كرهت حياااتي

[مشكلتي]

السلام عليكم انا فتاة في سن التاسع عشر حبست الدراسىة لظروف وراني قاعدة في الدار اسمحولي اخواتي بغيت نحكيلكم واش راه في قلبي ماعنديش ليمن نحكي غيركم
مشكلتي ان حياتي تغيرت فقد انفصل والداي و ابتعد عنا ابي اللي كان اعز انسان على قلبي حياتنا تغيرت فجاة وصرنا نواجه احيانا مشاكل لو كان موجود معانا لحلت مند بدايتها بالاضافة ان راه يتغير تدريجيا صار يتصرف تصرفات تفاجئني احيانا . راكم الكل تعرفوا مكانة الاب في البيت
و عندي اختي اصغر مني بسنة ولاكن كبرنا كالتوأم نلبسو وناكلو ونقراو و نخرجو كيف كيف بعدها مرضت المسكينة و ماتت
وليت انحس بالوحدة فبعد اختي , ابي و اخوتي مايقعدوش قاع في الدار
النهار كامل و انا قاعدة وحدي و نبكي لسبب او لدون اي سبب او صرت عصبية ومتاشئمة لدرجة لا تتوقع
غي اللحكي معايا نوض نبكي و ندير حكاية و نبلع على روحي
وليت ناكل الحبوب المنومة و احيانا مانرقدش حتى للصبح باش نجوز اليوم راقدة و مانشوف حتى واحد
نحس ماكانش اللي يبغيني الناس الكل تجري مور مصالحها وماعنديش حتى فايدة ولا حاجة مليحة في حياتي نعيش من اجلها
ويلا زعفت لاتفه سبب نحاول ننتحر راني عارفة حرام وهادي اكبر غلطة راني نديرها مي مانقدرش احيانا نتحكم فروحي
قوليلي كي ندير راني عارفة هذا فقط توتر نفسي ولاكن ممكن ينفعني كلامكم راكم الكل اخوتي في الله سمحولي طولت عليكم . ربي يحفضكم