لكراب بي البدنجان + سلاطة الزبادي

[نسائم الصباح]

اليوم جبتلكم وصفة سهلة وبسيطة وخفيفة .هي عبارة عن كراب بالبدنجال والتونة .

طريقة البدنجال والتونة هي لي الأخت الأمنيات حافظها الله .فقط زدتلها من عندي في الأخير ليمون وزيت الزيتون أعطتها مذاق أروع

https://www.djelfa.info/vb/showthread.php?t=1168256

مقادير لكراب حسب طريقتي :


3كيسان حليب .7ملاعق كبيرة فرينة القمح (وغيرة الفرينة البيضاء بالقمح .من أجل المصابين بالمعدة والقولون لأنه أخف ) .حبة بيض كبيرة أو 2صغيرة .ملعقتين زيت .3 ملاعق نشاء .ملح .وملعقة متوسطة فانيلي
نخلط كل شيئ بالتذريج بيض ثم زيت ثم باقي المكونات .حتى تصبح عندنا هذه الكثافة وهذا هو سر خفيتها



ونخلوها ترتاح لمدة ساعة او ساعتين .وبعدين نطيبوهم على نار هادئة في مقلة تكون متلسقش .وتكوني سخنتيها مليح .
وحاولي تقلبيها بلعقل لأن خليط القمح يلسق شوي مشي كيما تاع الفرينة البيضاء
وبعدين نحشوها ب شكشوكة البدنجان والتونة ولفيها وقطعيها دوائر وقدميها في صحن



نروحوا الأن لي مقادير سلطة الزبادي :



علبة زبادي أي حليب رايب كثيف غير حامض .نعناع أخضر مقطع صغير .حبة خيارة مقطعة صغيرة .فاصين ثوم مهروس .وملح .نخلط الجميع ونقدم في صحن .كاين أسهل من كذا
ونقدموا كل شيء في صحن تقديم مع سلطة خضراء .وشهية طيبة






إن شاء الله تعجبكم الوصفة .أعتد ر على عدم التصوير بتفصيل لأنها سهلة ولاتحتاج صور كثيرة