الفول و مشكل سواد المرقة

امونة الشاوية · 2013-02-10, 12:24

ومع موسم الفول رانا كامل نديروه في المرقة في العيش في الكسكس هو بنين بصح كي يسود المرقة اععععععععععععععع الفكرة باش ما يسودش المرقة تحطيه يهز الغلية مع شوي قارص يعني كي يبدا الماء يغلي تحطيه و تاخري الحطان تاعو في المرقة لانو يولي نصف طياب باش مايتهراش
و دائما الطياب هذا الزايد و سلق الخضار ديريلهم برمة سبيسيال لكي ما تفسديش حوايجك الملاح للحليب طاوة تاعو و الماء طاوة تاعو و للبواقي تاع الاكل كاين ببوطات سبيسيال يعني ماش واين تسخني الاكل تفيضي للحليب ماتخلطيش في الكوزينة و يكونوا اوانيك منضمين
و ايا لي عندها فكرة اخرى تقولها زيادة الخير خيرين **