امممممم....... قبل ما يكمل .....ادخلي

بشرى18 · 2009-03-31, 15:52

الرفيس: أكلة تقليدية شهيييييييية جدا يعتبر طبق ربيعي يأكل بزاف في فصل الربيع مع اللبن (الشنين)
طريقة تحضيرها ساهلة :
دقيق , ماء دافي , ملح , تمر معجون , زبدة أو دهان أو سمن
كيفية التحضير:
ديري الدقيق الكمية لي تحبي حسب أفراد العائلة وننصحك تققلي مع اللبن يقهم( يلحسوا صباعهم وراه ويطيحو كاو هههه) والملح واضيفي الماء حتى يبدا يتعجن الدقيق قسميه الى 3 ولا 2 وخبزي كل وحدة وديريها فوق طاجين الكسرة كي يطيب الفطير ضعيه في وعاء (كسرونة) مع التمر معجون طبعا بعد ما تنزعيلو النوى وبداي تمزجي وامزجي مليح حتى يتغللغل التمر في الفطير ويحلى ذوبي الزبدة وضفيها باش تتماسك مليح وصبح واجد حطيه مع اللبن للفطور (الغداء) العشوية (قهوة المساء) قيس ما تحبي جربيه وخبريني بصراحة شهية طيبة هذي الأكلة معروفين بيها تيارت وبلدياتها خصوصا في فصل الربيع
بالعافية.