تطبيقي لدرس19 لام رامي و بطاطا مقلية في الماء

[ام ساجد]

جمعة مباركة عليكم اخواتي ان شاء الله
البارح طبقت الدرس 19 من دروس الطبخ لام رامي وهو طبق الفول الاخضر وجا روعة لي ما ياكلش الفول يولي
ياكل انا جاني كيما السلاطة المشوية في المذاق خاصة لان حار نتمنى تجربوه رووعة
وطبقت ايضا المطلوع المحشي لام رامي وعجب الاولاد خلاص تصدق بالله امس عجنت في الصباح وفي الليل
لان الاولاد عجبتهم وقالولي ذرك تزيدي تعملي هالنا
يعطيك الصحة يا ام رامي ربي يباركلك في صحتك ويصلحلك في ذريتك وحتى اولادي دعولك قلتلهم
قولو يعطيك الصحة ياام رامي جزاك الله كل الخير
وطبقت ايضا البطاطا المقليةللاخت امونة ام البواقي يعطيها الصحة وجات روعة عيبها فقط انها طول في الطياب يعني كي تكوني مزروبة
ماديرهاش والزيت قليت فيه مرتين خليت برد خلاص وزدل شوي ماء وعاودت قليت جاتني كيما الاولى