013-03-16, 08:03

السلام عليكم ورحمة الله
أولا عليك بالاستخارة قبل الاختيار
ثانيا بالنسبة لشعبة الرياضيات فهذه الشعبة تتميز بالمادتين الرياضيات 7 والفيزياء6 بالاضافة الى باقي المواد
اما اذا كنت تتقن الرياضيات فقط فهذا مشكل لان الرياضيات وحدها ليست كل شيء فعليك ان تتقن الفيزياء ايضا....
بالنسبة للعلوم في هذه الشعبة فهي سهلة ولاتتطلب سوى المراجعة
المهم أسأل الله لك التوفيق ...

koukou95 · 2013-03-16, 09:52

انصحك يا اخي ان تختار الشعبة التي ترتاح فيها شعبة الرياضيات شعبة كباقي الشعب الا اان معامل الرياضيات يصل فيها الى 7 ان اردت اختيارها فعليك ان تتحمل جميع نتائجها مثلا اذا خدمت مليح فيها المعدل راهو يطلعلك واذا هردتها رحت فيها واياك ان تهمل باقي المواد فانها قد تساعدك اذا مخدمتش مليح حاجة اخرى في هذه الشعبة يحاول بعض الاساتذة يعطوكم مواضيع صعبة باه يوجدوكم للباك ان شاء اذا لاداعي للخوف
ملاحظة انا ادرس شعبة رياضيات

issac noway · 2013-03-16, 10:21

يا اخي ليس نهاية العالم
بما انك لم تتجاوز 10 في العلوم فاحذف فكرة شعبة العلوم و يبقى لك تقني رياضي او رياضيات
و الرياضيات ليس صعبة لمن يدرس لها ما عليك الا بالجد لكن لازم تواضب هذا كل شيء او حل تمارين بزاف بصح حذاري رياضيات الاولى ثانوي شيء و التانية ثانوي شيء اخر ليس نفس الشيء و بالتوفيق

samah samou · 2013-03-16, 14:20

شوف نقلك مايخلعوكش من المات و الله غير عادي مش حاجة انا ماكنتش ممتازة في الرياضيات و درتها و ماراني لاقية فيها حتى صعوبة و مع انت ربي يبارك نقاطك ماشاء الله و زيد شوف روحك في الفيزياء و اما بالنسبة للدروس تقريبا كيف كيف و ربي يوفقك

mac_tnis · 2013-03-16, 14:25

أنا راني رياضيات رغم أنني كُنت نجيب 14 فقط في السنة الأولى ،،
لكنني الآن أتحصل على علامات جيدة و كل هذا لأنني أصبحتُ أخصص وقتا أكبر لحل التمارين و اخذ الأفكار ،،
أما بالنسبة للي جابو تحت المُعدل فهذا لا يعني أنها صعبة و إنما يعني أن الأفكار الموجودة في أسئلة الإمتحان لم تكُن في متناول التلاميذ و لم يروها من قبل لذلك حدث هذا ..
فكما يقول لنا أستاذ الرياضيات :
ليس هناك شيء سهل و ليس هناك شيء صعب ، بل هناك شيء تعلمته و هناك شيء لم تتعلمه
و أنا نشجعك على شعبة رياضيات بما أنك تتحصل على اقل من 10 في العلوم مثلي هههه
يا الله سلام

yumi · 2013-03-16, 16:08

راهم يخلعو فيك برك انا رحت رياصيات والعلامات تاعي جيدة الثلاثي الاول اخدت 15 في الرياصيات (وانا كنت ناخد 18 19 في السنة الاولى ) والثلاثي الثاني اخدت 18 في الريضيات بفضل الله والشعبة مليحة يهتمو بها الاساتدة مي لازم تقرا الفيزيا لانها راح تصعاب شويا مي الماط تقعد نفسها كيالسنة الاولى

نور الهداية1 · 2013-03-16, 18:18

السلام عليكم
خويا انا في رايي نتا تسلكها وما تديرش على الاخرين ماشي كامل كيف كيف
مع العلم انا من شعبة الرياضيات و مليحة و جايتني نورمال
كل حاجة سهلة مع الارادة انا نشجعك عليها
والله اعلم

الأواب إلى الله · 2013-03-16, 18:46

ااذا نتا مجتهد وتحب تتعب دير علوم واذا انت من النوع لي يحوس على الراحة في القرايو دير رياضيات

meriouma 13 · 2013-03-16, 18:46

ana n9olek ghir dir math matendemch w 7adjet wa3ra hadi kamel makach menha ana dert math w rani na9ra 2eme année le programe kima ta3 les sientifique a part math w physique eli 3andena 3fayes zyada 3lihom w en + science ta3na bezaf sahla ana nens7ak ghir dir math psk na3ref 3ibad rahom nadmin 3la eli madarouhach w bach nzidlek ke etdjib el bac dyalek math 3andek plus de choix w la priorité lik f kamel el mayadin ya3ni ki tkoun math edir ga3 wach rak 7ab é

***منال**** · 2013-03-18, 03:15

نصيحة من أختك
أولا وقبل كل شيء ضع كامل ايمانك بالله وقم ب****صلاة استخارة*****
وكن متأكدا أن الله لن يخيبك فإذا ارتاح قلبك لشعبة الرياضيات فاذهب مباشرة ومبارك لك واذا لم يرتح قلبك فاذهب نحو العلوم وضع في عقلك ان لكل شيء له حكمة
وأما لكلام الناس ومايقولون عنه فلا تصدق معظمه اسأل نفسك هل هم يدرسون الشعبة لكي يعرفوا ويوجهوك؟؟؟ الا باستثناء لأساتذة وذوي الخبرة
وشيء آخر لا شيء صعب في هاته الدنيا بل *اعقلها وتوكل* واتركها على الله
وكتجربة مني لأني طالبة في شعبة رياضيات
هي أسهل الشعب على الإطلاق لكن ركز كثيرا على جانب الفهم نأكدلك على جانب الفهم خاصة الرياضيات فهي متسلسلة مع برنامج السنة الأولى ولا تنسى الفيزياء فهاته الأخير بها مواضيع لم تراها من قبل بالإضافة ستدرس مواضيع متعلقة بالسنة الأولى وبالفترة المتوسطة
اعيد واكرر ركز على الفهم والجانب الفكري فهو مفتاح نجاحك سواء في الفيزياء او باقي المواد
أتمنى انني افدتك واتمنى لو انني وجدت من يسديني نصائح من قبل
موفق بإذن الله وان شاء الله نراك من الإطارات في المستقبل