أختي نعطيلك الوصفة الصلية تماما لهذا القاطو لأني أعملها للناسي بزاف في الأعراس
تجي هذا القاطو بالمكسرات والكابريس والنيسلي والشكولا
العجينة : ديري رطل مغارين خدميها كي كريمة مليح زيدي كاس سكر قلاصي وزيدي 2 حبات بيض كاملين وزيدي كاس مايزسنة ونصف مغرف صغيرة خمارة تاع القطو وخلطي مليح وزيدي الفرينة تدريجيا ما تنساوش تزيدو المعطرات قشو الليمزن ولفاني سائل حتى تتحصلي على عجينة طرية كيما تاع الصابلي لازم لابات مين طيب تجي تتفتت قليلا .
وديريها في دي مول صغار مدهونين بازبدة ولازم تتقبي كل مول في الوسط بالفرشيطة مليح لأنو إذا ما دلرتيش هاك راح تتنفخ وما تلقايش بلاص باه تعمري الحشو وباه تجي شكل شباب لازم عليك ديريها في دي مول مدورين على أقل مول 6سم قطر وعالي شويا باه القاطو يبان .
الحشو :طيبي 2 بطات حليب نيسلي لمدة ساعة وربع بالضبط في كوكوت حتي يولي كي كرامال وشاد روحو
زيدي جيبي 60 حبة كابريس لأنها الكمية لي توالم 2 باطات نيسلي وديريها في حمام مائي ومين تشوفيها بدات تذوب زيديلها شوي ما حت تتحصلي على كرامال ثقيل شويا خلطيه مع نيسلي الطايب وحطيه على جنب
زيدي ذوبي شكولا ولكن ماتزيديلها حت إضافات إلا مغرف صغيرة تا ع زبدة للمعان فقطهاذي الوصفة الأصلية تجي مع بيستاش محمص و مطحون غليظ شوي مشي مطحون بزاف باه الذوق يبان وباه يبان كذلك في قاع لي باركات عند الأكل لأنو عندما تقصميها على زوج يجي واحد المنظر شباب
ولكن في الأعراس فقط ندير بيستاش ولكن ولله على ضمانتي غير الكاوكاو محمص مليح لازم ومطحون غليظ شويا غير يجي هارب وبنين بزاف على بيستاش
مين يطيبو لي مول عمري قاع لي باركات بالكاوكاو أو البيستاش ...هنا لازم تعمري قاع لي باركات باه تجيك الحالة ساهلة وزيدي فوقهم خليط النيسلي و الكابريس بمغرف صغيرة ثم زيدي ككولا ذائبةو حاولي أنك ما طاشيش الحبات باه يجي شكل شباب ولازم تعري الشكولا حتى الفق تقريبا و يري شويا كوكو خشين من الفوق ولازم لازم ديري لي باركات في الثلاجة باه الشكولا تجمد....وصدقيني المذاك فور بزاف ومن تقصميها على زوج منظر رائع تجي الكوكاو من تحت و خليط كريمي من النيسلي و الكابريس و الشكولا من الفوق روعة ......والله عطيتكم الوصفة الأصلية كيما نديرها ولأي سؤال راني هنا
( تقرير عن مشاركة سيئة )، و الموجودة أسفل كل مشاركة .
2012-12-26, 15:41
طلب من ام رامي
العرض العادي
