ماقولكم في زواج هذه بدايتة؟

narimane1991 · 2012-10-06, 11:12

السلام عليكم
قصتي تكمن في خطيبي الذي قد تعاهدنا علي ان نحب بعضنا وان يكرم احدنا الاخر وان نعيش علي درب الله ورسوله دستوره
هو طبيب حسن الخلق والخلق ذو سمعة محمودة في الوسط المهني وخارجه جميل متربي والحمدالله بعد ان تقدم لي اتفقنا علي ان اتوقف علي عملي بعد ان اتحصل علي شهادتي (الدبلوم) ولقد رضيت لما اراه من ذم في المراة العاملة لا غير وجعلته بنية عمل صالح لله وهذه نيتي لحد الساعه
رضيت بان اعيش مع اهله من اجله لاغير و قلت قسري باه يجي نهار ووليد يعيش معايا
لكن المشكله انه هذه الايام قرر ان يعود في رايه بعد ان تعطل صدور دبلومي لمدة 3 سنوات علي الاقل كي اتحصل عليه
وهنا وقعت الكارثه فقد قال لي مستحيل تقعدي تخدمي 3 سنوات ووليدي و الدار والضياف وكفاه تخلي يما وحدها وهنا صدمة بقوله انا ديتك باه تونسي يما ومازاد الطين بله انه قال لي مكنتش ناوي نتزوج بيك مي در الله ومشاء الله فعل وراكي حشيتيهالي كما نقولو بالعاميه نتعنا يعني تحايلتي عليا
وانا والله العمل و تركه لا يشكلان عندي اي مشكل لكن لن اترك عملي بدون دبلوم وكما راني نقول في قلبي ماشي تعذبت وتبهدلت وتعبت وفي اخر المطاف نخرج منها بدون دبلوم اقل شيء والله ليس شرا مني او تكبر او اي من هاذا القبل لكن والله اعلم بما في صدري هو بالنسبة لي مجرد سلاح اخفيه للحياة فلا تدري نفسن ماذا تكسب غدا ولا تدري نفس باي ارض تموت
وقوله هو ياتسمحي انتي في دبلومك وعملك يانسمح انا فيك ؟؟؟؟؟؟؟؟؟؟؟؟؟ وحجته انا من النهار الاول قتلك العمل لالالا
ماقولوكم وماريكم وماتعليقكم انا والله جد حائرة و مهمومة وشبه ضائعه

نورسين.داية · 2012-10-06, 11:21

اخي بقي لي سؤال ما علاقة تحصلك على الديبلوم بالعمل ........أنا لي نعرفو ناس تتحصل على الديبلوم و من بعد تعمل .....؟؟؟

ما طبيعة العمل لو سمحتي ........يوجد بعض الغموض لو توضحيه .......بعدها سوف أدلي برأي

حفيظة 1 · 2012-10-06, 11:24

الصراحة الموفروض هو يتفهم هذا هو حلكم لهذه المشكلة وعيب عليه يجرحك بالكلام لي قالو كان ممكن يعارض ولكن دون تجريح كفاش هدي مكنتش راح نتزوج بيك وجبتك تونسي امي ..الخ اوووووووو صبحان الله راكي مرتو درك لزم يراعي مشاعرك
مع هذا انا نقولك حاولي تليني انتي من عندك واشرحيلو انك تعبتي وتعدبتي وغير تاخدي دبلاوم تحبسي وتاني قوليلو نحاول منقصر في حتى حاجة والعام راه يفوت كالاسبوع والاسبوع كالنهار زيدي دعي ربي يفرجها من عندو وقولي حسبيا الله ونعم الوكيل عليه توكلت واليه انيب............ربي يفتح ويفرج

yasmina31 · 2012-10-06, 11:33

ربي يفرج عليك ان شاء الله

narimane1991 · 2012-10-06, 11:51

عندك الصح الناس تتحصل علي الديبلوم منبعد تعمل الا في حالتنا حنا انا بصفتي قابلة هدا سياية الدولة كي نخلصو القراية نتعنا يعطونا ورقة توجه الي العمل يعني التعين والديبلوم نتعنا ميعطوهلناش حتى بعد 3 سنين هكدا باه ميوقعش النقص في مصالح الولادة يعني حنا باه منحلوش عيادتنا الخاصة ونقعدو نخدمو عند الدولة يعني ميقروناش ومن باعد نحلو البريفي ونخلوهم هكداك فهمتي حنونة؟

النجمة القطبية · 2012-10-06, 11:52

القضية ليست قضية دبلوم انتى اعطيتيه كلمة ومن وعد وفى ومن وفى دخل الجنة
الحقيقة ما لفت نظرى كلامه ==لم اكن انوى الزواج بك ولكن قدر الله وما شاء فعل
وكنت ساتزوجك لتونسى امى ==
لا ادرى ما اقول
الزواج ميثاق غليظ هو مودة ورحمة وسكن وذرية صالحة وكلامه يطرح علامات استفهام عن افكاره
الله اعلم بالنيات
انصحك بصلاة الاستخارة
واذا قررتى ترك دراستك فاجعلى النية لله وحده
شوفى الطريق اللى يكون فيها الخير لكى فى دينك ودنياك وفكرى مليح
المهم ان تتخذى القرار عن قناعة تامة
موفقة باذن الله

النجمة القطبية · 2012-10-06, 11:56

اقتباس:

المشاركة الأصلية كتبت بواسطة narimane1991

عندك الصح الناس تتحصل علي الديبلوم منبعد تعمل الا في حالتنا حنا انا بصفتي قابلة هدا سياية الدولة كي نخلصو القراية نتعنا يعطونا ورقة توجه الي العمل يعني التعين والديبلوم نتعنا ميعطوهلناش حتى بعد 3 سنين هكدا باه ميوقعش النقص في مصالح الولادة يعني حنا باه منحلوش عيادتنا الخاصة ونقعدو نخدمو عند الدولة يعني ميقروناش ومن باعد نحلو البريفي ونخلوهم هكداك فهمتي حنونة؟

وهل القابلة تحل البريفى هذى اول مرة نسمعها الله اعلم
انا نعرف الاطباء والصيادلة واطباء الاسنان هوما اللى يحلو بريفى
المهم ربى يوفقك

narimane1991 · 2012-10-06, 11:59

الي اختي النجمة القطبية والله انا منذ سنة خطبة او اقل وانا كل ليلة اصلي صلاة الاستخارة وعندي قين وحسن ظن في الله انه سيرشدني الي الصواب لكن اريد راي من الحياة تجارب واراء لكي لا اندب بعد فوات الاون لا غير وانا ايضا ماشغل تفكيري كلامه الذي حقا جرح كياني وقلت في نفسي اذا كان هذي هي البداية وراه يقلي هكذا بعد مايروح الزين والعمر ويجو الولاد وتكتر المشاكل ووووووو ماذا سيقول او ماذا سيفعل
كما قالت يما راكي دوكا ماكيش ساوية عندو نهار تطيح بيك الدنيا واش يعمل؟

narimane1991 · 2012-10-06, 12:01

نعم القابلة تحل برفي علاه مسمعتيش بعيادة توليد خاصة؟ حتى ممكن هي تعمل في عيادة خاصة حتى لوكان متكونش ملكها
وزيدي سقسي
وشكرا لاهتمامك بالموضوع وعلي الرد الجميل فاجيتي عليا شوية وربي يسبقلك بالجنة كما تقول يما

sarl02 · 2012-10-06, 12:03

للاسف انت في موقف صعب ..وما عليك الا الاختيار بين التضحية بمسارك الدراسي والمهني اوالتضحية بزواجك..فكري مليح واذا كان هذا الزوج يستاهل اقول يستاهل وحطي تحتها الف خط اهون معاه كل شيء .

narimane1991 · 2012-10-06, 12:12

شكرا اخي sarl02 ربي يحفظك وشكرا علي النصيحه مي متزعفش هو تاني من شلف وللاسف نتوما صعاب بزاف في العقلية تخمامكم ليكم هههههههههههه
امزح معاك برك
ربي يكرمك ويفتحها في وجهك ان شاء الله

Moon Doll · 2012-10-06, 12:12

slm pour moi matasm7ich f 9raytek w kima lguiti hadha w dak kayan 1000 menou 9raytek w khadmtekkkkkk attention

narimane1991 · 2012-10-06, 12:15

شكرا حنونةmoon doll حتى انا راهي تدور في راسي الهدرة ديالك وقيله هدي هيا النهاية وخلاص ادا ابسط الامور ومشكل وقتي مقدرش يتفهمني فيه ويدي بخاطري فيه مستحيل يعطيني الحق في حوايج اخري حتى لوكان نكون مظلومة
شكرا

النجمة القطبية · 2012-10-06, 12:16

اقتباس:

المشاركة الأصلية كتبت بواسطة narimane1991

الي اختي النجمة القطبية والله انا منذ سنة خطبة او اقل وانا كل ليلة اصلي صلاة الاستخارة وعندي قين وحسن ظن في الله انه سيرشدني الي الصواب لكن اريد راي من الحياة تجارب واراء لكي لا اندب بعد فوات الاون لا غير وانا ايضا ماشغل تفكيري كلامه الذي حقا جرح كياني وقلت في نفسي اذا كان هذي هي البداية وراه يقلي هكذا بعد مايروح الزين والعمر ويجو الولاد وتكتر المشاكل ووووووو ماذا سيقول او ماذا سيفعل
كما قالت يما راكي دوكا ماكيش ساوية عندو نهار تطيح بيك الدنيا واش يعمل؟

انا من وجهة نظرى اهم شئ تكونى مقتنعة باخلاق خطيبك وافكاره
احتمال يكون مجرد كلام ساعة غضب الله اعلم
اما التجارب فى انصحك تحوسى بزاف تجارب الغير لان كل انسان وحياتو وعلى قدر نياتكم ترزقون
اذا كنتى تحبى دراستك خليه يصبر خاصة ان عملكم فى نفس المكان وكى تدى الدبلوم اوفى بوعدك
واذا لم تكونى متمسكة بالدراسة كثيرا عادى عندك مستوى جامعى ونهار تحبى ترجعى للدراسة ممكن مستقبلا
المهم خذى وقتك فى التفكير و المشاورة وباذن الله توصلى لاحسن قرار
موفقة

narimane1991 · 2012-10-06, 12:20

شكرا اختى نجمة قطبية لكن انا مستحيل نسمح في شقايا يكفيني اني تنازلت علي الخدمة ومقلتش انا قريت باه نخدم لكن نكون ظالممة نفسي ادا سمحت في دبلوم وهو اناني ادا طلب مني نسمح فيه
هادا هو المشكل
ربي يحفظك