طلب مساعدة مستعجلة جدا

[ام احمد وصال]

مساء الخير حبيباتي كيف الحا و الاحوال ان شاء الله كامل راكم لباس نطلب منكم تشرحولي كيفاش ندير الشكل الي راني مدورة عليه بالدائرة اول مرة نتلاقى بيه حبس راسي و انا نخمم وزيد هدوك يخي دومي بريد

[kakpop]

اختي اماني هذيك راهي سلسلة مش عمود بلفة
لحبيتي صوريلي خدمتك وين اكي واصلة ونقلك كيفاه تكملي

[ام احمد وصال]

مشكورة حبيببتي الغالية راني حابسة وين درت تادوايرة قدقد درت اربع سلاسل وحبست

[ليلى الجزائرية1]

امونة هاذيك كيما قالت كاكبوب راها سلسلة

[kakpop]

المشاركة الأصلية كتبت بواسطة اماني السلام

مشكورة حبيببتي الغالية راني حابسة وين درت تادوايرة قدقد درت اربع سلاسل وحبست

ايه راكي صحيحة كملي لصقي سلسلة في العمود ومبعد اطلعي 4 عمود ومبعد 4سلسلة و مبعد 7 عمود و هكذا حتى تكملي

[djamilach]

لا يا اختى راهي بريد باش الاعمدة الي رايحة اتحطيهم من بعد يخرجو سوا سوا والا العمل ما ايكونش نرمال لان الحواف بالسبيرال عاودو يالبنات شوفو امليح راه ابريد باه الخدمة اتجي في النص.ثم اطلعي غير 2سلسلة فوق لبريدثم كملي حسب البترون ديالك.

[kakpop]

بصح اختي الطريقة لي شرحتهالها ثاني صحيحية
كون دير طريقة نتاعهم ممكن تتخلطلها وريتلها الطريقة الاسهل فقط
هما دارو بريد باش تبقى دائما النهاية في نفس السطر

[ام احمد وصال]

شوفي يا كاكبوب كيفاه خرجتلي كاينة غلطة في البداية معرفتش كيفاه نمشي

[kakpop]

اختي وين غلطتي فهميني

[لحن الحياة.]

المشاركة الأصلية كتبت بواسطة اماني السلام

شوفي يا كاكبوب كيفاه خرجتلي كاينة غلطة في البداية معرفتش كيفاه نمشي

راني نجربها ادا نجحتلي نوريلك كيفاه

[risamin]

يااااربييي جبتي ضربة قلبي عندي شحال وانا نحوس واحد يفهمني في طريقة عملها قد ما خدمتها ما خرجتليش قدقد انا وحدة مبتدئة الله يستركم خواتاتي عاااااااااااونوووووووونييييييييييييييي

[ام احمد وصال]

المشاركة الأصلية كتبت بواسطة kakpop

اختي وين غلطتي فهميني

كيما وين درت الدائرة في الباترون درت اربع سلاسل وقفلت في زوج سلاسل تاع البداية وعاودت طلعت بزوج سلاسل ودرت ستة اعمدة وخليت واحد تاع الدور السابق لكن المشكل كي قفلت وبديت ندير في الاعمدة كانو اكثر من اعمدة الدور السابق وهكدا في كل دور نتمنى فهمتيني

[kakpop]

المشاركة الأصلية كتبت بواسطة اماني السلام

كيما وين درت الدائرة في الباترون درت اربع سلاسل وقفلت في زوج سلاسل تاع البداية وعاودت طلعت بزوج سلاسل ودرت ستة اعمدة وخليت واحد تاع الدور السابق لكن المشكل كي قفلت وبديت ندير في الاعمدة كانو اكثر من اعمدة الدور السابق وهكدا في كل دور نتمنى فهمتيني

لا لا اختي مش اربعة هما ستة سلاسل

[ام احمد وصال]

هنا وين المشكل ربي يعيشك اشرحيلي بالتفصيل

[kakpop]

لانك من السطر لي درتي فيه 4 و هما 6 سلسلة علابيها مجاتكش الخدمة مضبوطة لازم تكون البداية صح شوفي الصورة