ما مدى نسبة حبك لمادة الفيزياء؟

Basma Bed · 2013-03-06, 17:52

أنا لدرك ماعاباليش وش مشكلتي مع الفيزياء، نقرى و تفهم الدرس 100% و نتبع و نحل التمارين
حتى الأستاذ يقادرني خاطر ديما نتبع و ديما مركزة معاه ,,,,,,,,,, بصح كيما يجي الفرض ...... تهلكت! غير تحت المعدل
أنا أصلا نحب ناخذ وقتي كيما نحل تمرين، و الامتحانات و الفروض تع الفيزياء الله يبارك ....الفرض الثاني كان أسهل فرض عدا عليا في حياتي (الحقل المغناطيسي) و مع ذلك .... زربت روحي و عكست كلش و مبعد ظهرت غلطت في كلش
هل هذا زهر ولا وش؟؟؟
العلوم الطبيعية راني جايبة روحي فاها والله نحبها العلوم، الرياضيات تانا ,, بصح الفزيااااء! و راني عقبت الامتحان اليوم و المورال طايحلي بزاااف،
في الثلاثي الأول كانو معدلات المواد تاعي مابين 14 و 17 ما عدا الفيزياء طبعا جبت فاها 09 معدل
و هي السبب لي طيحلي المعدل العام

رجاء لكل نابغة و لكل محب للفيزياء أن يرشدني على سبل لحب هذه المادة و حتى نجيب روحي فاها مجددا

mac_tnis · 2013-03-06, 17:56

أُختي أقترح عليكِ أن تقومي بجميع تمارين الكتاب المدرسي
و تقومي بحل مواضيع مختلفة ، فيسهُل عليك الأمر في الإمتحان
و اللهُ المُوَفِق

aminalina · 2013-03-06, 18:03

انت على الاقل تعاني من الفيزياء برك امالا انا ني رياضيت ني علوم ني فيزيا اما الادب مانهدرش عليها خلاص مانعرف اللقرايا لي صعابت ولا انا لي كوليت

aminalina · 2013-03-06, 18:07

المهم ديري الدرروس الخصوصية و ركزي مليح في الامتحان خذي وقتك ماتتسرعيش و حبي المادة باش تقدري تفهميها

jigi · 2013-03-06, 18:40

أنا هاد العام راني حاسا روحي دوك ندي التقاعد من لقرايا ماني فاهما والوا و زادا على هادا الأساتدة الكرام ما نيش عارفا منين راهم يجيبوهم تلقاه ما عارف والوا غير لهوى و منين تسقسيه يقولك إدا حبيت تفهم أرواح دير دروس خصوصية عندي تفهم مليح

سفير الأيام · 2013-03-06, 18:56

اقتباس:

المشاركة الأصلية كتبت بواسطة jigi

أنا هاد العام راني حاسا روحي دوك ندي التقاعد من لقرايا ماني فاهما والوا و زادا على هادا الأساتدة الكرام ما نيش عارفا منين راهم يجيبوهم تلقاه ما عارف والوا غير لهوى و منين تسقسيه يقولك إدا حبيت تفهم أرواح دير دروس خصوصية عندي تفهم مليح

باه تفهموووا الفيزياء حاولوااا تخدموووووا وحدكم الدروس في الكتب الخارجية راهي ملخصة وبالألوان كي تقراها تفرح ماشي كي زمان كان الجديد في الرياضيات والفيزياء غير كحل في لكحل تقراه قلبك يضرك وكامل هاكداك وكنا نقروه ونحاولوا نفهموه

ياخي راهم مكتوبين باللغة العربية

إدااا اعتمدتوووا على الأساتدة غادي تدووووووووا 30 بالمئة بسباب عدة ظروف كثرة التلاميد بالقسم

كاين تلاميد فوضويين يعيقوووا السير الحسن للدرس

وكاين الأستاد اللي ما يحبش التلميد يسأل بزاف

وعقلية الدروس الخصوصية إدااا عملها هو بصح ما يقريش التلاميد نتاوعه يقري تلاميد أخرين نقولوووا ماعليش بصح التلميد نتاعه ما يقريهش في القسم ويقوله ارواح دروس خصوصية انا معارض لهده الفكرة لأنها تجارة الأفكار

الدكتور شهاب الدين · 2013-03-06, 20:24

السلام عليكم
الحل هو إعادة الدروس لكن ليس كراسك بل كتاب خارجي إكون مليح
وحلي التمارينات بزاف بشرط إكون عندك الحل
أحكمي ورقة بيضاء عند حلك لتمرين أكتبي أسئلتك التي لم تفهميهـــا
وورقة أخرى بيضاء لكتـــابة ماهو الشء الجديد (قانون جديد وطريقة إستخراجه )
دائما عند الإنتهاء من درس إعملي ملخص تخطيطي
ولاتنسي أن تحلي مواضيع لكن تكون لديها حلول لكي يسهل عليك الأمر
بالتوفيق لكــــــــــــ

rahimoubile1 · 2013-03-06, 20:30

9 في الفيزياء راكي طيارة انا من 2 منزيدش
وهاديك الmat ما نحكيلكش
المهم نتمنى ربي يوفقك و يوفقنا

foufou 95 · 2013-03-06, 20:41

w ana tani rani haka dit f l fard 2 (12) so9ot hor bassah ana a cause de l mighnatiss maranich nafham gaaaaaaaa33333333333 :'(

nassr djm · 2013-03-06, 20:50

الله يبارك راكي تقراي

foufou 95 · 2013-03-06, 22:35

اقتباس:

المشاركة الأصلية كتبت بواسطة nassr djm

الله يبارك راكي تقراي

hhhhhhhhhh rak 3liya ?????????

محمد الشريف الهادي · 2013-03-07, 11:16

اقتباس:

المشاركة الأصلية كتبت بواسطة rahimoubile1

9 في الفيزياء راكي طيارة انا من 2 منزيدش
وهاديك الmat ما نحكيلكش
المهم نتمنى ربي يوفقك و يوفقنا

من 2 ماتزيدش(و 2 هادي باينة جاية من الدعم الخارجي0.5 صدقة من عند لبخوف و 0.5 من كاش قانون كتبتو فيدك ولا فالطاولة و و 1 بعد عناء و تعب كبيران من عند الزميل و بالبتشناف بيانسور صح ولا راني غالطة !) ياخويا واش نقولك ربي يكون معاك وانشالله تنجح برك
but why!!!!!!!!!!!

Basma Bed · 2013-03-10, 21:12

يا خاوتي وش نقوللكم، مرسي على ارشاداتكم ^___^
و ربي يعينكم ,, ولي عندو نفس مشكلتي ربي يعينو تانا :'(
راني حاشمة حتى نتلاقى مع الاستاذ تع الفيزياء والله كرهت روحي
بربي ان شاء الله نشي بنصايحكم

و ربي يكون في العون العام الجاي برك !!!

~~RIMA95~~ · 2013-03-10, 21:28

اميـــــــــــــــــن

نور المستقبل · 2013-03-10, 23:05

ana nhab l fizya psk fiha tajarab ta3 l hayat l yawmiya
ya3ni win nroho nalgawha w hiya tfasralna koulch
l fizya mouhima bazaf f hayatna 3liha nhabhaw 3andi fodol dima nat3ama9 fiha