الحلويات المعسلة وما يناسبها من ارقام الة فتح العجين

nousa 06 · 2013-01-16, 10:57

السلام عليكم
يا البنات راني عند وعدي ليكم وكيما قولتلكم من قبل الحاجة اللي نعرفها مانبخلكمش فيها ويسعدني نتشاركها معاكم
غلطتني واحدة في طريقتي لفتح عجائن الحلويات المعسلة لاني كنت نفتح برك وكنت كل الحلويات نعملها بنفس الرقم واعطاتني الطريقة الصحيحة ربي يجازيها خير وربي يعطيها ما تتمنى تفضلوا تعرفو طريقتها
نبداو بالبقلاوة الطبقة السفلى تتحل بالرقم الوسطاني ثم الرقم ما قبل قبل الاخيروالطبقات الاخرين تحليهم بالرقم الوسطاني تاع الالة لان ماشي كل الالات كيف كيف وممباعد في الرقم ما قبل الاخير اما الطبقة الفوقانية تتحل بالرقم الوسطاني ثم الرقم ماقبل قبل الاخير
وردات البقلاوة تتحل بالرقم الوسطاني ثم الرقم الاخير
باقي الحلويات نحلوهم بالرقم الوسطاني ثم اللي بعدو
الحلويات المنقوشة يعني اللي نستعمل فيهم النقاش نحلوهم بالرقم الوسطاني برك
الوردات والورقات نحلوهم بالرقم الوسطاني ثم الرقم اللي ما قبل قبل الاخير
لبنات راه هاد الطريقة مازالني ماجربتهاش وكي نجربها ان شاء الله راني نوضعلكم الصور

الدنيا · 2013-01-16, 11:12

merciiiiiiiiiiiiiiiiiii

ريحانة الوادي · 2013-01-16, 11:46

شكرا على المعلومة

ايام متمردة · 2013-01-16, 12:12

بارك الله فيك اختي ويجعله في ميزان حسناتك

فايزة20120 · 2013-01-16, 12:26

شكرا لك أختي بصح أنا عندي المشينة نتاعي تحبس في الرقم7 واش هو الرقم الوسطاني في هذه الحالة أرجوا منك الرد

zhor1970 · 2013-01-16, 12:32

مشكووووووووووووووووووورة انا ثاني المشينة تاعي تحبس في9 يعني واشي هو الوسطاني

انا يضهرلي كل ماشينة وكيفاه وعينك ميزانك ويعطيك الصحة

oum anas 69 · 2013-01-16, 13:49

ya3tik asaha

nousa 06 · 2013-01-16, 14:46

السلام عليكم وبارك الله فيكم وسعدت بمروركم
كلامك صح اخت zhorكل ماشينة وكيفاه وعندك الحق عينك ميزانك انا الماشينة تاعي تاع 9 وقالتلي الرقم الوسطاني 4 واظن ان تاع 7 راح يكون الوسطاني تاعها 3 والله اعلم انا هكدا قالولي وهكدا وصلتهالكم لاني اثق في صاحبة المعلومة لانها خبيرة حلويات وفي نظري معلمة ماكاش كيفها مع احترامي لكل المعلمات