اسهل و الذ تارت choco-banane

amina nourhanne · 2013-01-11, 12:18

*وعدت الأخت أني نحط صور التارت كي نعاودها و راني وفيت بوعدي *

صباح النور حبيباتي البارح في الليل درت تارت بالشوكولا و الموز من اسهل ما يكون و ما فيهاش حاجة كبيرة ،تحمر الوجه قدام الضيوف.

بسم الله المقادير:

عجينة la pâte brisée *ننصحكم بوصفة fella food art تحفة*
120غ شوكولا سوداء او اكثر حسب الذوق*أنا درت اومباسادور تعطي ذوق قوي و هايل*
20سل كريمة طازجة سائلة crème fraîche liquide
2 حبات موز متوسطين
قرفة و قطرات قليلة من الليمون

التحضير:

1- سخني الفور من قبل،حلي la pate brisée على حساب المول a tarte ديالك حطيلها شوية بقوليات باش ما تتنفخش، طيبيها في الفور مدة 10 الي 15د حسب الفرن،خرجيها،نحي البقوليات و عاودي رجعيها تزيد 5د اخرى،نحيها و خليها على جنب تبرد.
2-من جهة اخرى قطعي الموز en rondelles متوسطين،اعصري عليهم قطرات من الليمون و ذرذري شوية قرفة،غطيهم و خليهم بجيه.
au bain marie ضعي الشوكولا+الكريمة الطازجة على نار خفيفة و حركي حتى تذوب الشوكولا.
3-ستفي قطع الموز على fond de tarte لى طيبتيه من قبل،فرغي عليه خليط الشوكولا+الكريمة الطازجة و دخليه الثلاجة ماشي congelateur يبات.

انتظر التقييم حبيباتي