نـصـيـحـة فيما يخـص لاداس

[nrdz]

السلام عليكم

اليوم دفعت االملف الى لاداس بولاية الاغواط.
بالملف طلب به ختم وامضاء وموافقة مدير الصحة باش نولي نخدم عندهم
ماهي باقي الخطوات لاتمام هذا العقد
واش نخدم في السبيطار مثلا... -- علابالي ماكان لاخدمة لاوالو
من فضلكم بالشرح الممل...

[nrdz]

للعلم متحصل على ليسانس حقوق

[شخص خاص]

دير دوموند انتاع خدمة لمدير الصحة ،ومن بعد اديهلو يكاشيلك فيه بالموافقة ومن بعد ادي هذاك الدوموند الى مديرية النشاط الإجتماعي das يمدولك الكونتترا عاود ولي للمدير انتاع الصحة يكاشيهالك ومن بعد رجع لداس كوبي وشد عندك كوبي وكوبي مدها للمدير ...ومبروك عليك .....الخدمة ماعلاباليش الا يحتاجوك تخدم ولا لا ، الا كانت خدمة راح تكون بيرو يديروك فيه ........تسيزي ولا تخدم كاش كواغط ..،المهم في عقود ماقبل التشغيل في الغالب مكانش علاقة بين البوست والتخصص.
بالتوفيق على كل حال.

[lololala]

سلام عليكم اولا ربي يسهل ويوفقك ان شاء الله كيما تفضل الاخ وقالك مي رح تستنى بزاف ليعطوك الاوكي تاع خدمة بسكو يطولو بزاف بحجة مكاش لي بوست الله يسهل اخي

[nrdz]

merci a vous

[جمال الدين الأفغاني]

انا اعرف شخصيا البعض دفع الملف

في بداية هذه السنة وهو الآن يعمل بشكل عادي

يعني معرفة وانت تدخل تخدم اخي واذا ما عندكش المعرفة

صلي ركعتين استخارة وقل للوالدة تدعيلك وروح ليهم على ربي

واللي فيه الخير ما يمنعو عليك حتى واحد ان شاء الله

ربي يفرج على كل الشباب اللهم آمين

[salah257]

انا تاع لاداس رحت ليهم زعمة كي كرهت
من لانام " ماكان لا خدمة لا والو"
امالا قالولي لازمك السورسي
باه تقدر تخدم في لاداس
عجب
المهم ربي اسهلك ان شاء الله

[نور الديجور]

انا راني دفعت الملف من 3 اشهر وقالولي مازل بلاك في افريل مديرش عليهم يا خويا

[صقر الشرق]

حنا ثاني في سوق أهراس حبسوها....الشهر لي فات برك كانت تطايش والجماعة تتكبر عليها. وكي يأسنا من لانام قصدناها قالولنا راهي قفلت وبالزهر تعاود تفتح حتى للعام الجاي ....هههههه قفلوها في وجوهنا. سمعت أن القطاع العام سيتم فتحه قبل نهاية مارس الجاري. آمل أن يكون الخبر صحيح........هرمنا من البطالة.
ربي يسهل للجميع

[yacine-08]

المشاركة الأصلية كتبت بواسطة salah257

انا تاع لاداس رحت ليهم زعمة كي كرهت

من لانام " ماكان لا خدمة لا والو"
امالا قالولي لازمك السورسي
باه تقدر تخدم في لاداس
عجب
المهم ربي اسهلك ان شاء الله

لم يطالبوني اخي بالسورسي في لاداس ...