بلغ السيل الزبى

رانيا 1990 · 2013-02-05, 13:28

راني نكتب في الموضوع و الدم طالع لراسي
كنت حابة نكتب الموضوع في قسم مشكلتي لكن ماقدرتش
على كل حال هاهو الموضوع :
انا فتاة عندي 16 سنة و اختي عندها 19 سنة و عندي خويا الصغير المهم اختي هذي احقر مخلوق على وجه الارض
خصوصا في الاونة الاخيرة صارت لا تطاق حتى اني اكاد لا احبها . لديها اصحاب كثر من الرجال تقابل هذا و تكلم هذا عبر الهاتف و تلعب بيهم كامل و ماهيش لاتية بقرايتها ناهيك عن الكلام الفاحش و الشتم تخيلو حتى انها تشتم امها و تصرخ في وجهها . لا يهمها راي الاخرين . تاخذ ما تريد حتى لو لم يكن لها . هي قذرة حياتها قذارة وزعما تساعد الناس و تنصحهم . لا تقبل النصيحة . لا تصلي . عذت نحشم نقول اختي . مع العلم اسرارها عندي وما حبيتش توصل لحكاية لوالديا .
قولولي واش ندير و الله راح تهبللني . انا ما نحبلها غير الخير لكن خايفة نكرها و ساعتها ماعلاباليش واش يصرى .
اعطيوني حل جذري .

MARIE25 · 2013-02-05, 14:04

ben benti jamais tegouli nakrah okheti had kelam kebir mahma dart tabeka okhtek ana nenshak ma dometi tesali de3ileha rabi yahdiha weyraja3ha le terik sah wela chofi wahed kebir yahdar m3ah amek wela khalek elmohime rohi m3ah bela3kel brk we rabi yeslah elomour ,nechalah hibeti

kaderkader1541 · 2013-02-05, 14:21

مباااشرة
أخبري أباك
لا تنتظري
فالساكت على الحق شيطان أخرس
هاته الامور لا يجب اطلاقا التستر عنها
لأنه المجتمع رح ينظر الى الفتاة و بالتالي سمعتها تسيئ
و من ثم سمعة البيت كللللله تسيئ

mira mira02 · 2013-02-05, 14:33

عليكي ان تخبري اباكي
ماتنسايش راهي بنت وانت راكي تقولي انها عندها علاقات مع الرجال لا قدر الله وكاش ماصرالها انت تكون شاركتي في جريمة
المجتمع راهو صعيب بزاف ومايرحمش

لمسة ابداع · 2013-02-05, 14:33

حاولي تحكي معاها بلعقيلة قوليلها ياختي هادا الشيئ الي ديري فيه ماهو مليح لمعى ربي و لا العبدقوليلها انا كون نجيت مانحبكش و نشتيلكش الخير ما نصحكش قوليلها لازم
تكوني وحدة متربية ناس كامل تقادرك و تحبك قوليلها لوكان ماتلتزميش نقول لبابا و ماما حاولي معاها غير بلعقل و لا محبتش قولي لماماك

sali-sali · 2013-02-05, 14:41

اقتباس:

المشاركة الأصلية كتبت بواسطة رانيا 1990

راني نكتب في الموضوع و الدم طالع لراسي
كنت حابة نكتب الموضوع في قسم مشكلتي لكن ماقدرتش
على كل حال هاهو الموضوع :
انا فتاة عندي 16 سنة و اختي عندها 19 سنة و عندي خويا الصغير المهم اختي هذي احقر مخلوق على وجه الارض
خصوصا في الاونة الاخيرة صارت لا تطاق حتى اني اكاد لا احبها . لديها اصحاب كثر من الرجال تقابل هذا و تكلم هذا عبر الهاتف و تلعب بيهم كامل و ماهيش لاتية بقرايتها ناهيك عن الكلام الفاحش و الشتم

تخيلو حتى انها تشتم امها و تصرخ في وجهها . لا يهمها راي الاخرين . تاخذ ما تريد حتى لو لم يكن لها . هي قذرة حياتها قذارة وزعما تساعد الناس و تنصحهم . لا تقبل النصيحة . لا تصلي . عذت نحشم نقول اختي . مع العلم اسرارها عندي وما حبيتش توصل لحكاية لوالديا .
قولولي واش ندير و الله راح تهبللني . انا ما نحبلها غير الخير لكن خايفة نكرها و ساعتها ماعلاباليش واش يصرى .
اعطيوني حل جذري .

لو لم تكن تحبك لما اعطتك اسرارها
حاولي ان تنصحيها
او تعمدي وضع محاضرات في البيت و دروس تفيدها
وتقربي منها اكثر

سدرةالمنتهى · 2013-02-05, 16:26

حاولي ان تخيفيها بقصص افتراضية من عندك: ان اباك على علم ماتفعلين و سيوقفك من الدراسة و ياخذ الهاتف منك و ........في الاخير يحبسك في البيت
او قولي لها ان احد من هؤلاء الرجال الذين تتكلمي معهم
يريد ان يكشفكك عند ابوك و تكون نهايتنا دم عند ابانا ..........لذا اقطعي هذه الاتصالات و اتركينا نعيش بسلام ................

حاولي التقرب منها بكثرة بواسطة هذه القصص و اذا لم تسمعك لك اخبري امك و انزعو عنها الهاتف .............

نسال لها الهداية ان شاء الله

رانيا 1990 · 2013-02-06, 07:31

شكرا على الردود
لكن الحكاية ماهيش ساهلة كيما راكم حاسبين
ما تقبلش النصيحة ابدا و كي يحكي معاها واحد تبدا تعيط و تسب حتى عدنا نتجنبوها

imane-2020 · 2013-02-06, 09:34

ربي يهدي كاين ياسر ناس هك ربي يفرج عليكم اختي بما انك تصلي ادعي ربي يسر ويسهل وخلاص والله الناس لي كيما هك صعب التعامل معاهم وعن تجربة شفت بنات كيما هك ساعات تقولي انو ربي مع صاحب الشر استغفر الله لكن تاكدي انو ربي يمهل ولا يهمل وراح يجي يوم لي تفرج عليكم وما ينفعش الندم هذاك النهار كبري قلبك وفوتي كلش وربي يسر ان شاء الله ربما حابة تتزوج لأنك قلتي ما هيش لاتية بالقراية انتي تقربي من يماك وحاولي تحكيها حاجات لي تشوفي انها لازم تعرفم وربي يسهل ان شاء الله

fatix · 2013-02-06, 09:46

khabri waldik

dahbi01 · 2013-02-06, 09:56

اقتباس:

المشاركة الأصلية كتبت بواسطة رانيا 1990

شكرا على الردود
لكن الحكاية ماهيش ساهلة كيما راكم حاسبين
ما تقبلش النصيحة ابدا و كي يحكي معاها واحد تبدا تعيط و تسب حتى عدنا نتجنبوها

اخبـــــــــــــــــــــــــــــــــــــــــــــــ ـــــــري اباك يكسر ليها راسها للمجرمة هادي ماتحشمش

omtaha · 2013-02-06, 11:37

وهميها انه والدك عارف ومش متاكد وهذه فترة مراهقة وتفوت ياحبيبتي

منهاج · 2013-02-06, 21:04

لسلام عليكم

ادعيلها ربي يهديهاااااااااا

zaki4 · 2013-02-06, 21:36

بوركتي أختي على حبك لأختك وخوفك عليها
1/حاولي أن تنصحيها وتخوفيها بالله فان أبت.
2/حاولي أن تخبري أمك بطريقة غير مباشرة كأن تسألي أمك مثلا- وتقولي مع من تتكلم أختي-فان أبت.
3/أخبري أمك أنك بدئتي تشككي في أختك أنها تكلم الرجال و....فان أبت .
4/أخبري أمك بالحقيقة.فان أبت.
5/أخبري أباك قبل أن تعتاد على هذه العلاقات .فان دخلت فلن تخرج.
***نسأل الله لنا ولها الهداية******

لا تنسوا تقييمي والدعاء لي بالفردوس الأعلى

~~knives55~~ · 2013-02-06, 21:44

من نظري لازم يعلم ابوكي بالأمر به تدي طريحة مسقمة أفضل من تجبلكم العيب

هذي ما يصلح معها غير عصا

ما تخفي ما تكسري راسك انت ماكي خاسرة والوا

خبري بابك وخلي الباقي عليه

والله شفت هذ النوع لبنات والله مع الوقت يوصلوا

الى درجة الردالة والبقي تعلمونه