واش طيبو نهار الناير

soussou_saida · 2013-01-08, 19:55

واش طيبو نهار الناير
كل وحدة تحكينا

soussou_saida · 2013-01-08, 21:56

35visite sans reponse
wach madirou walou ntouma ma3andekoumech 3adate

feuilleblanche17 · 2013-01-08, 22:10

حنا محرم نتاعنا الناير خطينا
و في محرم درنا طعام و لحم

ميادة شارف · 2013-01-09, 09:59

حنا نديرو الشرشم وبركوكس بالتعمير وفي الليل نديرو المخلط

mamlakati · 2013-01-09, 10:41

ana ndir rechta belhame had al3aaam ou fi al sahra un thé avec hadja m3asla ranini haba nechri hbibette baklawa nesahrou alihom ana wa zawdji bihokme nesseknou wahadna,,et redwa men hadak necherbou kahwa ftiiiir wela al khfefe bech al 3aaaaaam idji khfiiiif,,,hhhhhhhhh wa koul sana wa antom b10000 khir

zamilio · 2013-01-09, 13:12

انا ندير بركوكس العيش بالخليع القديد وكى ميكونش عندى الخليع اندير الشخشوخة

رحيق الايمان · 2013-01-09, 13:34

والله انا حرت ندير و لا لا انا الان مزوجة في منطة ما تحتفل بيه في دار بابا كنا نديرو كسكسي و نديرو القشقشة للسهرية وساعات نديرو المسفوف و ضرك في دار راجلي بلاك ندير كسكسي وفرات

ام محمّد · 2013-01-09, 17:57

شكون قال الناير ماشي نتاعنا بالعكس هو جزء من الثقافة الجزائرية ف 12 يناير هو بداية السنة الامازيغية اي اول ينّاير
وبالتالي نحن الجزائيين نحتفل بهذا اليوم وكل على طريقته

ام محمّد · 2013-01-09, 18:01

شكون قال الناير ماشي نتاعنا بالعكس هو جزء من الثقافة الجزائرية ف 12 يناير هو بداية السنة الامازيغية اي اول ينّاير
وبالتالي نحن الجزائيين نحتفل بهذا اليوم وكل على طريقته

piri311 · 2013-01-10, 12:58

الناير نديروه باش نفرحو الاطفال في العام الجديد وكل واحد يحتفل بطريقته

chedni · 2013-01-11, 00:23

حنا نديرو في الليل الكسكس بالدجاج والمرقة نسقة بيها هاذه أكلتنا المشهورة والمفضلة + الفواكه +المخلط يعني كاوكاو بيسطاش قرقاع مختلف الحلويات حلوة الترك حلقوم وكل ما يجي فبالك ........................................

آه يفرحو الأطفال كثير بيه ويخبو حلوياتهم حتى يدوها لمعلمينهم ويعطو لأصدقاءهم .

بصحتكم صح هومش عامنا لكن نحتافلو مع إخوانا الامازيغ وندخلو لفرحة .نتذكر وحدة نهار كان عندنا ضياف درنا الكسكسس وكل حاجة وتلمينا مع بعض نأكل والحكايات والضحكات آه جمعنا حتى خلاص كان يوم هايل الواحد لازم يعيش يومو ألي هو فيه بالإبتسامة والفرحة يجي نهار ألي ما يرجعش هذاك اليوم لكن إنشاء الله الايام جاية تكون أحلى واسعد تحياتي إليكم.عام سعيد .

soussou_saida · 2013-01-11, 13:54

انا درت شرشم و شرينا المخلط( كاوكاو+بيستاش+قرقاع+بندق+لوز+كرموس+انواع حلوى+انواع شوكولا+حاوة ترك+برتقال+موز
ان شاء الله نحط صور

ASKme · 2013-01-11, 14:18

مقرونة بالماء والملح

mamlakati · 2013-01-11, 19:28

rani welite ,,,,finalement derte couscous belham ou dja bniiiine ihabel,,,,ou doka rani nwejed fi un thé bwach ekteb rabi rani mechahie zelabiette boufariiiik bihokme ana neskoun fi soumaaaa c juste acoté alors bonne anneé meme ida manich kabile m hadi hia lazem nefarhou bi koule youwme fi hayatna ,,ayam al farah welette kalila avec wech rah sarie fi al denie aller ya men 3aaaaaaaache

MOona Hind · 2013-01-12, 13:54

انا درت الطعام بالدجاج وطيبت لتاي ومعا المخلط (كاوكاو بيسطاش كاجو حلوة الترك حلقومة شيكولا قوفريط حلوى)باه يفرحوا الاولاد وغد وتها درت البغرير في الغدا وهدي تقاليدنا وكل يناير والجزاءر بخير المهم قي كل هداللمة و الفرحة