من فضلكن المشاركة

[amouna.sem]

السلام عليكن يل سيدات,واش لوكان كل وحدة تقولنا واش راح توجد للمولد النبوي الشريف,
ان راح ندير شخشوخة تاع الطاجين و شريك و التاي و كعكة الفلان.
و انتن؟

[feuilleblanche17]

حنا عندنا لازم طعام باللحم

[zhor1970]

احنا عندنا كسكسي باللحم او شخشوخة تاع الرقاق ضروري انا رايح اندير الشخشوخة انشاء الله وفي السهرة اندير طمينة + اي نوع من الكعكمع تاي او قهوة


اما الاطفال في السهرة انا عندي بنات متعودة انديرلهم طمينة وحلوة ومكسرات مع شموع+ اناشيد دينية اينشدوها هما منبعد انكمللهم السهرة تسرد لمولد النبي صلي الله عليه وسلم متي وكيف واين ولد ونشاته وحياته ونزول الوحي طبعا في جوبين الفرح واللعب والجد حتي انخلي هذا الذكري الدينية العظيمةداائما راسخة في قلوبهم طبعا بمشاركة الاب وباقي العائلة

فصلوا عليه وسلموا تسليما اللهم اعده علينا بالخير واليمن والبركات

[amouna.sem]

chokran ya akhawat ala el moucharaka

[amouna.sem]

ana thani fi dar baba haka kouna ndirou kima nti ya okht Zhor

[أنوثة شرقية]

ان شاء الله راح ندير شخشوخة الرقاق باللحم للعشاء والسهرة لتاي ومكسرات وطمينة على الطريقة الشلفية رائعه

[أنوثة شرقية]

ابني عندو عامين ربي يحفظو فكرت نحط لو اناشيد تترسخ في عقلو ونعودو عليها

[ماريا205]

احنا في عاداتنا نديرو طبق تقليدي باللحم كسكسي او شخشوخة او تليتلي وفي السهرة التاي مع المكسرات

[amouna.sem]

chokran ala el mocharakaaaaaaaaaaaaaaaaa

[amouna.sem]

kach mocharakat okhraaaaaaaaaaaaaaaaaaaaaaaaaaaa

[بيلسان11]

ان شاء الله راح ندير شخشوخة بالدجاج.

[faizarbh]

انا قلت لماما اديرلنا الرشتة انا نحبها بزاااف و نحب الشخشوخة بصح راني غير كيما كليتها هههههه

[أم شيماءْ]

انا رايحاندير مفرمسة وفي السهرة ندير لبناتي طمينة

[كرااميلا85]

انا نحب الرشتة لكن راجلي مايحبهاش وعلى هذا رايحة ندير شخشوخة
وفي السهرة تاي وطمينة وحابة ندير شوية مقروط مقلي

[بسملة القرأن]

السلام عليكم احنا في عاداتنا نديرو في عشاء الكسكس باللحم ومنباعد العشاء نشعلو الشمع حسب العائلة كل واحد شمع نديرو الحنة وغدوا من ذاك نديرو النفاس تاع لمولد النبي صلى الله عليه وسلم طمينة او بغرير جسب الاختيار