قصيدة رائعة لعبدالله بن كريو

[عمر سباعي]

قمر الليل خواطري تتونس بيه ****** نلقى فيه اوصاف يرضاهم بالي
ياطالب عندي حبيب ماله شبيه ***** من مرغوبي فيه سهري يحلالي
أنبات انقسم في الليالي ننظرليه***** يفرقنــــــي منه الحذار التالـــي
خايف لا بعض السحابات اتغطيه ******* و إذا غاب ضيــاه يتغير حالـــي
ياسايل عن خاطري واش أمسهيه***** اللي جلــــى قلبــي جالـــــي
يا تهواسي,خاطري واش إينسيه***** وين الطب اللي ينسب لعلالــي
ضر معاشر كبدتي و أنا خافيه******* صابر للحمـــة شديدة ما ذالي
هذا المرسم كانت الخداعة فيه ****** مسبوغة لنجال خلاتو خــــالي
يا مهبلني جيت للرسم انشاكيه****** ماجاوبنـــــي ماسمع لسؤالي
مرسم ولفي كيخلى وعلاه أنجيه***** نتفكر مافات يثقب مشعالــــي
يامرسولي سير بجوابي وإديه***** يمكن بيد الظريف وعنالـــــي
ياهاتف أخبار الخير كون إنبيه ***** والماره اللي بينا وريها لـــي
سال على محبوب قلبي سال عليه***** سال عليها سال شطانة حالي
قل لها وعلاه محبوبك تنسيه****** غضبانة شكيت ماكيش تسالي
قداش من مرسول لي شقيتيه***** كرهوك الحسادبغضه على جالي
ونشرت ثوب المحجة وطويتيه **** واه جديد محبتك يرجع بالـــي
جرعتيني مر ماكنتش نشتيه***** ذقت أنواع الحب من دون أجيالي
يتفكر قلبي زمان كنا فيه ***** سترونا الايام والوقت موالي
ياك حلفتي لي يمين و وفتيه ***** قلتي لي تشتاق مازال خيالي
صح منامك بالوفا كيما شفتيه **** تفسيره ملبينا ظاهر جــــالي
أنت شفت ذا المنام و فسرتيه ***** وعلمت بالجايّــــــة قلتيها لي
ياعالي الطلبة اللي بلاني تبليه**** وجعل حالو فالمحبة كي حالي
أتزيلف قلب الحبيبه و تكويه ****** وتثقب مشعالهاكي مشعالي
أتديرو شطرين على النص تساويه****** قسمة تديها و قسمةتبقى لي
باش أتشوف الحب و تلوح ماليه***** تعرف قدر اللي صبر كيما حالي
حبك عني جار ماطقتش نخفيه ******* مانواية خاطري هذا حالي