كيييييييييييييييييييكة الألوااااااااااااااااان من مطبخي

kakinova · 2013-02-05, 15:54

بسم الله الرحمن الرحيم

هادي الكيكة عملتها اليوم

كيكة الألوان هشوشة و بنينة و بريزونتابل و ساهلة

للتزيين :
كاس حليب لحظة غبرة
مغرف كبيرة أو 2 سكر رطب حيب الذوق
نصف كاس ماء او ممكن زائد ملعقة يكون دافئ
نخلط كل المقادير و اذا كانت هناك أي تكتلات نصفي الحليب و نضعه على نار ضعيفة مع التقليب بملعقة خشبية حتى يخثار نوعا ما و يتجانس
او يمكن استعمال حليب نستلي جاهز بدل هذه الكريمة نفرغها في علبة و نخليها تبرد لحين الاستعمال

المقادير للكيكة :
3 حبات بيض كبيرة او 4 صغيرة
كاس حليب
علبة فلان فاني
نصف كاس مكسرات مرحية انا استعملت جوز و كوكاو مخلطين
نصف كاس زيت
نصف كاس سكر
1 خميرة
نصف ملعقة صغيرة كربونات الأحسن تكون نتاع الميزان
فرينة

نخلط البيض مع رشة ملح جيدا

نضيف السكر و الفلان و نخفق جيدا

نضيف كاس الحليب و نخفق جيدا حتى يذوب السكر تماما

نضيف الزيت و المكسرات و الخميرة و الكربونات و نكمل الخفق جيدا

نضيف الفرينة حتى تتماسك العجينة و تصبح لا جارية لا متماسكة كثيرا

ندهن المول بالزيت و نسكبها

ندخلها فرن ساخن على 320 درجة ثم ننقص الحرارة الى 250 نتركها 10 د ثم نخفضها الى 180 من فوق و من تحت حتى نشم ريحتها معنتها طابت من الأسفل او نعمل الضوء و نشوف الجوانب اذا احمرت نطفئ من تحت و نشعل من فوق
انا المول نتاعي بايركس طابت من تحت وز من فوق مع بعض بدون ما نخاف تتحرق

هنا لما طابت و هي ساخنة

الكريمة قسمتها على 4 القسم الكبير ما ضفتلو حتى لون و ضفت فقط مستخلص الليمون و قسم لونتو وردي و قسم آخر بالأصفر و الأخير بالبنفسجي

و هي سخونة دهنتها بالقسم الابيض المنكه بالليمون

نفرغ الكريمة الملونة في قطع بلاستيك و نلفها كحزمة و نغلق و نثقب ثقبة صغيرة بالسكين

و نقط نقاط عشوائية بكل لون حتى نكمل كل الألوان

لما نكمل كل الالوان ندخلها الفرن شاعل من فوق فقط و نعسوها حتى الكريمة تنشف و تجف و نستعملو صباعنا للتاكد من انها نشفت و لما تنشف تماما من فوق نخرجوها و نخلوها تبرد مليح ثم ننقلوها لصحن آخر
هنا بعد ما خرجت من الفرن

نتمنى تعجبكم وتدعيولي دعوة خير
هاذ القطعة لأول واحدة ردت

نفس الطريقة نتبعها مع كيكة جلد النمرالمخططة لي الاخت العزيزة بريق امل سبقتني ليها بارك الله فيها
في مكان الالوان نعمل لون بخلط الكريمة مع الشكولا غبرة و اللون الثاني بخلط الشوكولا مع قلييييييييييييل من الكاكاو و اللون الاخير بخلط الكاكاو مع الكريمة حتى نتحصل على لون غامق