ساعدوني محتاجة لدعائكم

[popona]

السلام عليكم
هذه اول مشاركة لي حبيت نفرغلكم قلبي لانني ادرك انكم لن تبخلوا عليا بنصائحكم و دعواتكم مانطولش عليكم
انا فتاة 24 سنة جامعية متخرجة و لكن بدون وظيفة وهذا الشئ مقلقني كثيرا و اي خطوة اقوم بها ما نتوفقش فيها يعني نلقاها مقفولة في وجهي و اصبحت اخاف من المستقبل و الله حالتي اصبحت سيئة جدا اصبت بالارق لانني لا انام من كثرت التخمام و التفكير مع انني جد مؤمنة و الرزق على رب سبحانه و لكن احيانا اصاب بانهيار اصبحت لا اتكلم كثيرا و احب الجلوس وحدي مع انني ثرثارة و احب مخالطة الناس و اصبحت ابكي كثيرا و خاصة عندما يسالونني عن العمل و ايضا عندما اقرا سورة البقرة مع العلم انني اقرءها كثيرا لما فيها من فوائد و تيسير الامور و اصلي صلاة الحاجة و ادعي كثيرا و مع كل هذا حالتي تسوء اكثر فاكثر قالولي بيك عين و لازمني رقية شرعية
اسمحولي طولت عليكم في انتظار نصائحكم
ارجوكم لا تنسوني بالدعاء في ضهر الغيب ادعولي رب يسرلي اموري و يرزقني بوظيفة و يفرجها عليا

[yasmina31]

يا أختي الخدمة ماشي هي كلش و رزق من عند ربي مين يحب ربي تجيك للدار وهذا عن تجربة خلي ايمانك بربي كبير وزيد ديري في بالك بلي راكي في عطلة مفتوحة ريحي روحك اخرجي مارسي هوايات والخدمة جاية جاية باذن الله
ربي يفتح عليك ان شاء الله

[منهاج]

السلام عليكم

اللهم يا رب العالمين يسر امورهاااااااا

[l'étoile]

الحل يا أختي هو قيام الليل و الله دعيت كثيرا لربي اثناء قيام الليل ان اجد عملا لما انتهي من دراستي و الحمد لله تخرجت عام 2010 و مسني الادماج و الحمد لله و هذا كله من فضل ربي

[hiba ahmed]

حبيبتي ربي ينولك اللي في خاطرك ويجيبلك الخدمة والترساااااااااااااااام انشاءلله تترسمي ومن بعد يجي سعيد الحظ ولد الحلال اللي يهنيك وتجيبي وليدات بصحيحتهم وتعيشي متهنية وخدامة ووليداتك دايرين بيك ومتنسايش تعرضيني ههههههههههههههه

[مريم الصابرة]

السلام عليكم اختي
علها مهمومة ودايرة في روحك كامل هاكا على جال خدمة يا اختي قارني روحك مع ناس محتاجين ناس مرضى مالفراش ما ينوضونش تحمدي ربي الف مرة فالثانية الحمد لله راكي بمستوى جامعي والخدمة تجي تجي وكان ماجاتش ربي يبعثلك وليد الحلال ديري دارك وتتهناي ماكانش حاجة بعيدة على ربي وما توسوسيش روحك كملي في صلاتك وفالدعاء ويجي نهار وإن شاء الله قريب ربي يفرج وتتفكري معاناتك وتندمي وشوفي مشاكل الناس وهمومهم تهون عليك مشكلتك ورانا ندعولك ربي يفرج عليك إن شاء الله

[samar89]

يا اختي هذا الكل علاجال خدمة؟؟؟رانا كامل كيفكيف انا تاني تخرجت ومالقيتش خدمة...واش نديرو هاذي هي بلادنا ..انت مازلتي صغيرة وراكي تقولي هكذا..والناس اللي خلصت حياتها وماراهيش تخدم وعندهم مسؤوليات كيفاش يقولو,,,؟؟؟؟احمدي ربي..واصلي الدعاء ولا تقنطي من رحمة الله..انما الارزاق بيد الله....

[popona]

شكرا والله ردودكم و دعواتكم رفعت معنويات و حسنت نفسيتي بزاف و بخصوص قيام الليل انا نقيم الليل و ندعي و زيدوا ادعيولي

[لمياء كوكو]

قولي الحمد لله على كل شيء و أذكري ربي ترتاحي

[ام محمّد]

شوفي اختي متقلقيش روحك خاطر هذا حال 40 بالمائة من بنات الجزائر وممكن اكثر ،وفاهمتك اختي خاطر صعيب باش تلقي خدمة في وقتنا انتي ما تحوسيش في نفس تخصصك ، او اذا كان قلبك كبير خدمي من الدار مثلا الخياطة او صنع الحلويات او غيرها شوفي انتي في واش شاطرة
واللي راكي فيه ماهو لا عين ولا سحر ، انما سببه اليأس والقنوط، ديري ربي في خاطرك وعليك بالصلاة والدعاء وربي يفرج على الجميع