حلوياتي لعيد الفطر 2014

[إكليل]

السلام عليكم
أخواتي إخوتي في منتدى الجلفة الأعزاء تقبل الله طاعتكم و عيدكم مبارك و كل عام و أنتم بألف خير .

أحببت اليوم أن أشارككم كالعادة دائما ببعض حلوياتي لهذا العيد.

أولا نبدأ بالحلويات التقليدية و التي لا يمر علينا عيد دونها

حلوة المحقن



ثانيا :
القريوش :


الوصفة للأخت الي طلبتها
مقادير العجينة:
كيلو فرينة
250 غ مارغرين ذائبة+ كاس شاي زيت
ملعقة أكل ماء زهر
ملعقة أكل خل
1 خمارة حلويات
ملعقة صغير خمارة خبز محلولة في شوية ماء دافئ
ماء دافي
خلطي الفرينة مع المارغرين الذائبة و الزيت ثم ضفي خمارة الحلويات و الخل ثم الماء زهر و أخيرا خمارة الخبز ثم الماء لمي العجينة مليح و خليها ترتاح شوية ثم حليها بالحلال أو الألة ثم شكليها و ضعيها في بلا أو صينية و لما تكملي إقلي في الزيت ثم مباشرة إلى عسل بارد .
ملاحظة كل ما تكمل من ملأ صينية إقلي الحبات
المقروظ



و هذه مجموعة من الحلويات
على اليمين les roches العرايش صابلي بالكاكاو و صابلي بالبرتقال و خررج هايل باقلاوة نوات كوكو خرجت هي الأخرى هايلة و نشكر صاحبة الوصفة عليها




باقلاوة بنوات كوكو خرجت أيضا روعة جربتها من هذا المنتدى للأسف ما لقيتش الرابط و لكن راح نحط الوصفة لأني حافظتها
https://www.djelfa.info/vb/showthread.php?t=1505416

نفس عجينة البقلاوة العادية، 4 كيلات فرينة نوعية ملاحة سيم أو لابال ، كيلة زبدة ذايبة و باردة و نخلط مليح و تلمي بالماء مخلط مع الماء زهر و نتشة ملح . تتحصلي على عجينة أقسميها قرصات و خبيها في كيس بلاستيكي في الثلاجة ترتاح مدة كافية ، عن نفسي نخليها ليلة كاملة.
_ الحشوة : 3 كيلات نواد كوكو (حوالي 600 غ) كيلة سكر أرطب شوية زبيب مفور حوال 100 غ و تلمي بالماء زهر تعمليه بيدك مثل الكسكسي يعني متلبزيهش حتى يولي عجينة خلي كل حبة وحدها.
_ ندهنو السينية بالزبدة و نعملو 5 طبقات عجينة مثل البقلاوة بين كل طبقة و الأخرى ندهنو بالزبدة الذايبة ثم نضع الحشو لي هو نواد كوكو سكر أرطب زبيب و ماء زهر
ملاحظة خاصة بالحشو: عينك ميزانك و حسب السينية تاعك أنا كتبت 600 غ تقريبيا ، حاولي الطبقة تاع الحشو متكونش عالية ياسر باه ميجيش ناشف و صامت و متكونش خفيفة خلاص علو متوسط.
بالنسبة للزبيب طعمو هااااااااااااااااااايل حنا الحلوى هادي نطيبوها من بكري بصح مكناش نحطو فيها الزبيب من نهار لي ذقتها بيه وليت ديما نحطو رووووووووعة لكن متكتريش 100 غ تكفي يعني كي تقسمي كل حبة بقلاوة طيحلك فيها 2 حبات تقريبا تاع زبيب و لازم التوزيع تاعو يكون متساوي في السينية باه الحبات كل يجي فيهم الزبيب.








حلوى الملفوف

[ام احمدي]

يعطاك الصحة هاااايلين

[lalmi12]

يعطيك الصحة خرجوا روعة

[ام سهام 02]

يعطيك الصحة

[mimoza flora]

هايل يعطيك الصحة

[بشرى2008]

والله غير يعطيك الصحة

[رجاها 22]

السلام عليكم
ماشاء الله اختي تسلم ايديك
كل حلوياتك رائعة قوليلي برك حلوة الملفوف جربتيها من المنتدى و كيف كان دوقها و هل تحضيرها سهل يعني مغلباتكش في التحضير

[اية2007]

الله يبارك روعة.

[أم إناس]

حلويات تحفه ماشاء الله

[ندى الأمل 2]

يعطيك الصحة

[Maria dadi]

مشاء الله عليك اخت

[أم حنين97]

رووووووووووووووعة

[مسلمة بالفطرة]

يعطيك الصحة ممكن وصفة لي روشي

[منال100]

بصحتك أختي كل شيء بان هايل حابة تشرحيلي الوجه الاخير للبقلاوة اذا سمحت المنظر هايل

[أم محمد تاج]

رووووعة الله يعطيك الصحة