أعطيوني رايكم إخوتي

[khelil89]

أنا متخرج من الجامعة 2011 وهذه الأيام وصلني الاستدعاء الثاني للخدمة العسكرية ومعه ورقة بيضاء (أمر الإلتحاق ) ، نجحت في مسابقة المعهد الوطني لتكوين اطارات الشباب والرياضة قسنطينة يعني تقرا 4سنوات ومن بعد توجه الى العمل مباشرة ، ولما اديت الشهادة المدرسية الى مركز الخدمة الوطنية باش ممكن يعطيولي تأجيل رفضوه وقالي لازم ماستر ولا دوكتوراه ، راني حاير ، نروح نعقب الخدمة ونتهنى منها ، ولا نكمل الدراسة في المعهد لأن منصب العمل كما قيل لي من طرف المعهد راه واجد وغير تتخرج تخدم مباشرة ، لكن هذا الاستدعاء هو الأخير وإذا لم ألتحق راني نصبح روشارش .
أعطيوني خاوتي رايكم ولا حل ،رغم أني 90 بالمئة ناوي إن شاء الله نروح نعقب الخدمة الوطنية .

[miloud laboukhi]

خويا روح عقب العسكر وتهنى منو خير ما يهزوك ويعاقبوك ممكن يطلقوك توكل على ربي وصلي صلاة الاستخارة ولي فيها الخيران شاء الله

[عبد القادر مستغانم]

المشاركة الأصلية كتبت بواسطة khelil89

أنا متخرج من الجامعة 2011 وهذه الأيام وصلني الاستدعاء الثاني للخدمة العسكرية ومعه ورقة بيضاء (أمر الإلتحاق ) ، نجحت في مسابقة المعهد الوطني لتكوين اطارات الشباب والرياضة قسنطينة يعني تقرا 4سنوات ومن بعد توجه الى العمل مباشرة ، ولما اديت الشهادة المدرسية الى مركز الخدمة الوطنية باش ممكن يعطيولي تأجيل رفضوه وقالي لازم ماستر ولا دوكتوراه ، راني حاير ، نروح نعقب الخدمة ونتهنى منها ، ولا نكمل الدراسة في المعهد لأن منصب العمل كما قيل لي من طرف المعهد راه واجد وغير تتخرج تخدم مباشرة ، لكن هذا الاستدعاء هو الأخير وإذا لم ألتحق راني نصبح روشارش .
أعطيوني خاوتي رايكم ولا حل ،رغم أني 90 بالمئة ناوي إن شاء الله نروح نعقب الخدمة الوطنية .

خويا مين تكمل القرايا نتاع 4 سنوات وتترسم فالعمل نتاعك روح تفوتها إلا حبيت المنصب نتاعك راه مضمون كي تترسم

[sinopointic4]

إنتظر إجابت أخونا هاني
سأخبره
لا تتسرع

[islammedia]

إدا المنصب نتاعك يقعد روووح عقب خويا وربي معاك كلنا راه هلكتنا الخدمة الوطنية وأرجع كمل التكوين براحتك خير ماتبقى مشغول بيها وبلاك يجي يرفدوك كتولي روشارش بالتوفيق

[h4ni]

السلام أخي
اذا حاب تغامر شويا, ما تروحش و ابدا قرايتك, لكن بعد 3 اشهر او اربعة روح سقسي على حالتك في مركز الخدمة, نهار يقولولك راك روشارشي, تروح للمحكمة و تدي معاك الشهادة المدرسية
هنالك 50% تتم تبرأتك و 50% لا (حتى و ان تمت تبرأتك, لن تعفى من الخدمة لكنك ستحصل عللى سورسي لاكمال الدراسة)
يعني ماهيش مضمونة, مي نضن انو الحل الأمثل, و انت دبر راسك
اذا ماكش حاب تغامر روح فوت و اتهنى من المشكل هذا

[عبد القادر مستغانم]

المشاركة الأصلية كتبت بواسطة h4ni

السلام أخي
اذا حاب تغامر شويا, ما تروحش و ابدا قرايتك, لكن بعد 3 اشهر او اربعة روح سقسي على حالتك في مركز الخدمة, نهار يقولولك راك روشارشي, تروح للمحكمة و تدي معاك الشهادة المدرسية
هنالك 50% تتم تبرأتك و 50% لا (حتى و ان تمت تبرأتك, لن تعفى من الخدمة لكنك ستحصل عللى سورسي لاكمال الدراسة)
يعني ماهيش مضمونة, مي نضن انو الحل الأمثل, و انت دبر راسك
اذا ماكش حاب تغامر روح فوت و اتهنى من المشكل هذا

خويا هاني’أنا راني خدام بعقد ومارانيش حاب نسمح فيه حتى نترسم وانتا راك تقولو روح فوت لارمي أنا في رايي منصب العمل راه عزيز بزاف لوكان يروح للعسكر البوست نتاعه راح ، ماتجيهش فرصة عمل أخرى أنا في رأيي يكمل التكوين ومين يترسم يروح للعسكر نورمال ’البوست نتاعه مين يكمل يلقاه والله يسهل على كل واحد

[mahmoud yacine]

السلام عليكم .... اسمحولي باه نقول بلي كاين ناس تبدي الرأي تاعها تحكي بلعاطفة برك هنا ...... ياخاوتي اذا وصلك الاستدعاء مع امر بالالتحاق يعني بعد ستة اشهر او عام تكون روشارشي ومع ذلك تكون تقرا او خدام يحكموك يحكموك قريب ولا بعيد مع الوقت .... اذا كانت مدة الدراسة تكمل وتحكم الخدمة راني معاك تقعد ماتروحش لكن اذا تقعد وانت مزال تدرس في هادا المعهد اربع سنـــــــــوات يعني حاكمينك حاكمينك قبل ماتحكم انت الخدمة ولا كاين الحل كيما قالك الاخ هاني ريسكي عليها كي تخرجلك الروشارش يحكموك ادي معاك هاذي الشهادة المدرسية تكون ممكن يعطوك بيها سورسي حتى تكمل الدراسة تكون هاديك هي حكمت الخدمة ........ وشكرا

[khelil89]

شكرا جزيلا خاوتي ، ربي يعطيكم ما تتمناو
هذه هي بلادنا كي تتخرج تقول منصب عمل فقط ، كي يجي العمل هناك يبقى مشكل الخدمة العسكرية ، لو كان يطبقو كيما تونس الخدمة المدنية للعامل ، هذه حاجة مليحة ، لكن في بلادنا مافهمنا والو ...
المهم بارك الله في خاوتي ، وإن شاء الله يفرج عليكم ربي كل واحد واش يتمنى

[mahmoud yacine]

المشاركة الأصلية كتبت بواسطة yasminetiziouzou

يا اخي يا اخي اياك ثم اياك ترك دراستك في المعهد و تروح لخدمة هذا البلد الذي و خدمة فخامتهم السبب
اولا : انك الان في مرحلة الدراسة في المعهد بمعنى انك لست بموظف
ثانيا : ان تركت الدراسة في المعهد يعني بمثابة استقالتك و تركك للدراسة
ثالثا : ان انت اكملت الدراسة سيكون لك شهادات مدرسية و من بعد كي تكمل الدراسة و يوجهوك نحو العمل الدائم و هنا اخي ان كنت عاصي يمكنك الذهاب الى المحكمة العسكرية
و تثبت لهم السبب الشرعي لي خلاك ما تروحش لخدمة الفخامة باستظهارك الشهادات المدرسة

اخيرا اتمنى لك كل التوفيق يا اخي بما انك لديك فرصة ذهبية امامك لا ترجع ابدا ان انت تخليت عن دراستك في المعهد

مالا راك حاسبو انت ولد القايد الصالح يقعد حتى يكمل اربع سنوات باه يجيه الروشااارش ورانا نقولو الروشااارش يجي منا بعد عام ولا ستة اشهر يعني كي يكون في العام الاول بشهادة مدرسية يروح للمحكمة وليس مثل ماقلت انت يأخد كل الشهادات المدرسية لان كل الشهادات فيها اربع سنوات **** ربي يسهل عليك ويسهل علينا برك

[sinopointic4]

صلى ركعتين لله أخي وإستخره
لعل الله يجعل لك من أمرك مخرجا