شخص بحاجة إلى رأيكم

[مشكلتي]

السلام عليكم
حاب نطرح عليكم مشكلة محيرتني و نعرف رأيكم
كنت نعرف وحدة و مبعد بعدت عليها و درك تهدد فيا مرة تقولي نهرب عندك و شوف واش تدير مرة تقولي نشكي بيك لابوليس كل مرة تخرجلي حكاية راحت حتى عند يما مرضتني مالقيت كيفاه نديرلها ماحبيتش نفضحها عند خاوتها بصح مابغاتش تعافني ...
انا عندي علاقات بزاف مع لبنات و كل مرة نقول بزايد هاد الشي غالط و انا ماعتش صغير .تجيني وحدة من السما ولا من لارض؟؟
نحير فيهم لبنات هاذو علاه مايقولوش شوي لا ؟؟ و مبعد نهدر معاهم يوم يومين يقولولي ياخي نتزوجو ؟؟سبحان الله انا جامي ذكرت الزواج و هوما كامل يعرفوني علابالهم ديجا بللي علاقات عابرة ماهمش في بالي اصلا و كي نقولها فرات كل واحد يروح لطريقو يجيبوها بكى و زعاف مالقري جامي وعدت وحدة ولا معنيتلها بللي نحبها و انا والله العظيم ماني راضي بحالتي بصح هوما علاه عليهم الاغراءات هاذو ؟ تصيب وحدة رايحة تقرى زعما بلاصة تاع خير و هي ماكياج و نص لبسة و تفوت عليك تشوف معاك و مام ترميلها نيمرو من طوموبيل تحط راسها فالارض و تهزو و تزيد تعيطلك و مبعد تبعتلي ميساج تقولي حسبي الله و نعم الوكيل فيك علاه انا وش درت ؟الغلطة تاعهم هوما لي مايحشموش راضيين الذل لرواحهم يخونو لثقة تاع والديهم و خاوتهم و يحطو الغلطة فيا ؟ يقولولي تستغل في شكلك باه تلعب بينا ...انا نعرف بللي ماكاش لي ضربتها على يدها بالعكس هوما لي اغرائاتهم للعبد وين يروح ماتحبسش

و ماتقولوليش لبنات ماهمش كيف كيف بيسك اكثر وحدة متربية شفتها في حياتي تطيح فاسيلمو في يدي بزوج كلمات ولا ثلاثة
انا يتبالي لوكان عندي خواتاتي بنات راني هبلت من واش راني نشوف .و ليامات هادو خويا حاب يتزوج انا شوكيت فيه واش يضمنلو بللي ليراح يديها ماهيش زي غيرها ؟و علاه بعد يتزوج و يجيب الوسواس و الشك لراسو ؟ مرات تقعد لاباس بيك في حالك يبداو يدورو عليك ولا تقعد مع صحابك يقولولك شوف فيديو تاع فلانة و لا فوطو تاع فلانة .....انا والله كرهتهم و كرهت لانيفارسيتي و الدنيا كامل منهم و ماعادوش يأثرو فيا بيسك نشمئز من صوت الوحدة فيهم كي تهدر معايا ....واش قلتو ؟
العمر 21

[فارس الجزائري]

السلام عليكم
خيرا إن شاء الله
الشيء الوحيد الذي يجب أن تعلمه هو أن الدنيا دول يومك لك ويوم عليك
وما تقوله وتفعله مع بنات الناس سيقع في أحد من أهلك أختك أو بنتك أو ... الخ فاحذر
بالتوفيق إن شاء الله