دحرجوني علني الحق سباق الماراطون

أم ماجد · 2013-11-25, 10:06

بعد فترة ركود
تشجعت والفضل يعود لمتسابقة في الماراطون شفتها في التلفاز وصلت وهي تتعوج مسكينة الا انها وصلت الاخيرة
قلت نواصل انا معليش وفي يدي عصا ونلحق متنافساتي

وصلت هنا ل134 تطبيق
https://www.djelfa.info/vb/showthread.php?t=1433674

جربت مرقاز العزيزة ام ساجد هايل هايل

وعصبانة واحد الاخت الله غالب نسيتها من بعد نبحث على موضوعها

مع اطباق العيد درت بوزلوف في الفور للاستادة ام رامي لكن انا زدتلو البطاطا الله الله على البطاطا

وجربت ايضا الشحمة تاعها هايلة اممممممممم

ولازم تحضر هريسة بروقة روعة جربوها سهلة

وجوزت بخبز الدار للحاجة ام اماني روعة كالعادة

والحلو للحلو يا قرعاجات هههههههه

بلح الشام للايدي تحفة وهبلوا عليه الضياف يا ليل يا عين

وتحلية ام انس الغالية بالشوكولا امم هايلة هايلة

وماننساش الغايبة الحاضرة حبيبتنا انا امهم ونقولها توحشناك برشة والله لا يغيبك علينا

ونحيت الدسم بايس تي ملكة المعجنات اللهلوبة الهام تصفيقة حارة هههههههه

يا ويلي يا ويلي رايحة نطيح قبل مانوصل ل200
الجماعة السمينة راهي عارفة روحها احكموني احكموني
الرقاقات غير يبعدوا لا نطحنكم ههههههههههههههه

لي عودة لوضع الروابط

144 تطبيق ومازال مدخرة شوية هههههههههههه

soua3d · 2013-11-25, 10:17

الله الله ما شاء لله عليك يا أم ماجد راكي في القمة

حياتي نبع امل · 2013-11-25, 10:19

هههههه الى الامام ام ماجد هههه
نقولك حاجة بيك عوينة يلزمك ترقي سينو عاودي اعرضي العجايز اكسبي الاجر وطلعي التطبيقات ههههه وركزيلي على اللوحة الكبيرة. اللي يسيبورتيوك فيها ههههه
بالتوفيق يعطيكالصحة
نسيت حاجة احكمي رونديفو عند بالحمر هههههههه في اسبوعتلحقي الف تطبيق

*أم ثازيري* · 2013-11-25, 10:23

الله الله على الفشله نتاعنا
ربي يباااااااااااااااااااارك و يزيييييد تطبيقاتك رووووعه

أم محمد تاج · 2013-11-25, 10:26

هههههههههههههههههههههههه يعطيك الربح على التعليقات تاعك موصيبة
والتطبيقات روووووعة الى الأمام سر هههههههههههه يعطيك الصحة

*أم كوثر* · 2013-11-25, 10:27

ماشاء الله يعطيك الصحة ام ماجد
اكسيليري شوية الجماعة راها في ال200 ههههههه

أم محمد تاج · 2013-11-25, 10:27

حطيلي رابط بلح الشام حنونة وماتخلينيش نحوس بزاف على لايدي راهي راقدة في سابع نومة

ilbeldelmondo · 2013-11-25, 10:28

ام ماجد تطبيقاتك عندهم طابع خاص ماشاء الله راكي مفرحة العائلة الكريمة و حتى الضياف واصلي وننصحك بهذه تناسب كل الحجوم و كل الأعمار و القدرات

روضة 88 · 2013-11-25, 10:29

تسلم ايدك
روووووووووووووعة
في انتظار المزيد.

ابداع جزائرية · 2013-11-25, 10:29

امممممممممممم كلش يشهي اختي ام ماجد
يعطيك الصحة
مّالا الدعوة فيها سباق؟
واللي يبدا من ضرك وكتاش يلحق؟يجازف ولاّ ماكان علاه؟
هههههههه

<نَجْمَاتْ> · 2013-11-25, 10:32

يعطيك الصحة ياام ماجد هذيك التلقائية والطريقة السهلة في كل مواضيعك وتطبيقاتك وكلامك هي اللي خلاتك محبوبة الكل وكي شفت البارح مواضيعك شدانتباهي المسكوتةالل دارتها بنتك الصغرى ربي يحفضهالك وريتها لبنتي وقاتلك انا ثاني كي نجحت في الساكيام درت الحلويات وحدي وعمري10 سنوات ربي يحفظلنا اولادنا

أم إناس · 2013-11-25, 10:32

ماشاء الله عليك ام ماجد ياتيك الصحه

oum anas 69 · 2013-11-25, 10:34

هههههههه أم ماجد زيدي شوية فيتاس أخاااااااااااااه حتى الجمهور روح و الملعب فرغ و نتي مازالك ماوصلتيش ههههههه
تطبيقات أروع من الروعة ربي يخليلك صحيحتك

بريق الامل& · 2013-11-25, 10:35

ما شاء الله يحيا النشاط وتحيا الحيوية ربي ما يحرمنا منك ومن طياباتك ومن تطبيقاتك وروحك المرحة حبيبة اللكل ما شاء الله

ladymillion · 2013-11-25, 10:42

هههههههههههه موضوع رائع والتطبيقات اروع يعطيك الصحة ام ماجد راني ندزك شوي باش توصلي هههههههه الى الامام برك مشكورة على الثقة حبيبتي