خطيبي يريد ان يعقد

[madoucha]

السلام عليكم انا مخطوبة من ماي 2012 على اساس الزواج بعد رمضان 2013 و عقدنا العقد الشرعي الفاتحة يعني لكنه لم يدفع بعد الصداق
مشكلتي معاه انو عصبي و متسرع في اتخاذ القرارات وكل مرة نتشاجر وهو يكبر الموضوع ويخبرني بنيته في فسخ الخطبة لقد مللت فعلا واخر مرة تشاجرنا على سبب تافه و هو اني اشتريت هاتف و شريحتي مامشاتش فيه فاتهمني وقال لي كلحوك فيه و انت جايحة كيفاش ندي مرا جايحة وكانت اول مرة اثور في وجهه و قلت له اخر مرة تزيد تهينني فيها الغدوا من ذاك قال لي سافسخ الخطبة لاننا مانتفاهموش ولم يتصل بعدها 15 يوم و اليوم اتصل باش يقول لي ان راه باغي يعقد في البلدية من اجل ملف سكن
انا لم اوافق اولا لانني فقدت ثقتي فيه لانه كل مرة يهددني بفسخ العقد و ثانيا لانه لم يدفع المهر ثم طلبت منه يعطيني مدة نخمم ونعطيه موافقتي او عدمها فيما يخص العقد المدني

راني حائرة نوروني بارائكم شكرا

[sat777]

السلام عليكم اختي حابة نستفسر كيفاش درتو عقد شرعي دون الصداق وهو ركن من الاركان تاع العقد...واين اهلك من كل هذا...ننصحك ما تتسرعيش ديري استخارة وان شاء الله كل شي يكون بخير

[madoucha]

المشاركة الأصلية كتبت بواسطة sat777

السلام عليكم اختي حابة نستفسر كيفاش درتو عقد شرعي دون الصداق وهو ركن من الاركان تاع العقد...واين اهلك من كل هذا...ننصحك ما تتسرعيش ديري استخارة وان شاء الله كل شي يكون بخير

اختي عقدنا عقد شرعي فاتحة تفاهمنا على المهر طبعا يعني تم تحديد المبلغ و انا قبلت نصبر عليه حتى يجمع المبلغ 14 مليون احس انهم خدعوني لانهم في الاول قالو يدفعوه بعد ستة اشهر و احنا حشمنا نطلبوه في المهر

[مريم الصابرة]

السلام عليكم اختي
راني نشوفك ما عندكش ثقة في خطيبك على جال الدراهم خايفة من المهر ما يمدولكش فيما يخص التردد نتاعو صح عندك الحق تخافي والعقد من المفروض يكون في أسبوع نتاع العرس إحنا هكذا نديرو أحسن للطرفين لكن لما جاه ملف سكن خلاص وافقي وزيدي سقسي اهلك اما المهر يا اختي هذا زوجك وعارف المهر لازم وتفاهمتو وقطعتو الشروط ممكن مازال ما لموش باه يعطيهولك وإسمحيلي نقولك علاه 14 مليونالمهر عندكم 14 غالي بزاف سامحيني حبيت نعرف برك لأانو بانلي مبلغ كبير موفقة وأختي سقسي والديك هوما يعرفو وهوما يبلغوه بالموافقة او الرفض

[dahbi01]

أختي الكريمة:
شكرا على ثقتك فينا ولك مني رأي الخاص:
قبل كل شئ يتوجب عليكما أنتما الإثنين بما يلي وحاولي إستدعائه إلى منزلكم شرط يكون أحد أفراد العائلة في المنزل وتفهيميه في مايلي:
ا تتوقع أشياء غير واقعية

قبل الزواج ، كثيرا من الناس يكونون غير واقعيين في تصورهم للشريك المقبل إلى درجة توقع الكمال فيه وهذا أمر غير واقعي ، فالله هو الكامل وغيره كله ناقص ، فلا تتوقع ولا تتوقعي أن يكون شريكك كاملا بل لديه بعض النواقص والأخطاء كما يوجد لديك أيضا.
التركيز على أفضل ما في الشريك من صفات ومحاسن:

لأنه لا احد لديه جميع أفضل الصفات ، ينبغي التركيز على الصفات الايجابية التي يمتلكها أحد الزوجين. إن التشجيع والثناء ، والإعراب عن الامتنان يؤدي إلى تعزيز هذه الصفات. كما ينبغي بذل محاولة إغفال أو تجاهل الخصائص السلبية للشريك.
اجعل من رفيقك أفضل صديق:

فكر في كيفية أن يكون شريكك هو صديقك المفضل ، وهذا يعني مشاركته الاهتمامات والهوايات والأحلام وكذلك الفشل والإحباط ، كما يعني فهم ما يحب وما لا يحب ومحاولة إرضاءه بأي طريقة ممكنة ، إن الصديق المفضل هو إنسان محل ثقة ويمكن الاعتماد عليه فاجعل شريكك كذلك ، وأن يكون هو الإنسان الذي تتمنى أن تقضي معه كل حياتك.
قضاء أفضل الأوقات معا:

لا يكفي إن يتشاركا الزوجين في تناول الطعام وبعض المهام المملة المشتركة بل ينبغي أن يجدا وقتا أكثر يقضيانه معا لتقوية هذه العلاقة ، كلا الزوجين يكونان مشغولان باهتمامات مختلفة وينسيان أهم شيء وهو حياتهما معا ، إن قضاء بعض الوقت الهادي معا وبعض المحادثات اللطيفة والمشي في الطبيعة الجميلة قد يتيحان الفرصة للتفاهم والتقارب بشكل أكبر ، كما أن مشاركة الهوايات وبعض المشاريع الخاصة يؤدي إلى تقوية العلاقة الزوجية.
الإعراب عن المشاعر:

من المحتمل أن هذا مفهوم غربي بعض الشيء وأن بعض الأشخاص يجدون صعوبة في الوفاء ، ولكن من المهم أن تكون واضحا وصريحاً بخصوص مشاعرك وحريصا على مشاعر الطرف الآخر ، يجب إن تكون قنوات الاتصال بينكما مفتوحة دائما . إن مناقشة الأمور الصغيرة والكبيرة على حد سواء بشكل صريح ومباشر يمنع تفاقم المشكلة ويساعد على حلها. إن الصمت عن المشاكل ومحاولة معالجتها بشكل فردي لا يؤدي إلى حلها غالباً.
الاعتراف بالخطأ وطلب الغفران

كما إننا نسأل الله إن يغفر لنا عندما نخطئ ، فإنه ينبغي لنا أيضا أن تفعل نفس الشيء مع شريكنا ، فالقوي هو الشخص القادر على العفو والغفران عندما يخطي الطرف الآخر . إن طلب العفو من الطرف الآخر والعمل بجد على عدم تكرار الخطأ من الأمور الهامة في تنمية هذه العلاقة ، كما أن عدم بذل جهد كافي لن يكون في مصلحة الطرفين.
لا داعي ابدأ لذكر أخطاء الماضي

إن تذكير الشريك بأخطاء الماضي قد يكون إساءة كبيرة له ، كما أن الإسلام لا يوصينا بالإسهاب في ذكر أخطاء الماضي . ربما يكون علينا تذكر بعض أخطائنا لكي نستفيد منها ولتكون عبرة لنا ولكي لا تتكرر ، ولكن هذا لا يجب أن يتم بشكل مفرط ، كما أننا نحن البشر لسنا في وضع أن نحكم على الآخرين بل يجب إعطائهم المشورة والنصيحة وبشكل ايجابي
مفاجئه الشريك من وقت لآخر

إن إحضار هدية بسيطة أو بعض الزهور قد يكون له أكبر الأثر على الشريك ، كما إن إعداد وجبات خاصة أو التزين والظهور بمظهر لائق وجميل ( وهذا ليس خاص بالنساء فقط ) أو إرسال رسالة بسيطة ومعبرة قد يكون له معني كبير ، إن هذه الأشياء البسيطة تعتبر كتوابل لتجديد الحياة الزوجية ولمنع الملل والروتين اللذان قد يصيبان هذه الحياة.
ليكن لديك إحساس بالفكاهة

إن الاحساس بالفكاهة والجو المرح يضيف على الحياة بهجة وسرور ويمنع الخلافات ويضيء جو المنزل . إن الحياة عبارة عن تيار مستمر ومتجدد من التحديات والاختبارات والتعامل مع هذه التحديات بجو مرح ومتفائل يجعل رحلة الحياة أكثر سلاسة ومتعة ، كما أنك قد تجد شريكك يتمنى قضاء أوقات أكثر معك في هذا الجو الحميم.

[madoucha]

المشاركة الأصلية كتبت بواسطة مريم الصابرة

السلام عليكم اختي
راني نشوفك ما عندكش ثقة في خطيبك على جال الدراهم خايفة من المهر ما يمدولكش فيما يخص التردد نتاعو صح عندك الحق تخافي والعقد من المفروض يكون في أسبوع نتاع العرس إحنا هكذا نديرو أحسن للطرفين لكن لما جاه ملف سكن خلاص وافقي وزيدي سقسي اهلك اما المهر يا اختي هذا زوجك وعارف المهر لازم وتفاهمتو وقطعتو الشروط ممكن مازال ما لموش باه يعطيهولك وإسمحيلي نقولك علاه 14 مليونالمهر عندكم 14 غالي بزاف سامحيني حبيت نعرف برك لأانو بانلي مبلغ كبير موفقة وأختي سقسي والديك هوما يعرفو وهوما يبلغوه بالموافقة او الرفض

شكرا على ردك 14 مليون المهر + جهاز + العرس يعني مهري انا هو 6 ملاين و الباقي مصاريف اخرى تاع التجهيز الغرفة من مطارح و مخاد كي تولي تشوفي قليل

[sali-sali]

الثقة هي كل شي

وهدا يعقد و يتزوج من راسه وين اهلكم نورمالمو هوما يرتبوا لكل شيئ

نصيحة اياك ان يكون رايح يعقد من اجل ملف السكن

[مريم الصابرة]

المشاركة الأصلية كتبت بواسطة madoucha

شكرا على ردك 14 مليون المهر + جهاز + العرس يعني مهري انا هو 6 ملاين و الباقي مصاريف اخرى تاع التجهيز الغرفة من مطارح و مخاد كي تولي تشوفي قليل

السلام عليكم اختي
سامحيني ممكن احرجتك حبيت نفهم برك علاه 14 مليون لكن راني فهمت
ربي يوفقك اختي ومن راي سقسي والديك وهو فهميه ومن بعد تبان ربي يوفقك انما العصبية يا اختي عادي والله يحلفو الف مرة فالنهار وما يديرو والو ممكن زعاف يقولك نفسخو برك ربي معاك

[خديجة 1010]

اختي متغلطيش غلطتي نصيحتي ليك متعقديش حتي يقرب لعرس

[هدى الجيجلية]

السلام عليكم
اختي
انصحك نصيحة
لا تعقدي
كاين إلي عقدو قبل العرس
ومنبعد ندمو
المهم الراي الأخير
يرجع ليك
هذا رأيي الشخصي

[رؤيا الظلام 48]

متتقلقيش اختي

قوليلوا يحكي مع باباك اولا واكيد ابوك مشي راح يقبل بالعقد المدني بدون صداق

والسكن مهوش سببب وويلا راكي مترددة عليك بالاستخارة وخليها على الله

[كاميلا]

14 مليون راهي والو مفهمتش علاش عند الجزايرين عقلية البخل كون هاد لعروسة جاية بالكابة تعها وحكمت 14 مليون وي نقولك بزاف مي رانا حاصلين وكيف العروسة كيف لعريس راها تعمرله في داره لكان معلابالكمش يعني هاداك المهر ولات تصرف فيه على هاد الاشياء ويزيدوا يقولولك غلاء المهور و 14 و 15 راهم غاليين فففففففففف
اعذريني يا صاحبة الموضوع لكن فار دمي والله لعروسة هادي تجيبله كل شيء من نقود مهرها اللي ميكفيش حتى لمقياس والا لصالون كامل
بالنسبة للعقد زيدي شاوري امك والديك متتاخديش القرارات وحدك وطبعا استخيري

[zineb_saib]

قلو يهدر مع ابوك هو ادرى منك وراهو كبير ومجرب وفاهم ويحوس على مصلحتك
ربي ييسرلك اختي

[Terrified-dz]

اختي انصحك ان تصبري عليه و تكلميه و لا تفسخي العقد و لا تسمعي لبعض بنات المنتدى التي يقولون لك افسخي و الله يا اختي انهن يقولون لك افسخي حسدا منهن
كلمي خطيبك بدون مناوشات و ان شاء الله ربي يهديه ليس من اجل شريحة او هاتف تفسخي
احذري من نصائح الحاسدات يا اختاه

[madoucha]

المشاركة الأصلية كتبت بواسطة terrified-dz

اختي انصحك ان تصبري عليه و تكلميه و لا تفسخي العقد و لا تسمعي لبعض بنات المنتدى التي يقولون لك افسخي و الله يا اختي انهن يقولون لك افسخي حسدا منهن
كلمي خطيبك بدون مناوشات و ان شاء الله ربي يهديه ليس من اجل شريحة او هاتف تفسخي
احذري من نصائح الحاسدات يا اختاه

من قال اريد ان افسخ ياو هو لي يهدد فيا بالفسخ كل مرة لهذا خفت انا نعقد و يطلقني واصبح مطلقة بلا زواج و يهدرو عليا الناس و يضيع مستقبلي انا لا اريد ان افسخ و راني قابلاتو بيه بسلبياته بصح هو وسوسني اخر مرة لانه قال لي ماتفاهمناش و الحل انني نفسخ الخطبة و ليس العقد المدني