فضول فقط

assia81 · 2013-01-21, 19:50

السلام عليكم ورحمة الله وبركاته
ظاهرة اثارت استغرابي وفضولي في نفس الوقت وهي طريقة تحدث يعض الناس في الهاتف النقال
عندما يريد احد مثلا ان يتحدث في الهاتف العادي يضع جزء من السماعة على اذنه واخري الخاصة بالتحدث على فمه اما هؤلاء الناس يضعون الهاتف النقال على افواههم عندما يريدون التحدث ثم يضعوه على اذانهم عندما يريدون السماع لا ادري ان كان هناك مثل هؤلاء الناس في ولايتكم المهم لم افهم لماذا يتصرفون هكذا اهو نوع من الموضة او ان الذين يتحدثون معهم لديهم ثقل في السمع والله احترت لو كان واحد او اثنين ساقول لا يهمني الامر فلفعل ما يشاء ولكنها منتشرة بشكل غريب حتى ضننت انني لو لم افعل مثلهم سيضنون انني شاذة ههههه
اعلم ان الموضوع تافه ولكن في الحقيقة فقط الفضول ذفعني للتساؤل وربما لو اجد اجابة مقنعة افعل مثلهم من يدري حتى لا اتهم باي شيء مع انني لا استطيع التواصل مع المتحدث بهذه الطريقة
ارجو من يستعمل هذه الطريقة يرشدني هههه
وفي الاخير مارايكم

كاميلا · 2013-01-21, 20:06

فكرتيني ههههههههه بوحد الطفلة كانت جالسة قدامي في حافلة الطلبة تتحدث في الهاتف شوفي كون نحي الخمار علابالي منسمعهاش تتحدث بطريقة فنية هههههههه كيما قلتي تهدر بفمها وتسمع في ودنها هههههههههههههه

assia81 · 2013-01-21, 20:20

ههههه وانا رايت الكثير من يقوم بهذا في رايك لماذا يتصرفون هكذا وهل انت تستعملينها

كاميلا · 2013-01-21, 20:46

اقتباس:

المشاركة الأصلية كتبت بواسطة assia81

ههههه وانا رايت الكثير من يقوم بهذا في رايك لماذا يتصرفون هكذا وهل انت تستعملينها

انت فضولية تاع الصح

ياك رديت عليك وقتلك وي شفت كيما هكدا يديروه

وشفت تاني الحجوبيات يلصقه البورطابل في الخيمار هههههههههه تولهتيلها؟

BAROUD · 2013-01-21, 20:52

لا تستغربي و لا تتعجبي اذا شفت هذ الطبايع لانهاببساطة عقلية dz و
انا شفت الناس لما يحبوا يتكلمو ف الجوال يقلبوه للجهة الخلفية التي يكون فيها مكبر الصوت

الله اعلم شعب عنده انفصام ف الشخصية و خلل ف التركيبة النفسية

مش عارف !!!

سطايفية بكل فخر · 2013-01-21, 22:25

هههههههههه موضة اختي
يبريزونتيو في رواحهم وفي هواتفهم
والمكشل وين انو لي صادفتهم كامل عندهم هواتف اما صاجام صابونة او ميلصونديس او نوكيا هديك تاع الاداعة
مفهمتش وعلاش هادو بالضبط؟ لي يفهم يفهمني

soso sirin · 2013-01-21, 23:15

والله ماعنديش بزاف ملي شفت وحدا تهدر بالطريقة الي قلتي عليها مي ممكن بلاك باش ماتسمعش الناس و تهدر غير بالشوية و هكا راح يسمعها مليح الي يهدر معاها و حتا يقلبو البوغتابل جهة الباف كيما قال الاخ بارود .اختي اسيا اهدري كيما تبغي المهم تسمعي و تنسمعي مليح

موح الحراشي · 2013-01-22, 03:09

لي يقلبو هداك النوع،وهو نوكيا،لانه يخرج الصوت لبرا،فيلصق المكبر بالاذن
كي لا يخرج الصوت،وهذا العيب موجود فالاجهزة،أ/ا الطريقة الاخرى فهذاك راجع لضعف الميكرو اعتقد
وهذا كله نتيجة الاجهزة الرديئة المنتشرة في السوق

fares rog · 2013-01-22, 09:54

قتلك ال vide في حياتك لدرجة أنك تعسي الناس كيفاه يهدرو في ال portable .
ألهاي بروحك خير لك ،، توبوا الى الله وخليك من العسة التي لا تسمن ولا تغني من جوع .!!

Nihad lamis · 2013-01-22, 14:04

لا تكن حائر ما دمت في الجزائر....................الظاهرة عبارة عن موضة و تقليد أعمى لا أكثر و لا أقل ...بارك الله فيك

ويناروز · 2013-01-22, 14:12

اقتباس:

المشاركة الأصلية كتبت بواسطة baroud

لا تستغربي و لا تتعجبي اذا شفت هذ الطبايع لانهاببساطة عقلية dz و
انا شفت الناس لما يحبوا يتكلمو ف الجوال يقلبوه للجهة الخلفية التي يكون فيها مكبر الصوت

الله اعلم شعب عنده انفصام ف الشخصية و خلل ف التركيبة النفسية

مش عارف !!!

ببساطة لازم يشري واحد جديد ههههههههههه

ويناروز · 2013-01-22, 14:15

انا لم اصادف هذا النوع من الاشخاص

تقبلي مروري

Dj BoBo · 2013-01-22, 14:21

~~كبسولة الاحلام~~ · 2013-01-22, 14:27

انا وحدة من الناس لي يديرو النقال في وذن مرة وعلى الفم مرة
وينو المثكل عادي انا نسمع بصعوبة
توالم هذاك لي شفتيه هكاك كانت المكالمة ضعيفة او بعيدة مافهمش مليح الهدرة ولا ماسمعش مليح
عادي جدا
وش من موضى ماعلاقاش الموزة

sarah1424 · 2013-01-22, 14:28

اقتباس:

المشاركة الأصلية كتبت بواسطة fares rog

قتلك ال vide في حياتك لدرجة أنك تعسي الناس كيفاه يهدرو في ال portable .
ألهاي بروحك خير لك ،، توبوا الى الله وخليك من العسة التي لا تسمن ولا تغني من جوع .!!

c la bonne reponce 9olt wech kont baghia n9oul