ها هو براج الربيع يا نزهة الربيع

[~ حراير ~]

[COLOR="Navy"]السلام عليكم و رحمة الله تعالى و بركاته
وخيتي لعزيزة و لحبيبة هاني جبتلك البراج كيما قلتي و ان شاء الله كي نتلقاو في راحة و هناء نعاودوه مع بعضانا و نروحو نحوسو
و الحمد لله الي كانت معايا نور القلوب الي عاونتني كون هكداك راني حصلت فيه
ياله بلا مانطولو في الهدرة نبداو بحبة لعبد المُــعِـزْ



بصح عندك يديرلي لفتات

و هاد نص القرصة ، ماتولهتش نصورها من الأول حتان نبهتيني



و هاهي نور القلوب



و هنا بدينا نطيبو فيه




و شوفي درك



وش فكراتك هادي القصعة؟؟؟؟ ماتفكرتيش بكري أُمَا كي نطيبو البراج تْكَـيَـلَـنا بالكوكوطة الكبيرة

و وصفة البراج البسكرية معروفة 4 كيلات دقيق بكيلة سمن و تحكيه بكفوف يديك مليح مليح حتان مايعودش اصفر و يبياض الدقيق و يعود ارطب في يديك
تنحي شوية باش تحرشي بيه "قدر يدك" و الباقي تبلي غير شوية بلا ماتعجني قدر مايتلم
و تقسمي العجينة على 2 واحدة تكون اكبر شوية
الكبيرة تقرصيها الأولى "بلا ماتنسي تديري تحتها شوية دقيق الي خليتيه باش تجي محثربة" و تقرصي بجيهة أخرى الغرس المرحي و المعجون مع شوية قرفة و تحطيها فوق القرصة الأولى
و من بعد تقرصي العجنة الثانية فوق جلد خشين و تحطيها فوق القرصة الولى مع الغرس
و تكملي تقرصيهم بيدك او بالحلال
و تقسميه معينات "براج براج" و تطيبي فوق طاجين الحديد او الطاجين لمْسَرَح و يكون أفضل و تقليدي اكثر/COLOR]

و هاد القصعة الي يفوت يهز حبة و ياكلها راهو جا بنيييييييييين و حطيه في فمك يذوب



ياله نورمال نشكر رويحتي قبل ماتشكروني
شهية طيبة و ربيع سعيد و لعقوبة للعام الجاي و احنا كلنا بخير و متهنيين