خسرت 4كيلو من وزني في اقل من عشرين يوم

ام راضية · 2013-03-03, 13:02

تحياتي اخواتي وان شاء الله راكم بخير
اليوم عاودت التحاليل والحمد لله يوجد تحسن وخسرت 4 كيلو من وزني في اسبوعين ونصف وهدا بسبب تطبيقي لحساء الكرافس وبعض الرياضة
https://www.djelfa.info/vb/showthread.php?t=1215987
والطبيب نصحني باكمال الريجيم علي الاقل شهر
وضعت هدا الموضوع لاحمس اخواتي اللواتي يعانين من مشاكل صحية او باحثات علي الرشاقة لتطبيق هدا الريجيم لانه روعة ولا يوجد به حرمان
مع التقليل طبعا من العجائن والسكريات
هدا الموضوع وضعته اطلب به الاجر من الله واتمن ان يفيد ولو اخت واحدة من رائدات المنتدي
تحياتي

لمسة حنية · 2013-03-03, 13:13

صحة عليكي
راني انا تااني نطبق فيه ههههه
بدات يوم 1 مارس
وقلت نشوف قريب عرس خويا ههههه
نشوف شحال نخسر بصح مقتليش يعني العشاء لازم غير الشربه؟
فقط ولا حاجه تانيه والماء وقتاش نشربه بكثره رد من فضلك اختى

basmala farah · 2013-03-03, 13:17

1000 مبروك تجربة ناجحة بارك الله فيك

انا عملت ريجيم قاسي في الشهور القليلة الماضية لكن ما قدرتش نكمل وحبست الريجيم و الان النفس التاعي راهي مفتوحة للاكل اكثر من قبل

وانا مرانيش سمينة بزاف لكن المشكل هو في خروج البطن وخاصة بعد الولادة 3 مع اني عملت مشروب الليمون و الكمون لعدة اسابيع و كان

نافع لكن ما كملتش

رايحة نجرب التجربة نتاعك بادن الله

ونطلب منك ادا كان عندك طرق اخرى لانقاص الوزن وخاصة البطن تمديهالي

ومشكووووورة مسبقا

حدة الجزائرية · 2013-03-03, 13:41

مبروك عليك خسارة الوزن انشاء الله هدوك الكيلوات لي خسرتيهم ما يعاودوش يرجعو قوليلهم روحو الله لا يردكم ليا ههههه انا نهار حطيتي الوصفة نتاع الشوربة عملت كمية لا بأس بها و راني ناكل منها بصح ماشي بزاف قوليل بالضبط وكتاش ناكلها راني حابة ناكلها غير هي.

نهى21 · 2013-03-03, 13:50

يعطيك الصحة ام راضية جربوه كامل

wala · 2013-03-03, 14:07

السلام عليكم فعلا موضوع هايل خاصة للمرضى ربى يسترك دنيا واخرة

oum ayyoub · 2013-03-03, 14:26

حتى انا راني حابا ننقص بعد الحمل سمنت في هده الايام تاني راني غير مع الحساء تاع الكرفس و مازال ما نوزن روحي و راني حابا نسجل في صالون الرياضة شكراا اختي

لكحل بلال · 2013-03-03, 14:31

مكانش العكس مثلا ..

أم شيماءْ · 2013-03-03, 14:59

مشكورة اختي والله شجعتيني

ام راضية · 2013-03-04, 08:33

اقتباس:

المشاركة الأصلية كتبت بواسطة لكحل بلال

مكانش العكس مثلا ..

العكس لازم تاكل الحلويات والعجائن يابلال

ام راضية · 2013-03-04, 08:50

اقتباس:

المشاركة الأصلية كتبت بواسطة أم ماجد

بصراحة ما قدرتش نجرب رغم اقتناعي

لاوم اختي ام ماجد الانسان يغلب نفسه شويه خاصة الا دخل في الاربعينات لان الجسم يبدا يمد الاندارات

اقتباس:

المشاركة الأصلية كتبت بواسطة ouricia

مشكورة اختي والله شجعتيني

موفقه بادن الله

اقتباس:

المشاركة الأصلية كتبت بواسطة lyna38

شكرا اختي
انا مشكلتي في البطن فقط

جربي مع شويه مشي وشوفي

اقتباس:

المشاركة الأصلية كتبت بواسطة أم ياسين الزهراء

ماشاء الله ربي يشافيك رغم اني سمينة وعندي لاطونسيو ومدايرة 2 سيزاريان الا لا حياة لمن تنادي عيت نجرب ريجيم او0000000000000000000000

لا اختي ام ياسين غير لاطنسو ما تلعبيش بها راي ما ترحمش
لازم اقل شيء تنقسي العشاء

اقتباس:

المشاركة الأصلية كتبت بواسطة linat

mercie rani rayha njarbe wa nchoufe

موفقة حبيبتي

اقتباس:

المشاركة الأصلية كتبت بواسطة ام الهضاب

و الله سخفتيني انا ثاني ساخفة انديرو عيشك قوليلي يتزعف و الا لا

شويه واللي يحب الورد يصبر لسعات شوكه

اقتباس:

المشاركة الأصلية كتبت بواسطة نصرية

رب يبارك فيك
إن شاء الله نجربو

ان شاء الله حبيبتي

ام راضية · 2013-03-04, 08:54

اقتباس:

المشاركة الأصلية كتبت بواسطة ou ss ama

انا ثاني كيما قالت بعض الاخوات المشكل في بروز البطن بعد الولادات المتكررة ولله الحمد.......... وجابلي اخي حزام التخسيس من بكين كي نديرو يجغجغني بزاف ههههههههههههه وزدت قريت عليه يدير الفتق ويبعد المبايض على بعضاهم على هاذيك راني حابة ننجرب حاجة طبيعية ومفيهاش ضررلعادت الشربة هادي مفيدة لبروز البطن رايحة ندعيلك طول حياتي

هده شربة بخضر غنيه بالالياف راح ان شاء الله تساعك

اقتباس:

المشاركة الأصلية كتبت بواسطة مونية ك

شكرا اختي ربي يحفطك انشالله نجربو ونقولك

اكيد لازم تقوليلي
موفقة حبيبتي

اقتباس:

المشاركة الأصلية كتبت بواسطة samra3

شكرا لك رايحة نطبقو...

بالتوفيق

اقتباس:

المشاركة الأصلية كتبت بواسطة درة بيتي

وين راح الموضوع أقصد وين نقلوه ههههه مبروك عليك حبيبتي أم راضية العاقبة ليا يارب