احسن منضف غبار

[omallae]

السلام عليكم حبيباتي هدا اول موضوع لي في هدا القسم ولاني استفدت من تجارب الاخوات حبيت نطرح سؤال على الغبار بحكم ان المنطقة الي ساكنة فيها كما سائر مناطق الجزائر الغالية معروفة بزوابع الغبار خاصة في فصول الربيع والصيف وما نحكوش على الخريف اتمنى تفيدوني ما احسن منضف للغبار او اي طريقة تخلي المابل يبقى نضيف لاطول مدة والف شكر مسبقا

[امونة الشاوية]

اختي انا استعمل force xpress وتاني لاف قلاس يعني الدواء تاع الزجاج يخرج المابل روعة وان شاء الله يفيدوك البنات

[aminabil]

اختي انا نستعمل واحد المنضف اسمه pliz هايل و يخرجلك روعة

[lalakarimanouri]

pliz maron l lou7 w blue l jzjaj

[ام عبودة]

السلام عليكم
شاركت في موضوعك اختي من قبل لكن ما لقحتش الله غالب
خيتي هذه المحنة رانا كامل نعانو منها بحكم المنطقة اللى ساكنتها انت شوي ابرك مني
في الصحراء وبكل اسف ما كانش حاجة اسمها يبقى الاثاث لامع
راني غير نخوف فيك ههههههههههههههههه
المهم نقلك انا واش ندير راني نسوفري وخلاص
شوفي في الانترنيت احوال الطقس كيفي ههههه
اذا كان نهار مشمس يا فرحتي : افتحي الشبابيك وامسحي الغبرة بالماء منثم لمعي الاثاث بpliz الازرق راه لكل الاسطح
خلاص تهنيتي من المسيح راه ما يصبرش الغبار ثمثم يتوحشنا اغلقي الشبابيك والابواب وديري نشافات نادية بالماء تحت الباب باش ما تدخلش الغبرة
وعليك وعلى الهمة وربي يعاونك ويعاونا

[/زهرة عصفور الجنة/]

i

[بسملة القرأن]

انا نقولك على احسن حل وهو النك تمسحي الغبرة يوميا لا منضف ولا اي شئ يفيدك في الغبرة وهاذي عن تجربة لاني نمسح الغبرة يوميا

[omallae]

شكرا حبيباتي كل واحدة باسمها على تقاسمي تجاربكن والله يعين الجميع على ما يحب ويرضى بارك الله فيكن