الى الأخت سطايفية بكل فخر أنا بحاجة اليك

toufik leb · 2013-02-16, 11:56

السلام عليكم أن بأمس الحاجة الى معلومات ياأخت في في شعبة نظافة و أمن صناعي بباتنة في أقرب وقت وأيضا من حيث فرص العمل للأنني أدرس في هذا المعهد حاليا السنة الأولى و دراسة فيه صعبة جدا من حيث الأساتذة و .... الخ و أدرس أيضا في جامعة قالمة السنة الثانية genie mecanique و أطلب منك نصيحة فقط من هي الأفضل باتنة السنة الأولى أم قالمة السنة الثانية و راني مستعجل بهذه الاجابة بارك الله فيكم

سطايفية بكل فخر · 2013-02-16, 15:06

اخي والله العمل راك عارف حال بلادنا كل القطاعات تعاني
+
انا تاع باتنة معنديش معلومات عليها بزاف فيما يخص مجال العمل علابالي غير تخدمو في الصحرا او في سوناطراك
وديما يقولولي تاع وهران احسن منها ولا اعرف السبب حتى انو واحد لانجينيار فيها دخل مند ايام وقال بلي معندهاش مستقبل
+
فيما يخص الميكانيك تقدر تلقا بلاصتك في بلادنا لانو بلادنا تاع ميكانيك وهدي قالهالنا استاد تاعي وبالفعل عدنتا لوزناوات وجلعهم يخدمو بالميكانيك
وزيد ياخي وعلاش راك مخلطها على روحك كيما هكا
راك علابالك القوانين صارمة وكون يفيقولك رايحين ينحيولك وحدة فيهم خاصة وان الغياب لا لازم تحضر وا الاقصاء راهو يتبع فينانصيحتي ليك اخي انت هدا اعام راك ضغطت روحك
العام الجاي كمل الميكانيك خلصها وبلوكي العام تاع الامن الصناعي
الميكانيك فرص دخول الماستر ليها كبير لانو تقريبا جل الجامعات عندهم ماستر ميكانيك كمل اخي بلاك طيرلك دوكتوراه
صلي صلاة الاستخارة وربي رايح يعاونك ان شاء الله

toufik leb · 2013-02-16, 15:41

بارك الله فيك أخت على هذه المعلومات و النصيحة و يعطيك الصحة بصح راح نقولاك شيء أن المعهد في باتنة نقدر نبلوكي فيه العام ?????

سطايفية بكل فخر · 2013-02-16, 16:51

العام هدا طفرت اخي فات الوقت لانو درنا امتحانات الفصل الاول
العام الجاي باش تقدر تبلوكي
وبلاك تقلهم بلي رايح تقرا في شعبة اخرى رايحين يقفلولك وحدة فيهم
بالتوفيق ليك اخي وربي يوفقك على اكمال هدا العام
+
سوال فقط كيفاش راك مداير في قصة الغيابات لانو راك قاسم روحك على جيهتين

toufik leb · 2013-02-16, 17:07

وفي قضية الغيابات راني ندي برك شهادة طبية قبل ما يفوتني الحال برك هدا مكان سافي نقرا طريف في باتنة و شوي في قالمة

سطايفية بكل فخر · 2013-02-16, 17:11

ربي يوفقك اخي فقط نولهك لحاجة
5 غيابات مبررة ايضا تعرض للاقصاء متتجاوزهاش
مبقالي غير نتمنالك التوفيق اخي

toufik leb · 2013-02-16, 17:19

شكرا لك أخت و بارك الله فيك على ردك على الأسئلة و نتمنى أيضا أن يوفقك أيضا الله سبحانه و تعالى في مجالك الدراسي و شكرا

سطايفية بكل فخر · 2013-02-16, 17:28

امين اجمعين ان شاء الله

اسيا26 · 2013-07-05, 13:34

سبحان الله