امر الالتحاق بالاكادمية العسكرية شرشال مشاة

[el mazouni]

السلام عليكم انا خوكم جاتوا كما الشباب الجزائري الزوالي فقط لان الي عندوا المعريفية ميخممش جاني استدعاء 22 مارس شرشال سلاح المشاة و والله ماني حاكم فيها بولون قالولي مليحة وكاين شرشال الفوق ولتحت وانا هادي نتاع الفوق ولتحت غيبتهالي حبيت نسقسيكم يادرا مليحة فهموني اللعب والميتاسيون نتاعها كيفاش الله يستركم

[sinopointic4]

ربي يقدرك خو
+
سيجيبونك

[أنورمصطفى]

ماتخممش أنا تاني جاتني في شرشال مع أمر الالتحاق نروحو ونكملوها ان شاء الله قولي واش من ولاية انت

[djamal_17]

salam djma3a fahmouni kiffah 3aytoulkoum

[karik_dz]

سلام خويا انا كنت في هاد المدرسة راه نفهمك اولا الاكاديمية العسكرية لمختلف الاسلحة مش هي البلاصة لي راح دير فيها ستاج انت في المدرسة التطبيقية للمشاة جات فوقها بعد .الاكاديمية كبيرة في الحجم اكبر مما تتخيل المدرسة نتاعك جات فوقها مي ماتقدرش تروح على رجليك ساهلة بزاف كيفاش توصل كي توصل محطة نتاع شرشال جات في خارج المدينة قدام الشاطئ اركب في حافلات صغيرة تهبط وسط مدينة شرشال يحطك في وحد البلاصة روعة في الجمال انت من فوق والبحر من تحتك تما بعد قلهم وين الحافلات لي يدو سيدي يحي هادا اسم الحي لي توجد فيه الثكنة راه يحطك قدام الباب قلو الدوزيام برك هو علابالو
شوف العقلية في المدرسة روعة المدرسة حاكمها جنرال من اروع الرجال لي شفتهم في حياتي انسان مثقف جدا جدا راه يزوركم في الاقسام يتكلم عدة لغات اهمها الروسية بالرغم من كبر سنه لكن يحب يخدم ديما نشط يحب طلبة ضباط الاحتياط من باعد تلقاو مدير التعليم رجل حازم زصعب بزاف هادا مادورش جيهته كامل قائد السرية لي تكون انت تابع ليها جا جديد في اوت لي فات مانعرفوش
السكن في عمارة اسمها 300 مع الاجانب وضباط الصف غرف لائقة جدا جدا نظافة روعة الماء كاين ديما الدوش كاين تما المهم راح تبقاو جوايه شهر نتوما سيفيل ماكلة ورقاد برك حتى تكره تقول وقتاش نلبس تلبسو جوايه 16 افريل تبدا الخدمة رياضة صباحية على 5 متعبة شويا الرطوبة بزاف في شرشال راه تتعب من باعد تروحو تقراو راح تكرهو من حاجة اسمها نظام منظم تعب جسدي حاول تركز مع المؤطر لي هوا ملازم احتياطي تكرهو من هاد الحصة نظام منظم متعبة جدا مي راه تشبعو ضحك من بعد ديرو حفل صغير اسمو حفل الانتساب بحضور الجنرال من باعد يوصل حفل تخرج ضباط الصف المتربصين راه تحبسو القرايا كرفي ثم كرفي ثم كرفي تكرهو هز هبط ادي جيب اصبغ امسح اغسل بصح تفوت في جو ضحك من باعد تبداو حراسة يوم تخدم و يوم لا حتى يقرب التخرج نتاعكم تحبسو الميتاسيون نتاعها كارثة كارثة اغلبها الصحرا و مناطق مكافحة الارهاب وكاين لي يقعد تما لي قاري لغات ولا اعلام الي يبقا في المدرسة ولا يتحول الاكاديمية العسكرية مكان راقي جدا كاين لي يروحو بلايص ملاح مي قليل مش بزاف المهم انا قتلك وش تفكرت كشما تحب تسقصي على حاجة قلي

[جمال الدين]

الله يبارك على الناس اللي يحبو يوقفو مع خاوتهم بالنصيحة الله يعطيك ماتتمنى و نتمناو التوفيق لكل الشباب الجزائري

[غصن زيتون]

انا ثاني جاني امر الالتحاق

[el mazouni]

المشاركة الأصلية كتبت بواسطة أنورمصطفى

ماتخممش أنا تاني جاتني في شرشال مع أمر الالتحاق نروحو ونكملوها ان شاء الله قولي واش من ولاية انت

والله نتا تني مشاة المدرسة التطبيقية لإطارات المشاة ايا نتلاقوا تم انا من ولاية غليزان واسمي برافع ابراهيم وانا حبيبنا

[el mazouni]

المشاركة الأصلية كتبت بواسطة karik_dz

سلام خويا انا كنت في هاد المدرسة راه نفهمك اولا الاكاديمية العسكرية لمختلف الاسلحة مش هي البلاصة لي راح دير فيها ستاج انت في المدرسة التطبيقية للمشاة جات فوقها بعد .الاكاديمية كبيرة في الحجم اكبر مما تتخيل المدرسة نتاعك جات فوقها مي ماتقدرش تروح على رجليك ساهلة بزاف كيفاش توصل كي توصل محطة نتاع شرشال جات في خارج المدينة قدام الشاطئ اركب في حافلات صغيرة تهبط وسط مدينة شرشال يحطك في وحد البلاصة روعة في الجمال انت من فوق والبحر من تحتك تما بعد قلهم وين الحافلات لي يدو سيدي يحي هادا اسم الحي لي توجد فيه الثكنة راه يحطك قدام الباب قلو الدوزيام برك هو علابالو
شوف العقلية في المدرسة روعة المدرسة حاكمها جنرال من اروع الرجال لي شفتهم في حياتي انسان مثقف جدا جدا راه يزوركم في الاقسام يتكلم عدة لغات اهمها الروسية بالرغم من كبر سنه لكن يحب يخدم ديما نشط يحب طلبة ضباط الاحتياط من باعد تلقاو مدير التعليم رجل حازم زصعب بزاف هادا مادورش جيهته كامل قائد السرية لي تكون انت تابع ليها جا جديد في اوت لي فات مانعرفوش
السكن في عمارة اسمها 300 مع الاجانب وضباط الصف غرف لائقة جدا جدا نظافة روعة الماء كاين ديما الدوش كاين تما المهم راح تبقاو جوايه شهر نتوما سيفيل ماكلة ورقاد برك حتى تكره تقول وقتاش نلبس تلبسو جوايه 16 افريل تبدا الخدمة رياضة صباحية على 5 متعبة شويا الرطوبة بزاف في شرشال راه تتعب من باعد تروحو تقراو راح تكرهو من حاجة اسمها نظام منظم تعب جسدي حاول تركز مع المؤطر لي هوا ملازم احتياطي تكرهو من هاد الحصة نظام منظم متعبة جدا مي راه تشبعو ضحك من بعد ديرو حفل صغير اسمو حفل الانتساب بحضور الجنرال من باعد يوصل حفل تخرج ضباط الصف المتربصين راه تحبسو القرايا كرفي ثم كرفي ثم كرفي تكرهو هز هبط ادي جيب اصبغ امسح اغسل بصح تفوت في جو ضحك من باعد تبداو حراسة يوم تخدم و يوم لا حتى يقرب التخرج نتاعكم تحبسو الميتاسيون نتاعها كارثة كارثة اغلبها الصحرا و مناطق مكافحة الارهاب وكاين لي يقعد تما لي قاري لغات ولا اعلام الي يبقا في المدرسة ولا يتحول الاكاديمية العسكرية مكان راقي جدا كاين لي يروحو بلايص ملاح مي قليل مش بزاف المهم انا قتلك وش تفكرت كشما تحب تسقصي على حاجة قلي

والله بارك الله فيك خويا شرح مفصل تسمى البلاصة وسمها سيدي يحيى نسقسي عليها ونروح حاب نسقسيك شحال نقدر ندير روطار وندخل ولا واش تنصحني نروح فالوقت وسمحلي مرديتش عليك تم تم الكونيكسيوا خلاصتلي وراك تعرف سيستام حتى دبر باش تخلصها بصح يا حبيبي الكرفي مزالك عاقل عليه ههههه راك معاد الكلمة نتاع الكرفي 5 مراة باينة قلعلك قلبك بيني وبينك حبيبنا والله راني رايح على ربي وخلاص كل واحد و واش يقلك مليحة ماشي مليحة المهم نتا علا حسابك راهي تبانلي مليحة وحاب نسقسيك الميتاسيوا نتاعك نتا وين كانت

[el mazouni]

المشاركة الأصلية كتبت بواسطة الزينون

انا ثاني جاني امر الالتحاق

وين جاك واش من سلاح و وين البلاصة المدرسة التطبيقية لايطاراة المشاة الناحية العسطرية الاولى يلا هاكدا رانا كيف كيف قولي واش من ولاية نتا و اسمك ونتلاقوا لتم

[el mazouni]

المشاركة الأصلية كتبت بواسطة جمال الدين

الله يبارك على الناس اللي يحبو يوقفو مع خاوتهم بالنصيحة الله يعطيك ماتتمنى و نتمناو التوفيق لكل الشباب الجزائري

شفت والله كي تشوف ناس هاطدا يعاونوك وميعرفكش كامل والله غير تفرح ولو كان غير بالكلام والله تعبتوا معايا وصفلي وصف دقيق شديتك معا الكلافيي خويا karik_dz بارك الله فيك نرودوهالك فالخير نشالله

[el mazouni]

المشاركة الأصلية كتبت بواسطة djamal_17

salam djma3a fahmouni kiffah 3aytoulkoum

كيفاه هادي كيفاش عيطولكم عادي تكون مليح الدور غاية ولا راقد في داركم يجوا الدرك الوطني لداركم يصونوا يخرجلهم الشيخ باباك يقلهم واش خصكم يقولوا وليدك فلان يقلهم انعم يقولوا املا قلوا يلحقنا لثكنة الدرك الوطني مين تدخل لدار الشيخ يجري موراك واش درت واش درت ونتا تاني ما فاهم والزوا تروح ليهم يقوللك هاك لورد ابال بصحتك ويكونوا فرحانين هما تاني مين جاتك تجيبها لدار ونتا باحرتلك ههههه
نتمسخر حبيبنا عادي يلا كملت القرايا تجيك تلقائيا الا اذا كنت منسي ههه