قاطــــــــــو فارميســـــال

[ام سراج وملاك]

قاطو فرميسال بنين وطري والمقادير نتاعو بسيطة وزكي في نفس الوقت مليح للمناسبات نتمنى انشاء الله تجربوه وترجعولي بالخبر واذا مفهمتوش اي حاجة انا في انتظار اي سؤال منكم نخليكم مع المقادير
المقادير:
500غ زبدة اي نوع + كاس غير ربع سكر ارطب + 3حبات بيض + 2 خميرة نتاع القاطو + فرينة تلمي بيها العجين
الحشو :
كاس كاوكاو مرحي رقيق + كاس نواد كوكو + نصف كاس سكر ارطب + مغرف كبيرة كاكاو اذاكان لونو غامق نتاع الميزان اذا كان لونو فاتح ديري زوج مغارف لمي الخليط نتاع الحشو بماء الزهر وديريهم دوائر صغار
التزين :
شكولاطة سوداء ذائبة+ فارميسال سوداء + سلك ذهبي اذا اردتي
طريقة التحضير :
خلطي جميع مقادير تتحصلي على عجين طري ديريها دائرة بيدك وديري في الوسط ثقب حطي فيه دائرة صغيرة نتاع الحشو ودوري مليح وديريهم في صينية ودخليهم يطبو كي يطيبو اغطسيهم في شيكولا ذائبة وزيدي في فارميسال سوداء ورشي بسلك ذهبي من فوق
اسمحولي عندي غير حبة كنت مخبيتها من قبل صورتهالكم خطراه من طبعي كل من نطيب القاطو نخبي حبة باش نوريها لصحباتي كي يطلبو مني اي وصفة نوريهالهم متضحكوش عليا برك وتقولو تصور غير حبة برك راني مخبيا بزاف انواع نتاع القاطو انشاء الله نكتبلكم جميع المقادير نتاعهم في اقرب وقت