حلويات عمرة اخي

ايمان16 · 2013-04-02, 19:57

لبنات اليوم كملت الحلوى درت 4 مودال وكروكي ومبعد نصورولكم قولولي رايكم فيهم والي حابة غسات تاع كاش مودال تقلي
نتمنى يعجبوكم

هادا قاطو الخرباشة تاع الاخت الوهرانية انا بدلت ف الديكور يعطيها الصحة يخرج يهبل ويقطع بزاف

هادا بودينغ بحلوة الترك بارد بنين بزاف

هادا مشقوق معسل

هادا معمول ديت الشكل من عند الاخت الاخت صوامعية بيزو ختيتو ولاغسات معتمدتها من قبل

صابرة2013 · 2013-04-02, 20:00

عمـــرة مقبــــــولة أختي برك رقم 3 بودينغ

سعاذ · 2013-04-02, 20:02

ربي يتقبل منو
يعطيك الصحة لعقوبة ليك ان شاء الله

z2009 · 2013-04-02, 20:42

عمرة مقبولة ان شاء الله

المستغفرة · 2013-04-02, 20:50

ربي. يتقبل
هايلين يعطيك الصحة

انتي بلون الورد · 2013-04-02, 21:05

عمرة مقبولة ان شاء الله العقوبة لحلويات عرسك يا رب.انا اعطيني المشقوق و المعمول

douda-89 · 2013-04-02, 21:38

حلوة هايلة و ربي يتقبل

الوهرانية 1 · 2013-04-02, 22:50

شكرا على الثقة حبيبتي في وصفتي
وانشاء الله عمرة مقبولة وعقبال السامعين
خرجولك شابين الحلويات
حبيبتي ناقصك حاجة تع عسل
واسمحيلي على التدخل من الاحسن ادا كانو الامكانيات تزيدي حلوى معسلة مجرد راي حنونة
تحياتي

ايمان16 · 2013-04-02, 23:21

اقتباس:

المشاركة الأصلية كتبت بواسطة صابرة2013

عمـــرة مقبــــــولة أختي برك رقم 3 بودينغ

الله يسلمك ياقلبي واعقوبة ليك شوفي احكمي كيلو كوكاو حمصيه واطحنيه و2 باكي بيمو اطحنيهم بودر 2 مغارف كبار كاكاو فاني وزاست 2 قارصات ونص كاس سكر قلاصي سخني سوي عسل خفيه بماء زهر ولمي لعجينة غطيها ببلاستيك اخدمي لقلاصاج تاع شكولا احكمي شوي زبدة وحليب سائل فوق بان ماغي وراب شكولا انا نستعمل العصفور وذوبي معاها باكي منى و مغرفة كبيرة كاكاو 2 مغارف سكر قلاصي وخلطيهم حتى يدوبو بيان ارجعي لابات ديالك افتحيها فتي فوقها حلوة الترك وروليها وقلاصيها فوتي عليها فرشيطة وزينيها من فوق كيما حبيتي ولا ديري يغيون دخليه فريجيداغ ساعة تكفي خرجيها فطعيها ديريها ف لي كيسات وكوليها هههههههه حنونة تجي فور بزاف وتحمر الوجه اذا مافهمتيش نعاودلك نتمنى تجربيها وتقوليلي اوك بيزو

ايمان16 · 2013-04-02, 23:26

اقتباس:

المشاركة الأصلية كتبت بواسطة سعاذ

ربي يتقبل منو
يعطيك الصحة لعقوبة ليك ان شاء الله

مرسي سوسو وليك حنونة تعيشي

اقتباس:

المشاركة الأصلية كتبت بواسطة z2009

عمرة مقبولة ان شاء الله

ان شاء الله لعقوبة ليك حنونة

اقتباس:

المشاركة الأصلية كتبت بواسطة المستغفرة

ربي. يتقبل
هايلين يعطيك الصحة

يسلمك ياعمري لعقوية ليك

muslimone · 2013-04-02, 23:34

عمرة مقبولة والله يعطيك الصحة الله يخليك اعطيني غوسات تاع المعمول لأني كل مرة نديره وما يجينيش شباب يجي يابس وشكراااااااا

ايمان16 · 2013-04-02, 23:36

اقتباس:

المشاركة الأصلية كتبت بواسطة انتي بلون الورد

عمرة مقبولة ان شاء الله العقوبة لحلويات عرسك يا رب.انا اعطيني المشقوق و المعمول

تعيشي حنونة ان شاء الله
المعمول تحكمي باكي زبدة تخدميها مع كاس سكر قلاصي تزيدي 2 بيض ولافاني اروم الي حبيتي انا درت قارص و 2 مغارف مايزينة نص باكي خميرة مع فرينة وتلمي بيدك تخليا ترتاح تخدمي لافارص ديالك تمر ولا لوز ولا كوكاو الي حبيتي انا درتو بتمر وشكليه انا شكلتو مربعات كيما الاخت صوامعية بمول مربع وراهم كاين لي مول تاه المعمول
المشقوق باكي زبدة 250 تخدميها مليح مع كاس سكر قلاص ومبعد تزيدي 4 صفار بيض ومغرفة نشاء وفاني ولاروم الي حبيتي انا درت بندق 3 مغارف كاكاو وباكي خميرة وتشيحي ب فرينة حتى تولي عجبنة تكوريها وتحشيها بحلقوم تفوتيها ف بياض البيض الي بقالك من لعجينة وف كوكاو شغل مشوك فهمتيني ديريهم ف لي كيسات طيبيه جيست مايخرج تخله شويوتعسليه بعسيلة مش شخونة مش باردة نص نص وتخليه يبرد ان شاء الله نكون فهمتك بيان اذا مافهمتيش كش حاجة قوليلي نفهمهالك بيان اوك حنونة

البنت الجلفاوية · 2013-04-02, 23:39

الله يبارك ويعطيك الصحة

ايمان16 · 2013-04-02, 23:44

اقتباس:

المشاركة الأصلية كتبت بواسطة douda-89

حلوة هايلة و ربي يتقبل

مرسي حنونة ولعقوبة ليك

اقتباس:

المشاركة الأصلية كتبت بواسطة الوهرانية 1

شكرا على الثقة حبيبتي في وصفتي
وانشاء الله عمرة مقبولة وعقبال السامعين
خرجولك شابين الحلويات
حبيبتي ناقصك حاجة تع عسل
واسمحيلي على التدخل من الاحسن ادا كانو الامكانيات تزيدي حلوى معسلة مجرد راي حنونة
تحياتي

انتي الشابة ياعمري من حطيتي الوصفة درتها ميل فوا ههههههههه تالمون عجبتني حنونة المشقوق معسل وماحبيتش ندير بقلاوة بويسكو ختي قتلي انا نديرها سيبي راحتك ياقلبي رانا خيات ومرسي بزاف على النصيحة ياعمري ربي يحفضك بيزو

اقتباس:

المشاركة الأصلية كتبت بواسطة muslimone

عمرة مقبولة والله يعطيك الصحة الله يخليك اعطيني غوسات تاع المعمول لأني كل مرة نديره وما يجينيش شباب يجي يابس وشكراااااااا

الله يسلمك ياعمري اني حطيت الوصفة شوفي الزبدة الي تخدمي بيها بلاك مش مليحة وتاني كي يبرد خبيه بيان جربيها وان شاء الله تنجحلك ياعمري

amirati · 2013-04-02, 23:50

عمرة مقبولة ان شاء الله