العجار بين الأمس و اليوم

omarmdj · 2013-01-09, 14:15

السلام عليكم حسب علمي العجار ليس من تعليم ديننا الحنيف الا ان امهاتنا و جداتنا كانت تضعه لكي لا يعرفن بالاضافة الى كونه دالا على زواج المراة لذا اريد ان اطرح عليكم هذا الموضوع للنقاش.

مريم الصابرة · 2013-01-09, 14:20

السلام عليكم اخي
العجار بكري كان يدل على حشمة المرأة وتحجبها وحتى لو العجار ماراهش فالقرآن لكن يشبه لحد ما النقاب وكانت المرأة لا تخرج من المنزل عكس الأيام هذه والله يا اخي ما نظنش بنات اليوم يديروه محال لأانهم يتبعو عادات الغرب وراهم يديروه فقط فالأعراس رجعو يخرجو بيه العرايس شكرا

omarmdj · 2013-01-09, 14:25

انا احب ان ترتديه زوجتي المستقبلية لانه يغطي ملا مح وجهها التي اريد ان اراها وحدي

فتـ حييةـاة · 2013-01-09, 15:44

العجار حنا عندنا قضية لا نقاش فيها نهار تنخطب البنت تلبسو قليييييييييييل وحدة ماتديروش وشكرا

hiba ahmed · 2013-01-09, 16:14

والله احسن موضوع يستحق التثبيت ابكري المراة المتزوجة نعرفوها بالعجار وذركة للاسف تلقاها متزوجة ودايرة خمار وليكات وسروال حتي الحجاب ولا لملاية ماكانش انا دايرااااااااااااااااااااتو وافتخر المرة لولة ضحكو عليا صحاباتي وكنت منيش مقتنعة بيه ولقيتو سترة انا نعرف وحدة متزوجة وماهيش دايرة لعشار خرجت مع راجلها تشري وشافها واحد كانت تعرفو دارها مشاكل وتبعهم وعرف دارها ولا يهدد فيها بلي ميصاج صارت حياتها جحيم حتي تدخل خوها وقفو عند حدو ولوكان سمعها راجلها لوكان طلقها اسال الله ان يسترنا ويهدينا

منهاج · 2013-01-09, 20:45

السلام عليكم

العجار كان بكري عندنا قليل بزاف

~~لينة نور~~ · 2013-01-10, 08:22

السلام عليكم

العجار هو النقاب ولم يكن يخص فقط للمتزوجة في منطقتنا بل حتى غير المتزوجة .

لكن من اجل المدرسة بدات النساء بكشف وجهها .......وشيئا فشيئا ( وصلن للسخط الي ران عايشين فيه )

( والتنقيبة ) راحو يامها ...

شكرا

هدى الجيجلية · 2013-01-10, 11:41

السلام عليكم
اخي
فعلا
لعجار
كان عنده نكهة خاصة
بارك الله فيك
على هذا الموضوع القيم

يونس معبدي · 2013-01-10, 13:08

اظن انه من بين اسباب نقص ارتداء المرأة للعجار
ان رجال نتاع بكري غير رجال نتاع اليوم

مجرد رأي

omarmdj · 2013-01-10, 13:19

ما بقا والو لا حيا لا حشما لا رجلا الا ما رحم ربك يا حصرا على يمات زمان عجوز كبيرة ماتخرج مدار بال عجار وملاية ما شي خوف من رجلها لا لا مي من الحشما

حميد.ص · 2013-01-10, 13:24

ستقف امراتان في الايام المقبلة وسط مدينة ما ليلتقط الناس معها صورة فوتوغرافيا للذكرى كما يفعلون امام برج ايفن مثلا.....احداهما تلبس الملاية القسنطينية و اخرى ترتدي حايك المرمة......انهما في طريق الانقراض.....

الموجة الرابعة · 2013-01-10, 13:40

شكرا على الموضوع اخي الكريم

العجار كان يفرق بين المراة المتزوجة و العزباء و ايضا لستر الوجه فالمراة كلها عورة ، مثله مثل النقاب

يدل على الحشمة و الحياء اما في ايامنا هذه اختلط الحابل بالنابل الا ما رحم ربك

الثقافة الغربية طغت علينا كثير حتى اصبح بعض الشباب ربي يهديهم يلبسو سراويل ضيقة و البعض الآخر يهبط سرواله خلاص ناهيك عن قصات الشعر الغريبة

فقط نقول ربي يهدينا للصواب

بلقـاسم · 2013-01-14, 11:37

ربي يجيب الخير