مسألة المهر

كاميلا · 2013-01-10, 19:44

السلام عليكم اخوتي الكرام
وكالعادة ثار في نفسي تساؤل الا وهو مسألة المهر
العديد من العرائس تشتري جهازها من ذلك المهر الذي يعطيها اياه الزوج ؟
اليس من واجب الاباء تجهيز بناتهن عندما يقبلن على الزواج ؟ على حساب واش شفيت انه الفتاة يصرف عليها والدها حتى الزواج يعني من الواجب عليه يجهزها ومن جهة اخرى هل هذه النقطة وترك بعض الاباء لواجبهم فتح المجال نحو زيادة المهر؟ لوهلة تبادر الى ذهني ذلك لانه لو كانت تلك الفتاة مجهزة لما اخذت من المهر ؟ فقط اود مناقشت هذه النقطة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مريم الصابرة · 2013-01-10, 19:56

السلام عليكم اختي
راني عارفة تقلقت من ردي في موضوع الاخت لما سالتها عن مهرها لأنو غالي
اختي كل منطقة وعداتها لأانو في منطقتنا الفتاة ما تديش جهاز الدار إلا إذا كانت من قبل شراتو وحدها هنا هي حرة اما تشريلو تلفاز وغشالة وصالون ماكان منها هذي إحنا ندو الفراش غطاوات وشهرات ومثلا كاشريذو او زرابي لكن اجهزة منزلية لا ما ندوهمش على هذا المهر نتاعنا واقعي من 8 حتى 10 ملاين منهم كل شي إلا خاتم الخطوبة هذاك امر وحدو على هذا إستغربت 14 مليون وكل عائلة وكيفاه
اما الوالد يجهز بنتو فذلك إختياري له كان عندو اكيد ما يستناش العريس وكان ما عندوش تدي جهدها واللي قدرت عليه شكرا

محمد...عبد النور · 2013-01-10, 20:01

السلام عليكم أختي كاميلا
حسب رأيي فالمهر الحقيقي الذي تأخذه الفتاة هو الذهب لا غير
أما الباقي فهو في عرف الناس مهر لكن حقيقة انما هو مال لتأثيث بيت الزوجية و هذا الغالب في عادات مجتمعنا
بكل بساطة فالمهر ذهب + مال التجهيز لكن مهرها الحقيقي هو الذهب اما الامور الاخرى فهي تجهيز لها لكل تذهب لبيت زوجها
المشكل ان بعض المناطق يسقطون الذهب او المهر زهيد جدا اي ان المرأة لا تأخذ مهرا مطلقا بل تكتفي بلباس او لباسين و بعض الفراش و الاغطية هههههههه و الامر الاساسي عند اهلها هو ان تكون سعيدة -- الهنا و الطيب -- و فقط
ربي يبارك للجميع و يرزقهم الازواج و الذرية الطيبة
بارك الله فيك أختي كاميلا على الموضوع الجميل و أقر الله عينيك بما تحبين
ســـــــــــــــــــــــــــــــــــــــــــــــــ ـلام

كاميلا · 2013-01-10, 20:05

اقتباس:

المشاركة الأصلية كتبت بواسطة مريم الصابرة

السلام عليكم اختي
راني عارفة تقلقت من ردي في موضوع الاخت لما سالتها عن مهرها لأنو غالي
اختي كل منطقة وعداتها لأانو في منطقتنا الفتاة ما تديش جهاز الدار إلا إذا كانت من قبل شراتو وحدها هنا هي حرة اما تشريلو تلفاز وغشالة وصالون ماكان منها هذي إحنا ندو الفراش غطاوات وشهرات ومثلا كاشريذو او زرابي لكن اجهزة منزلية لا ما ندوهمش على هذا المهر نتاعنا واقعي من 8 حتى 10 ملاين منهم كل شي إلا خاتم الخطوبة هذاك امر وحدو على هذا إستغربت 14 مليون وكل عائلة وكيفاه
اما الوالد يجهز بنتو فذلك إختياري له كان عندو اكيد ما يستناش العريس وكان ما عندوش تدي جهدها واللي قدرت عليه شكرا

ههههههههه لا ماش من ردك قلقت من الرجال كي يستغربوا
هيه يا اختي حنا في قسنطينة يزيده مالين لعريس يتشركوا كي متجيبيش حاجة علابالي عادات بالية بصح النسا يا النسا الشيء اللي تصرفه العروس ودارهم عندنا كيف العريس وربما اكثر يعني راهم كيفكيف على العكس من ذلك بنات القبايل هوما الفايقات ميشرطوش الشرط يمدلهم 500دج مي يجيبلها parur المهم ذهب وشاة لحلال الخ من المصاريف ومن بعد تجيه بالفاليزا تعها كيما صراتلنا مع زوجة اخي هههههههههه بل وبعد الزواج مقنعتش بذهبها قاتلك دير اكثر هادو هوما الناس الفايقين علاش كيفنا احنا تديله كل شيء ومهيش مليحة

كاميلا · 2013-01-10, 20:27

اقتباس:

المشاركة الأصلية كتبت بواسطة لذريق

السلام عليكم أختي كاميلا
حسب رأيي فالمهر الحقيقي الذي تأخذه الفتاة هو الذهب لا غير
أما الباقي فهو في عرف الناس مهر لكن حقيقة انما هو مال لتأثيث بيت الزوجية و هذا الغالب في عادات مجتمعنا
بكل بساطة فالمهر ذهب + مال التجهيز لكن مهرها الحقيقي هو الذهب اما الامور الاخرى فهي تجهيز لها لكل تذهب لبيت زوجها
المشكل ان بعض المناطق يسقطون الذهب او المهر زهيد جدا اي ان المرأة لا تأخذ مهرا مطلقا بل تكتفي بلباس او لباسين و بعض الفراش و الاغطية هههههههه و الامر الاساسي عند اهلها هو ان تكون سعيدة -- الهنا و الطيب -- و فقط
ربي يبارك للجميع و يرزقهم الازواج و الذرية الطيبة
بارك الله فيك أختي كاميلا على الموضوع الجميل و أقر الله عينيك بما تحبين
ســـــــــــــــــــــــــــــــــــــــــــــــــ ـلام

وعليكم السلام اخي لذريق
والله لم اكن ادري ان مهر المرأة هو الذهب حقيقة لم يكن في تصوري ذلك

محمد...عبد النور · 2013-01-10, 20:51

اقتباس:

المشاركة الأصلية كتبت بواسطة كاميلا

وعليكم السلام اخي لذريق
والله لم اكن ادري ان مهر المرأة هو الذهب حقيقة لم يكن في تصوري ذلك

لست أقصد أن مهر المرأة هو الذهب فقط لكن كنت أشرح في عرف المجتمع و المهر الحقيقي الذي تناله في زواجها أي أن المبلغ المالي و الذهب يسمى كله مهرا اما في حقيقة الامر فهي تأخذ فقط الذهب و اما المال فتجهز به نفسها و تشتري الفراش و بعض الاشياء الضرورية لبيت الزوجية
أما أن يكون مهرها عبارة عن ذهب و فقط ،فهذا ليس صحيحا، فممكن أن يكون :اموال، هدايا ،عقارات ،ذهب ،سيارة،........... يعني بحسب طاقة الزوج هههههههههههه
شكرا على الرد الطيب اختي كاميلا

اسماء عرعار · 2013-01-11, 17:50

السلام عليكم .هذا مشكل كبير المهر انا نخطبت و قطعوا الشرط و كان 14مليون و بارور على هذاك خطيبي قالي اقعدي في دار باباك و يماه قالت ليما خلي بنتك عندك شفتو واش يصرا لي و هاذي كامل بعد 7 اشهر من الخطبة و الي زاد هبلني الناس و كلامهم .غرجو دعاية و هي بلي انا انخطبت لولد عمي و درت عليه و هذا ماشي صحيح ولد عمي خطب واحدة اخرى و من بعد دارت عليه.هذا كامل على المهر و النار تاع الناس حسبي الله و نعم الوكيل

كاميلا · 2013-01-11, 18:02

اقتباس:

المشاركة الأصلية كتبت بواسطة لذريق

لست أقصد أن مهر المرأة هو الذهب فقط لكن كنت أشرح في عرف المجتمع و المهر الحقيقي الذي تناله في زواجها أي أن المبلغ المالي و الذهب يسمى كله مهرا اما في حقيقة الامر فهي تأخذ فقط الذهب و اما المال فتجهز به نفسها و تشتري الفراش و بعض الاشياء الضرورية لبيت الزوجية
أما أن يكون مهرها عبارة عن ذهب و فقط ،فهذا ليس صحيحا، فممكن أن يكون :اموال، هدايا ،عقارات ،ذهب ،سيارة،........... يعني بحسب طاقة الزوج هههههههههههه
شكرا على الرد الطيب اختي كاميلا

ههههههه مليحة هاذي تع سيارة عقار الخ الخ ههههههههههههههههههههه هاذي موحال يديرها الرجل الشرقي او الجزايري بحكم اننا الله غالب شعوب جيعانة مام اللي طلع عليه النهار رح يبقى العرق تاع الجوع ينبض اذا من المستحيل يمد مهر كيما هكد هههههههه
بارك الله فيك اخي لذريق

كاميلا · 2013-01-11, 18:05

اقتباس:

المشاركة الأصلية كتبت بواسطة اسماء عرعار

السلام عليكم .هذا مشكل كبير المهر انا نخطبت و قطعوا الشرط و كان 14مليون و بارور على هذاك خطيبي قالي اقعدي في دار باباك و يماه قالت ليما خلي بنتك عندك شفتو واش يصرا لي و هاذي كامل بعد 7 اشهر من الخطبة و الي زاد هبلني الناس و كلامهم .غرجو دعاية و هي بلي انا انخطبت لولد عمي و درت عليه و هذا ماشي صحيح ولد عمي خطب واحدة اخرى و من بعد دارت عليه.هذا كامل على المهر و النار تاع الناس حسبي الله و نعم الوكيل

وعليكم السلام اختي اسماء لم افهم مشكلتك بالضبط ؟ هل هي في الشرط ؟ ام في عائلة خطيبك ؟ اذا اردتي التواصل معي فلا مشكلة لدي

ardfatima · 2013-01-11, 21:54

سلام عليكم
انا عطاوني مهر 10 ملايين و parure مهم شريت الفراش 10 لحوف و 10 مخاد 12 كوفيرطة و 3 كوفرلي و 3 كوات و تابي و موكات و لناب ميكرو باش نخدم بيه و كل ما يلزمني وزدت شريت ثلاجة صغيرة نتاع شومبرا جاتني كلشي 25 مليون
دار راجلي معجبهومش الحال خاصة كيشافو ثلاجة
عزوجتي قالت لراجلي جابت ثلاجة حسبتنا غاديين نجوعوها!!!!!!!!!!!!!!!!!!!!!!!!

كاميلا · 2013-01-12, 10:56

اقتباس:

المشاركة الأصلية كتبت بواسطة ardfatima

سلام عليكم
انا عطاوني مهر 10 ملايين و parure مهم شريت الفراش 10 لحوف و 10 مخاد 12 كوفيرطة و 3 كوفرلي و 3 كوات و تابي و موكات و لناب ميكرو باش نخدم بيه و كل ما يلزمني وزدت شريت ثلاجة صغيرة نتاع شومبرا جاتني كلشي 25 مليون
دار راجلي معجبهومش الحال خاصة كيشافو ثلاجة
عزوجتي قالت لراجلي جابت ثلاجة حسبتنا غاديين نجوعوها!!!!!!!!!!!!!!!!!!!!!!!!

والله كيما ديري ماكيش مانعة كون حتى تمشي بمشيتك في الطريق تلقايها تداخل في مشيتك ههههههههه لا خافت تخبي عليها كاش ماكلة في الثلاجة تاعك هههههههه
ربي يصلح احوال النسا منعرف علاش نداخله في كل شيء من مادامكي عايشة في دارها رح تدخل ومن الافضل تسكتي وخلاص

ardfatima · 2013-01-12, 22:38

اقتباس:

المشاركة الأصلية كتبت بواسطة كاميلا

والله كيما ديري ماكيش مانعة كون حتى تمشي بمشيتك في الطريق تلقايها تداخل في مشيتك ههههههههه لا خافت تخبي عليها كاش ماكلة في الثلاجة تاعك هههههههه
ربي يصلح احوال النسا منعرف علاش نداخله في كل شيء من مادامكي عايشة في دارها رح تدخل ومن الافضل تسكتي وخلاص

راني ساكتة شا ندير
زدت شريت من بعد روبيات لنستحقهم عجانة ميكسور قلاية البطاطا و ليطحن حشايش......
زادت هبلت قالتلي نتيا ماكيش باغيا قاع تخدمي بليدك!!!!!!!!!!!!!!!!
قالت لراجلي اخلاتنا في فاتورة كهرباء!!!!!!!!!!!!!
باغيتني ثاني نخلص فاتورة الكهرباء!!!!!!!!!

كاميلا · 2013-01-12, 22:52

اقتباس:

المشاركة الأصلية كتبت بواسطة ardfatima

راني ساكتة شا ندير
زدت شريت من بعد روبيات لنستحقهم عجانة ميكسور قلاية البطاطا و ليطحن حشايش......
زادت هبلت قالتلي نتيا ماكيش باغيا قاع تخدمي بليدك!!!!!!!!!!!!!!!!
قالت لراجلي اخلاتنا في فاتورة كهرباء!!!!!!!!!!!!!
باغيتني ثاني نخلص فاتورة الكهرباء!!!!!!!!!

والله كيما ديي ماكيش مانعة ربي يعينك وخلاص

السمروني · 2013-01-12, 23:00

سر مهر المرأة من أسباب بركة زواجها كما ثبتت بذلك سنة رسول الله صلى الله عليه وسلم، ففي الحديث الذي رواه أحمد عن عائشة رضي الله عنها عن النبي صلى الله عليه وسلم قال: أعظم النساء بركة أيسرهن مؤنة. وفي مستدرك الحاكم عن عقبة بن عامر أن النبي صلى الله عليه وسلم قال: خير الصداق أيسره.

كاميلا · 2013-01-12, 23:05

اقتباس:

المشاركة الأصلية كتبت بواسطة السمروني

سر مهر المرأة من أسباب بركة زواجها كما ثبتت بذلك سنة رسول الله صلى الله عليه وسلم، ففي الحديث الذي رواه أحمد عن عائشة رضي الله عنها عن النبي صلى الله عليه وسلم قال: أعظم النساء بركة أيسرهن مؤنة. وفي مستدرك الحاكم عن عقبة بن عامر أن النبي صلى الله عليه وسلم قال: خير الصداق أيسره.

بارك الله فيك شكرا للمرورالكريم