مارايكم قي تقني رياضي هندسة مدنية؟ بكل صراحة . استاذة اخي قالت له بان يختارها وهو سنة 1 ثانوي

رمزية · 2013-02-20, 15:53

مارايكم قي تقني رياضي هندسة مدنية؟ بكل صراحة .
استاذة اخي قالت له بان يختارها وهو سنة 1 ثانوي
وهو محتار صراحة لاننا لانعرف عنها شيئا .

ملااااااااااااك · 2013-02-22, 13:28

السلام عليكم
انا كنت نقرا هندسة مدنية في الثانوية
واديت الباك و نقرا درك طب
شعبة ساهلة خلاص خاصة مادة الهندسة مدنية
الرياضيات برك شويا صعيبة

رمزية · 2013-02-23, 15:47

الله يحفظك اختي .
معناها الفيزيك سهل من المات
ويجيبو فيها المعدلات لمليحة ؟
وقالولي باللي تعب بزاف كثر من اللي يدير علوم ولا مات .
وقالولي باللي لازلمها تركيز عالي جدا.
واش رايك.
واش هو الديفو اللي فيها؟
واش يلزلملها؟
هل شرط يكون تاكل على روحو في المات والفيزيك باه يديرها؟
وماهي المواد التي تدرسونهامع المعاملات؟
وايضا الدروس اللي زايدين في المات والفيزك عل العلميين ساهلة؟
وايصا هل الهندسة المدنية مثل الرياضيات تغلط في حاجة يروح كلش؟
لقد اطلت عليك سامحيني .
الله يحفظك

ملااااااااااااك · 2013-03-01, 15:57

اختي انا راح نحاول نفهمك
في شعبة تقني رياضي هندسة مدنية كاينة 3 مواد اساسية
رياضيات و فيزياء و هندسة مدنية
بالنسبة للرياضيات و الفيزياء يقراو كيما تاع شعبة الرياضيات, نفس الدروس نفس المستوى
يعني هم زايدين على تاع العلوم التجريبية واحد 3 دروس هكاكا ماهمش صعاب
الرياضيات و الفيزياء معاملتهم 6 في الباك
بالنسة للهندسة المدنية معاملها 7 في الباك و ساااااااااااهلة خلاص
فيها شوي حفاظة و شويا فهامة يعني الامتحانات يجيو اسئلة تاع حفاظة و تمارين ( الاغلبية تمارين)
الحاجة الساهلة في مادة الهندسة مدنية نفس الاسئلة تتعاود و التمارين كل عام في الباك يبدلوا غير المعطيات
انا ماكنتش نراجعها خلاص و ديت 19 وكاين لي يديو حتى 20 فيها بسهولة خلاص
انا شخصيا نصحت الغاشي لي نعرفهم باه يديروها
بالتوفيق ان شاء الله