الطابونة أم كويزينيار

pomaria_aindefla · 2012-11-26, 16:27

أيها أفضل للقلي الطابونة أم كوسزسنيار واش تستملوا أنتم من فضلكم

it's me · 2012-11-26, 16:51

انا نفضل نقلي في الكويزينيار بصح الطريقة الصحيحة في الطابونة لتفادي سيلان الزيت و الحريق لا قدر الله و تبقى الطويزينيار نظيفة

pomaria_aindefla · 2012-11-26, 20:35

شكرا على الرد هدا ما تفولو أمي و لكن مرات نكون ندير حاجة أخرى في الكوزينة نبغي نقلي في الكويزينيار لأن طابونة بعيدة عن الكوزينة لكن الوالدة تقولي تخسري لي الكويزينيار شكرا مرة أخرى

kiki12 · 2012-11-26, 21:05

هدا وش تقولي ماما هههههههههههههه

وظرك كي راني في داري

نقلي الحوايج تاع دايما بطاطا بيض فلفل فوق الكويزينيار لانو تجيني ساهلة نمسح الكويزينيار و ما نسيقش الارض المحيطة بالطابونة

بعد كل استعمال

ولكن كي نستعمل مقلة كبيرة كيما باش نقلي قريوش او مقروض او سفنج لازم فوق الطابونة

وعزوجي حتى القريوش تقليه فوق الكويزينيار في مقلة ماشي كبيرة بزاف

انت يا ختي ديري وش تقولك ماماك ...انا ظرك كي نهبط لدارنا نقلي كيما تقولي ماما فوق الطابونة بصح احنا دايرينهم ماشي بعاد على

بعض يعني ما نتعبش

وماماك تخاف بعيد الشر يسيح عليك الزيت .

ربي يجيب الخير

sarra5 · 2012-11-26, 21:15

men nhar 3raft slahi w ana nakli f la cuisiniere ltabouna rir lelkesra w lmahjouba w ltechwat c ts

ام عبيدة · 2012-11-28, 16:53

انا نقلي علي الكوزينيار لان عندي ولاد صغار ونخاف عليهم لان الطابونه في الارض

k.takoum · 2012-12-27, 13:37

انا تانى عندي كل شي في الكويزنيار والطابونه غير للخبز ولا بغرير

دعاء القلوب · 2012-12-27, 22:44

انا نقلي فالطابونة مايعجبنيش قليان الكويزنيار وكي نستعمل الطابونة نفرش الجرنال على الارض ساير داير على الطابونة وهاك ماتتوسخش الارض

meriem hanin · 2012-12-30, 13:27

انا نقلي فوق الطابونة و كيما قالت اشورة ديما نفرش الجورنال يمصلي قطرات الزيت و ماتتوسخش الارض

ميرة31 · 2013-01-01, 14:40

زوجة لزهر · 2013-01-01, 15:10

انا ايضا استعمل طابونة للقلي

وفاء سعاد · 2013-01-01, 15:43

استعمل الطابونة للقلي لان النار تاعها قاوية خاصة للبطاطا باه ماتشربش الزيت بزاف اما الفلفل او البيض او اي شئ اخر فوق الكويزينيار لانها عالية وماتعبنيش

رزان حياة · 2013-01-02, 22:58

انا نستخدم بزاف الطابونة

عطر الياسمين الاصلي · 2013-01-06, 14:42

انا نقلي القريوش والسفنج على الطابونة ونخبز الكسرةتاني على الطابونة والباقي على الكويزينيار

أنوثة شرقية · 2013-01-07, 11:08

انا نقلي على الكويزينيار ومغلفتها بالالمنيوم وننظفها بعد القلي تفاديا وخوفا على ابني لانو يكون معي دائما ونخاف عليه