مساعدة ارجوكم اخوتي واخواتي ولعل واحد ينفعني

[املي رضى ربي]

السلام عليكم ورحمة الله وبركاته اخواتي واخواني في اللله انا العام هذا راني كيفكم كنعدي البكالوريا مي انا راني نعاود فيها العام الي فات الله غالب ماديتهاش واديتها 9 قريب العشرة الفاصلة ولكن في اول ربي جزاني صبرا عظيما والحمد لله مي الان راني في حالة ياس على طول غير بكاء على العام الماضي وحتى الثلاثي الاول الحمد لله معدل مليح جبته بالرغم لم اكن اطمع في هذا بسبب دائما غير البكاء على السنة الماضية انام في ايام الامتحانات على البكاء وانهض على البكاء وهذا لانني كان كل الناس دايريني ناجحين واهلي والاساتذة وتعبت بالصح العام اللي فات من سهر وقراية ودعم خصوصي وكل شي لكن في الاخير الله غالب ربي ماسهليش فيها وانا الان والله من امنيتي اني ربي يجازيني بمعدل هايل واندير الشعبة اللي باغيتها باش ننسى التعب اللي راح عليها العام اللي فات والعام هذا اللي قاعدة غير نبكي والله بالرغم ياخواتي واخواني لوكان جيتو معيا العام اللي فات شحال تعب حصلته ربي عالم وحابة نفرح يمة اللي مسكينة تاعبة عنجالي ولافامي اللي صار حملهم غير انا . وانا حابة فيكم واحد ولاوحدة يهزولي المورال شويا وكيفاش نقرا ولاحتى جدول للمراجعة فقط الله يعينكم قاع وانشاء الله ربي ينجحنا وينجحكم يااااااااااااااااااااااااارب وشكرا لكل من ساهم ولو بكلمة **والحمد لله على كل حال يارب**