همسة

اسعى لرضى الله · 2013-01-21, 02:57

سلام عليكم ورحمة الله وبركاته

والصلاة والسلام على اشرف المرسلين سيدنا محمد وعلى اله وصحبه اجمعين

تحية طيبة مني اليكم اخوتي اخواتي

بغيت نقولكم صح مبقاش للباك بزاف وقت بصح صدقوني لو انكم تحسنو استغلالو راح يكفيكم الوقت باذن الله

ومتركزوش غير على المواد الاساسية

ديرو وقت للحفظ لانو مواد الحفاظة راح تعاونكم ان شاء الله في لباك

واول شيء باش تنجحو توكلو على ربي وديرو واش عليكم ومتخافوش ان شاء الله ميخبكمش ربي
وبعدو على العباد اللي يهبطولكم المورال ويضالو يحسبو في الوقت كيعاد لا ريحتو تحسبو في الوقت مديرو والو والله عن تجربة يكثر عليكم الضغط بلا فايدة يعني هداك اللي تقعدو تعسو في الوقت حاولو تقراو فيه وثاني متضغطوش على رواحكم بزاف متجيبوهاش قراية قراية حتان تملو

يعني خليو يوم في الاسبوع مثلا الجمعة راحة هكا تقدرو ترجعو للمراجعة بقوة ونحيو التشاؤم لانو يزيد على العبد ويخليك تياس ومدير والو يعني يروح وقتك هكاك

انا العام اللول تاعي كي عقبت الباك كنت خايفة من الرياضيات كنت نشوف فيها شبح لدرجة اني مقريتهاش خلاص

بصح من بعد كي مديتش وقريتها لقيتها ساهلة مشي كما كنت نتخيل فيها ولقيت روحي اني كنت نقدر نقراها

يعني متخافو حتى من مادة اقراوها واتعبو معاها ان شاء الله ربي يوفقكم ويوفقني لكل خير واهم شيء الثقة في النفس وفي قدراتك

ونصيحة نصيحة نصيحة متنساوش قيام الليل وكثرو الدعاء والقران

ومتنساونيش بالدعاء ربي يوفقني العام هدا وننجح في الباك

وليلة سعيدة

أمين الدين الميلي · 2013-01-21, 08:03

بارك الله فيك أختاه...

ilham medcine · 2013-01-21, 09:42

ربي يوفقك ويوفقنا ان شاء الله
بارك الله فيك اختي

~ فَرْشِـي التُّـرَآبـْـ ~ · 2013-01-21, 09:59

بارك الله فيك أختي وجزاكِ خيرا
ربي يوفقك بالمعدل الي راكي تتمناه

اسعى لرضى الله · 2013-01-21, 10:56

وفيكم بارك الرحمن

آمــــــــين يارب وفقني واياكم لكل خير

سهيلة جنا · 2013-01-21, 12:30

بارك الله فيكي اختاه وجزاكي الفردوس الاعلى انا تاني ختي راني كيفك معاودة الباك ورياضيات هي شبح بالنسبة ليا منفهم فيها والو راني خايفا نكرر نفس الغلطة نتاع العام لفات المهم ربي يفوقنا ان شاء الله نجيبوه بلمعدلات مليحة وان شاء الله التوفيق للجميع شكرا جزيل اختي طلعتينا المورال ربي يخليك وينجحك ان شاء الله

أمينة1994 · 2013-01-21, 13:12

جزاك الله خيرا

zineb.alg · 2013-01-21, 14:02

شكرا لك

ربي يفرحنا وميخيبنااش

اسعى لرضى الله · 2013-01-21, 17:23

اقتباس:

المشاركة الأصلية كتبت بواسطة سهيلة جنا

بارك الله فيكي اختاه وجزاكي الفردوس الاعلى انا تاني ختي راني كيفك معاودة الباك ورياضيات هي شبح بالنسبة ليا منفهم فيها والو راني خايفا نكرر نفس الغلطة نتاع العام لفات المهم ربي يفوقنا ان شاء الله نجيبوه بلمعدلات مليحة وان شاء الله التوفيق للجميع شكرا جزيل اختي طلعتينا المورال ربي يخليك وينجحك ان شاء الله

اختي مازال الوقت راكي تقدري تقرايها ان شاء الله متفقديش الامل

ربي يوفقك ويوفقنا

اقتباس:

المشاركة الأصلية كتبت بواسطة ربّي ربّاني

جزاك الله خيرا

جزانا واياكم الفردوس الاعلى

اقتباس:

المشاركة الأصلية كتبت بواسطة zineb.alg

شكرا لك

ربي يفرحنا وميخيبنااش

العفو خيتو امين امين يارب

بنوتة الصحراء · 2013-01-21, 19:29

ربي يوفقنا كامل ونجيبو الباك كامل ان شاء الله