سؤال محير .....؟

[fati_fofa]

السلام عليكم

انا عندي تساؤل علاه ضرك شباب هاذ الوقت عادوا يخافوا من المراة الناجحة وماهمش قادرين يتقبلوها في حياتهم و مجتمعاتهم و خاصة المجتمع الجلفاوي؟؟ باعتبار اني وحده من ناسو و اللي عايشين فيه هاذ الشيء لاحظتو ياسر و مدوخني نتاع الصح

[فارس الجزائري]

السلام عليكم
أولا الأخت هذا الشيء قليل وما أعتقدش أنو موجود بكثرة
ثانيا ما دوخي ما ولو الإجابة بكل بساطة
الذي لم يستطع تحقيق نجاح لنفسه يشعر بالغيرة فيكره أن يرىأي شخص ناجح مهما كان
ولكن هذا ليس دائماً
هناك الكثير من الشباب يفرح لنجاح المرأة بل ويقدم لها المساعدة من أجل تحقيق أكثر من هذا النجاح رغم أن كل الأبواب موصودة في وجهه هو.

[aabdellah18]

سلام الله عيكم
اختي انا ادعوك الى جيجل فالمراة الناجحة عندنا قدوة وقيمتها غالية
ارجو ان تقبلي دعوتي

[fati_fofa]

شكرا على مرورك اخي الكريم
مع اني ما نوافقكش الراي لاني لاحظت فعلا تجنب الشباب للشابات الناجحات من جهة و من جهة اخرى اصبح الموضوع فيه تشويه لسمعتها و عدم تقبل لها وسط المجتمع مع انك تلاحظ باللي المراة اليوم ما عادتش تحتاج الراجل كيما زمان و عادت تهني من روحها و من دارها و حوايج ياسر و هذا يخلي الجنس الاخر ما يتقبلهاش باعتبار انه مازال عايش في الزمن الماضي اللي كان فيه المجتمع ذكوري و اظن انه مازال المجتمع ذكوري نوعا ما لحد الان لانه مازال موش مستعرف بالمراة و وش تقدر تحقق
و يمكن اخي الكريم رايك هاذا نابع نتيجة عقليتك و شخصيتك اللي خالية من هاذ النوع من التخلف
يعطيك الصحة

[fati_fofa]

اخي عبد الله يعطيك الصحة و يبارك فيك و دعوتك على عيني و راسي و ان شاء لله في يوم من الايام يصحلنا نزوروا جيجل كيما نرحبوا بيك في الجلفة
شكرا على مشاركتك

[فارس الجزائري]

المشاركة الأصلية كتبت بواسطة fati_fofa

شكرا على مرورك اخي الكريم
مع اني ما نوافقكش الراي لاني لاحظت فعلا تجنب الشباب للشابات الناجحات من جهة و من جهة اخرى اصبح الموضوع فيه تشويه لسمعتها و عدم تقبل لها وسط المجتمع مع انك تلاحظ باللي المراة اليوم ما عادتش تحتاج الراجل كيما زمان و عادت تهني من روحها و من دارها و حوايج ياسر و هذا يخلي الجنس الاخر ما يتقبلهاش باعتبار انه مازال عايش في الزمن الماضي اللي كان فيه المجتمع ذكوري و اظن انه مازال المجتمع ذكوري نوعا ما لحد الان لانه مازال موش مستعرف بالمراة و وش تقدر تحقق
و يمكن اخي الكريم رايك هاذا نابع نتيجة عقليتك و شخصيتك اللي خالية من هاذ النوع من التخلف
يعطيك الصحة

أنا لم أنفي كلامك هو صحيح
ولكن أنا أعطيت لك تفسير هذا
كما كذلك استثنيت البعض من هم يقدرون نجاح المرأة
وفعلا مثل ما قلتي المجتمع مزال ذكوري ولكنه بدأت تظهر بعض بوادر التغير
والله أعلم

[aabdellah18]

مشكورة علي الدعوة