لاني جزائرية .....فانا انتخب

السمسمه · 2009-04-08, 20:11

بسم الله الرحمان الرحيم
خلاص قررتو نحيتو علم الجزائر و علاقتو شاره سوداء كيما عملو شيى ناس...

الجزائر واقفه بكم و من دونكم لان شموع الامل مزالها تحترق لتضيئ لنا درب الوصول الى جزائر العزه و الكرامه

انتم يا معشر المقااااااااطعين
يامن

استيقضو من سباتكم ....... و الله افكار منغلقة هي تللك التي تدعو للمقاطعة التي قد ينجر عنها مالا تحمد عقباه .......لا حضو اخوتي انا المعموره باسرها و باختلاف معالم الامم متقدمة كانت او متخلفة تعاني من نفس المشاكل المحسوبيه الرشوة التهميش البطاله و ما ادراك مالبطالة الفقر و وووووووو.....غير انني ارى ان المستوى المعيشي لشعب الجزائري عرف تقدما ملحوظا - شوف فالطريق عمرك متصيب و احد مش لابس مليح و مش رافد موبيل من الاخرين ورافد قفه تبرك الله رانا ولينا مجتمع ديال الوكس و التبياش و التقلاش وتقولي الفقر...... امريكا عند سماها تعد 40 مليون فقير.....
البطالة منهدروش عليها نهدرو على هشاشة الشهادات اكرمكم ...و هنا العيب فالسلطة لالالالا اي سلطة هذي الي تراقب نوعية التكوين في غياب الضمير ...
الحرقة ..ملف على المودة و يقوللك مسكين حراق حكموه واش بيكم ياناس حرقتو تسقاملو ب 20-40 مليون و الله هذا المبلغ الي يشري بيه الموت و الله يعمل بيه بروجي صغير و يرجع سيد في بلادو مشي .... في بلاد الناس...اخوتي راحعو نفوسكم تصيبو بلي تنطبق علينا مقوله * نعيب زماننا و العيب فينا و ليس لزماننا عيب سوانا*
منستهلش الشهادة منحق منديهاش
منستهلش الخدمة منديهاش
نحرق دراهمي فالبحر و نقول بلادي ممدتليش وناس السلطة داو لي حقي مننتخبش ....و كي متتنتخبش شكون ينتخب الشينوي الي جابوه يخدم لاخاطر وليد لبلاد محبش يخدم و اذا خدم خدمتو مش متقنة.........مسكين مشنو قاري وحاب يخدم في بيرو ولا عساس فاليل و ركزو مليح فاليل ........هذي امثله بسيطة ركزو و فكرو تلقاو العيب فينا في ضمائرنا الميتة مش فيهم لانو الرئيس معندوش عطا موسى يعس 30مليون جزائري باه يقضي على مشاكل و نعيشو في سعادة المسلسلات ...الكاذبة و بطول ترجع لكل شيئ قيمته ....لاكن و قتاه كي نكونو حنا على قد المسوؤليه...........
وقبل كل هذا انا ننتخب لاني موجود لاني جزائريه المنشا و التكوين لانو دولتنا و ديننا الحنيف يكرس مبدء الشورى
و باه نزيدكم انا نحب بوتفليقة و نفوطي على بوتفليقة لانو فنى شبابو في خدمة امنا الحبيبه تذكرو معي صوره بوتفليقة ذات 1999 وبتفليقة الفرق اليوم و قد نالت منه المسؤوليه ماربها لما الجحود و علاه ننكرو عليه انجازاتو على الصعيد الوطني القاري و الدولي مزال كان حوايج متعملوش و رانا معاه باه نكملو معاه للاخر و مبروك عليه من الان لانو كامل راح نكونو معاه و الي يحب يهدر على التزوير يشوف لحالو وواش جاب وواش راو حاب يواسي يقولو الي* خانو سعدو يقول بيا السحور* هههههههه مثل مضحك ينطبق على حال المتشرحين ....حمله تكالبيه عفوا انتخابيه كامله مكانش الي طرح مشاريعو كامل يسبو في سياسات و سياسين كانو بالامس القريب مقربين اليهم ...غير العزيز المعزز على العهد دوما ومع الامل الى الامام.......و بعيد السما عن نبيح .........اخوتي انتخبو و كرسو حقكم الانتخابي

والي حاب مزيد من النقاش راني هناااااااااااااااااااااااااااااااا
يحيا العزيز عبد العزيز

بوتفليقة

alito18 · 2009-04-08, 20:29

انا نفوطي على

الله يرحمهم و يوسع عليهم

طارق القبطان · 2009-04-08, 20:48

حنا مقلنالكش ماتفوطيش
قلنالكم أخطونا معلبالناش لا بيكم لا بالفوط نتعكم
هما اللي راهم يحاولوا فبنا باه نفوطوا وماناش مقيمينهم

السمسمه · 2009-04-08, 20:50

الكل يشهد انو خليفة بومدين هو العزيز

السمسمه · 2009-04-08, 20:53

وهل انت مسجل اصلا ................فالكلام ليس موجه للك ...الكلام موجه ل 20 مليون من اصل30 مليون جزائري مسجل .......................اوكي
فانت ان لم تكن مسجل فلست معني وواحد مو يحكي عليك وليدي

طارق القبطان · 2009-04-08, 21:12

أنا مسجل وعمري ما فوطويت
إذا كان الأمر كذلك جدتي
فلماذا كل هذا التحوف من المقاطعة
لماذا كل هذه النداءات
لماذا حذف بعض من رواتب العمال لأنهم رفضوا الخروج لاستقبال فخامته

salma02 · 2009-04-08, 21:18

سؤاااااااااااااااااال
لكم انتم من تنادون بالتصويت
ترى هل دعوتكم هذه بدافع الوطمية حقا؟؟؟؟
ام قبضتوهم سخونين قبل ما تشهروا الحملات؟؟؟؟

فراشة المملكة · 2009-04-08, 21:23

كى تخرجى لشوارع تشوفى الوضعية المزرية نتاع الشعب
منذ ان ولدت الجزائر ولد الانتخاب
والفقر ..........................اوكى حبيبتى

السمسمه · 2009-04-08, 21:28

هذا رايي و و تللك افكاري ولن احيد عنها و انتم باين عليكم قلوبكم معمرين وملقيتوش وين تفرغوهم غير هنا انا نقوللك حاجة مكاش واحد الي ميحبش يحضر لتجمع لرئيس المتجددة ولايته و يسمع باهتمام لكلماتو الجواهر انا نحبو و فوطيت عليه في عهدتيت و نشاء الله غدوه الثالثة و يبالي والله اعلم
كلامكم يوحي بلي مكمش مسجلين لانو بينين من نبره كلامكم ..............اشربو لحليب قبل مترقدو باه غدوة متنوضوش بكري...ياك

طارق القبطان · 2009-04-08, 21:32

علاه ما نوضوش معامبالناش بيكم فوطو ولا اقعدوا
منين قربت الفوط ما شفت حتى موضوع يجب المقاطعة
نلقى غير الوطنية هي الفوط واللي ما يفوطيش عدو الوطن
لماذا المقاطعة يجب أن تنتخبوا
واحد يقلك رام أفتاو بلي الإنتخابات واجب
لذلك حنا ماناش معمرين راسنا بالفوت نوضوا ونخرجوا وما نفوطيوش

فراشة المملكة · 2009-04-08, 21:35

انا مسجلة وعلابالى واش رانى نقول ما تكونيش ........................

طارق القبطان · 2009-04-08, 21:36

اقتباس:

المشاركة الأصلية كتبت بواسطة فراشة المملكة

انا مسجلة وعلابالى واش رانى نقول ما تكونيش ........................

ماديريش عليها الله غالب راهي مخلوعة بلاكارت فوط
مسجلة في القائمة راهي حاسبة روحا حاجة كبيرة بزاف

السمسمه · 2009-04-08, 21:37

يا وليدي اسمك يدعو لتشاؤم تاخذ برايي غيرو انت كاره حياتك من اسمك و حنا حاب تكرهنا معاك انا مزلني صغيرة و نحلم و خصوصا و اني طالبه دكتوره مع منحه شهريه 12000دج تبارك الله و الحمد لله
يزيكم من التشاؤم و الا تشاؤمو بعيد عناااااااااا

بلييزززززززززززز

السمسمه · 2009-04-08, 21:41

اقتباس:

المشاركة الأصلية كتبت بواسطة فراشة المملكة

كى تخرجى لشوارع تشوفى الوضعية المزرية نتاع الشعب
منذ ان ولدت الجزائر ولد الانتخاب
والفقر ..........................اوكى حبيبتى

واش من حاله حنونه العباد هبلت و قاع حطة و تقلاش تيياس و ماكلة لاباس عليهم ولا راكي عايشه في بولهيلات .....ياك راكي قدمك متكذبيش
عدنا منفرقوش العرب فيهم من ....

طارق القبطان · 2009-04-08, 21:43

الكارت فوط ماهيش حاجة خلاص القط رام خدمولوا وحدة
اما بخصوص الدكتورة الله يبارك وربي يوفقك مانيش حاسود
أنا نهدر الحق لأني أعرف معنى الحكم والدولة والإنجاز
وكان بك أن تكوني أكثر نضجا في النقاش بصح الله غالب تعلمتوا على القطط السمان القمع و عدم النقاش لأن فاقد الشيء لا يعطيه
جل نقاشك ماكش مسجل روح اسكت اصمت وإلا انت عدو
وهذا أسلوب الحكام عندنا