يا ملكة الحلويات تعالي ساعديني ليستفيد الكل .

[chedni]

كيف أحوالكم أعضاء المنتدى ومبدعين الطبخ والحلويات لدي أسألة أشياء من المطبخ والحلويات هي قد تكون من مكونات الحلويات أسمعها لكن ما أعرف ما هي وكيفية صنعها طبعا هي أعمدة الحلويات تفضلي بالاسئلة وانتظر الإجابة :

ماهو الزبادي ؟ هل هو ياغورت

ما هو الجنواز وكيف أحضره ؟هل يباع عند الحلواني ؟

الكريمة الطازجة ؟ كيف أصنعها ؟ وكيف أحضرها إذا كانت تباع في الاسواق

كيف أصنع كريمة الباتيسري التي يضعونها في الوسط ؟

كيف أصنع لاكرام التي تزين به الحلويات ؟

كيف أصنع عجينة اللوز بنفسي؟ وإذا إشتريتها هل أزيد شئ فيها ؟

هناك مول خرج للسوق حديثا من السيليكون هل هو لطهي الحلويات يعني ما يذوب وكيفية إستعماله ؟

من لديه معلومات فليفدنا وأي أشياء جديدة فل

يقلها لكي نستفيد

[kakinova]

المشاركة الأصلية كتبت بواسطة chedni

كيف أحوالكم أعضاء المنتدى ومبدعين الطبخ والحلويات لدي أسألة أشياء من المطبخ والحلويات هي قد تكون من مكونات الحلويات أسمعها لكن ما أعرف ما هي وكيفية صنعها طبعا هي أعمدة الحلويات تفضلي بالاسئلة وانتظر الإجابة :

ماهو الزبادي ؟ هل هو ياغورت

الزبادي بدون سكر هو البوتيسويس petit suisse و بالسكر هو الياغورت
ما هو الجنواز وكيف أحضره ؟هل يباع عند الحلواني ؟
الجينواز عبارة عن كيكة و الوصفات عديدة
3 البيضات
80 غ سكر عادي
30 غ فرينة
تفصلي البياض عن الصفار
تضيفي نصف السكر للصفار و تخفقي ملييييييييييييييييح
ثم تضيفي النصف الأخر للبياض و تخفقي ملييييييييييح
تخلطي المكونات مع بعض بحيث ديري مرة قليل من البياض و مرة شوية فرينة و تخلطي من تحت لفوق حتى تخلصي كامل البياض و تحطيها في مول مدهون مليح

الكريمة الطازجة ؟ كيف أصنعها ؟ وكيف أحضرها إذا كانت تباع في الاسواق

الكريمة الطازجة هي لاكرام فراش و تتباع عند جميع دكاكين المواد الغذائية

كيف أصنع كريمة الباتيسري التي يضعونها في الوسط ؟

الكرام باتيسيار :نخفق 2 بيض مع سكر حوالي 150غ نزيد عليهم 2 م ك ونص نشا ونخفق مليح ثم نصب عليهم نص ل حليب سخون ونخلط ثم نرجع كلش فوق النار ونحرك حتى تعقد وتخثار ثم نضيف شوية فاني و نخلط و نغطيها بكيس بلاستيكي و نخليها تبرد
لما تبرد تماما نعاود نخفقها و نستعملها و ممكن نضيفلها الشونتي و نخفقها و نحشي بيها التارت تجي امممممممممممم

كيف أصنع لاكرام التي تزين به الحلويات ؟

كريمة الزبدة : تخفقي 250 غ مرغرين جيدا مع اضافة نص كاس زيت على شكل خيط حتى تتضاعف ثم ضيفي 2 فاني 3 ملاعق سكر رطب و تضيفي نصف كأس عسل أو اكثر و تكملي الخفق حتى تصبح خفيفة مثل الشونتي

قناش الشوكولا كرام فراش ساخنة نذوب فيها شكولا مكسرة و نخلط جيدا جيدا حتى تصبح تلمع

كيف أصنع عجينة اللوز بنفسي؟ هاذا رابط عجينة اللوز
https://www.djelfa.info/vb/showthread.php?p=12555107
وإذا إشتريتها هل أزيد شئ فيها ؟ لي تتباع عبارة عن عجينة السكرضفيلها قليلا من النشاء و اعجنيها مليح فقط

هناك مول خرج للسوق حديثا من السيليكون هل هو لطهي الحلويات يعني ما يذوب وكيفية إستعماله ؟

ما يذوبش و الاحسن اشري ماركة نتاع فرنسا احسن من تاع الصين رغم انهم تقريبا كيف كيف

من لديه معلومات فليفدنا وأي أشياء جديدة فل

يقلها لكي نستفيد

ان شاء الله نكون افدتك

[أم ماجد]

اختي كاكينوفا شرحت فوفيت وكفيت الله يبارك لك في علمك وفي صحتك

[إلهام07]

أنا نعرف أن الزبادي هو الياوورت الطبيعي ( nature ) بدون منكهات و لا سكر وهو يستعمل في الكثير من الحلويات و المعجنات

[chedni]

[QUOTE=kakinova;12707236]ان شاء الله نكون افدتك[/Q


شكرا جزيلا أختي والله أفدتيني وبهذه السرعة ماشاء الله انت حقا تستاهلي جملة ملكة الحلويات ربي يحفظك وينورك .

[chedni]

المشاركة الأصلية كتبت بواسطة أم ماجد

اختي كاكينوفا شرحت فوفيت وكفيت الله يبارك لك في علمك وفي صحتك

[size="5"]ممكن أسألك لأن أختي كاكينوفا كثرت عليها ممكن تكمليها

ماهي الشونتيي؟ كيف تصنعيه ؟ هل تباع جاهزة ؟

كيف يحضر ذلك اللماع الذي يستخدم في الحلويات لتلميعها من الفوق .

بقاولي غير هاذو نتعلمهم وإنشاء الله يا ملكة الحلويات أم ماجد نكون مثلك شاطرة ماشاء الله.]

[nousa 06]

السلام عليكم اظن ان السؤال مش موجه ليا بصح راني حبيت نجاوبك واسمحيلي على تدخلي مع ان الاخت كاكينوفا ماشاء الله عليها تقريبا جاوباتك على كلش وبكل اهتمام ربي يحفظها ويحفظكم
الشونتيي هي كريمة نتحصل عليها بخفق كرام فراش سائلة ولازم تكون باردة جدا والمقادير هي 50سل كرام فراش نضيفولها 35غ سكر قلاص ونخفقوها وماتكثريش الخفق حق ما تطلع وتشد روحها برك لانك لو تكثري الخفق راح تفسدلك وراهي تتباع برا كان باطات صغار وكاين كبار كاين اللي تستخدمللطبخ وكاين اللي تستخدم للحلويات واذا حبيتي راه كاين كرام شونتيي بودر اظن ان 100 غ ب50دج والمقادير هي تخلطي كاس حليب بارد مع نصف كاس سكر عادي و200غ كرام شونتيي واذا حبيتي تضيفيلها الملون من الاحسن تحليه قبل في الحليب
اما اللماع فهو كاين تاع القلاصاج وكاين العادي اللي نستعملوه فوق الحلويا الاخرى تاع القلاصاج خذي اسفنجة صغيرة او بانسو صغير حطيه في هاداك اللماع ومرريه على حبة القاطو بعد ماتعمليلها القلاصاج وينشف اما الاخر العادي اثقبي القارورة من فوق بسكين وذرذري على الحبات كي تخلصي او استعمليه بواسطة فرشاة اسنان
فكرة برك اختي باه تعرفي مول السيليكون الا كان فرونس او تاع لاشين احكمي طرف المول وطبقي طبقة صغيرة بين اصابعك واضغطي عليه اذا كان تاع فرنسا راه مايبان فيه والو اما تاع لاشين راح تلاحظي بياض في هاديك التطبيقة
اما بخصوص الجينواز وكريمة الزبدة والكرام باتيسيار راه كاين وصفات كثيرة مع ان مبدا العمل واحد وكيما يقولو كل الطرق تؤدي الى روما جربي اختي واذا صلحتلك اعتمديها واسمحيلي مرة اخرى طولت عليك

[أم.العلم]

ربي يبارك شكرااااااااااااااااااا

[أم أمين2007]

مشكورين على الشرح
جازاكن الله كلخير

[أم عيشوش]

بارك الله فيك وجزاك كل خير و الله رانا نتعلموا من عندكم برشة حوايج.

[zhor1970]

الاخت كاكينوفا شرحتلك كل شيئ الله يعطيها الصحة

[نعيمة29]

شكرااااااااااااااااااااااااااااااااااااااا

[chedni]

المشاركة الأصلية كتبت بواسطة nousa 06

السلام عليكم اظن ان السؤال مش موجه ليا بصح راني حبيت نجاوبك واسمحيلي على تدخلي مع ان الاخت كاكينوفا ماشاء الله عليها تقريبا جاوباتك على كلش وبكل اهتمام ربي يحفظها ويحفظكم
الشونتيي هي كريمة نتحصل عليها بخفق كرام فراش سائلة ولازم تكون باردة جدا والمقادير هي 50سل كرام فراش نضيفولها 35غ سكر قلاص ونخفقوها وماتكثريش الخفق حق ما تطلع وتشد روحها برك لانك لو تكثري الخفق راح تفسدلك وراهي تتباع برا كان باطات صغار وكاين كبار كاين اللي تستخدمللطبخ وكاين اللي تستخدم للحلويات واذا حبيتي راه كاين كرام شونتيي بودر اظن ان 100 غ ب50دج والمقادير هي تخلطي كاس حليب بارد مع نصف كاس سكر عادي و200غ كرام شونتيي واذا حبيتي تضيفيلها الملون من الاحسن تحليه قبل في الحليب
اما اللماع فهو كاين تاع القلاصاج وكاين العادي اللي نستعملوه فوق الحلويا الاخرى تاع القلاصاج خذي اسفنجة صغيرة او بانسو صغير حطيه في هاداك اللماع ومرريه على حبة القاطو بعد ماتعمليلها القلاصاج وينشف اما الاخر العادي اثقبي القارورة من فوق بسكين وذرذري على الحبات كي تخلصي او استعمليه بواسطة فرشاة اسنان
فكرة برك اختي باه تعرفي مول السيليكون الا كان فرونس او تاع لاشين احكمي طرف المول وطبقي طبقة صغيرة بين اصابعك واضغطي عليه اذا كان تاع فرنسا راه مايبان فيه والو اما تاع لاشين راح تلاحظي بياض في هاديك التطبيقة
اما بخصوص الجينواز وكريمة الزبدة والكرام باتيسيار راه كاين وصفات كثيرة مع ان مبدا العمل واحد وكيما يقولو كل الطرق تؤدي الى روما جربي اختي واذا صلحتلك اعتمديها واسمحيلي مرة اخرى طولت عليك

لا حبيبتي أنا لما حطيت الموضوع سألت الكل وإذا كان سؤالي الثاني موجه لأم ماجد هذا لا يعني هي تجاوبني فقط بالعكس كل وحدة عندها خبرتها وتجاربها وأنا نحب أستفيد من كل الخبرات لأنك كل مايكون رد ىخر وجواب آخر حتى ولو كان عن نفس السؤال تستفيدي أكثر تكون إضافة وخبرة اكثر مثل خبرتك عن مول السليكون والتفريق بين النوعيات
وما تقولي أنك تدخلت لا حبيبتي وأنك طولت علي بالعكس ردك كان جد مفيد انا فقط قلت مادامت أم ماجد متواجدة في موضوعي أطرح عليها
أشكرك عزيزتي إستفدت منك الكثير وخاصة أني مبتدئة في إعداد الحلويات ومنكم نستفيد ربي يباركلك في خبرتك شكرا لك مرة أخرى ودمت في رعاية الله وحفظه .

[chedni]

مشكورين أخواتي كل من تجاوبت مع الموضوع وأفادتنا ب خبرتها ربي يحفظكن يا ملكات الحلويات ومنكم نستفيد وتبقى المرأة تلك المبدعة الفنانة لا تترك مجالا إلا وتفننت به ووضعت بصمتها ولمستها السحرية بكل حب وجمال تلك المرأة التي تبحث في كل المجالات وترتقي بها إلى أعلى الدرجات دمت فنانة وجميلة وبنتا وأما ومجتمعا وأمة بأكملها دمت وفية لابناء ملتك كلمات للجميع وخاصة كاكينوفا و نوسا 06 ولكل مرأة مبدعة .

وأتمنى من الجميع أنه إستفاد من الموضوع ومن لديه أسألة فليكتبها وأرجو من لديه أي إجابة اي معلومة عن الحلويات فليكتبها هنا ليستفيد الكل وشكرا للجميع .

[zarra duff]

حبيباتي ممكن سؤال
لاكرام شونتيي نقدر نديرها في وسط الجينواز ونديرها ملفوق يعني بلا كريمة الزبدة ؟