مادا افعل

[مشكلتي]

السلام عليكم ورحمة الله وبركاته
انا ام لبنت 25سنة...والله عندي مشكل وحبيت نصاركم وتنصحوني..والله هاد المدة عاد يقوللي راكب ثقيلة بزاف وانا بطبعي ثقيلة وعاقلة بزاف...يعني نحشم بزاف نحشم نرجعلو ولا نهدر لدرجو هو الي يتحكم في كل شي...الحاصول عاد يعاير فيا ويقوللي راني منحملش المراة الثقيلة ...وعاد يتحدث حتي لصحابو...ومعظم الوقت في الخارج..كي يجي من الخدمة يقعد مع النت...ومعبلابالوش بيا خلاص زما يشوفنيش اصلا... والله كرهت روحي ومالقيت واش ندير...انصحوني بجاه ربي...وبارك الله فيكم

[منهاج]

السلام عليكم

عامليه كيما راه باغي ونبهيه لجاجة قوليه يكون امين على اسراركم ادعي ربي " اللهم سخرلي زوجي واقر عيني بزوجي

وصب محبتي في قلبه" اكثري من الدعاء الاستغفار

[nardjesse2]

للييوت أسرار مالازمش يخرج واش جرا بيناتكم للأصدقاء حتى المقربين منه . ربي يفرج عليك أختاه

[soheib+206]

ربي يقذف المحبة و السرور بيناتكم

[jomana jiham]

اختي ساعفي و صايي و ديري كيما يقولك,من جهة عنده الحق لازم تكوني قافزة و ينتكل عليك هاكة تنقسي عليه من المسؤولية,كي تشوفيه مغبون حاولي تلقيله الحل بصح ما عندهش الحق يحكي اسراركم للناس و اذا راكي متاكدة صارحيه باه ما يعاودش الغلطة ,انا ثاني كنت حشامة بزاف و ما خرجتش عليا كنت حتى يدولي حقي مانهدرش بصح ملي كبرت و فاتو عليا بزاف ناس و بزاف مواقف بدلت عقليتي.
و ربي يهنيك و يفرج عليك

[abdel02]

بدا الملل يتسرب إلى قلبه
بدلي اللوك تاعك.

[مواطنة]

السلام عليكم اختي في الله حبيت نطمنك و نقولك ما كاش وحدة ما عندهاش مشكل معظم الرجال يعايرو نساهم الا من رحم ربي و ييشوفو اي نقص في المراة و ما طيح عينهم غير على الحاجة لي تغفلي عليها بصح واش دير المراة لازم تصبر و تحمل و تحمل لان هذا الصبر فيه اجر كبير و تاني كاين رجال يحبو يعقدو نساهم و الصحيح هم المعقدون من المحال ان يجعلك اخرى فلو اراد ان تكوني خفيفة في شغل اليبت او الفهم او ان كان مقصوده ان تكوني مبدعة في التعامل معه فهذا من حقه و حاولي ان تغيري قليلا من اسلوبك في تعاملك معه تصفحي الانترنت و شوفي افكار جديدة ولا تقولي لا استطيع بل تقدرين باذن الله اما انك ثقيلة يعني مربية و ما جاوبيش اقول لك ماشاء الله و الله يرحم والديك .اذا كان زوجك يحب الحوار و انت لاتحبين الكلام فيمكن ان يكون هذا سبب رئيسي وعليك فقط ان تتعلمي ان تصغي الى زوجك و تبدي اراءك و ان اخطأت .ان اردت ان تعرفي لماذا يقول لك زوجك مثل ذلك الكلام اسأليه لما يكون هادىء وبعدها قولي له انك تريدين التغيير و اطلبي منه ان يساعدك و بينك وبين نفسك ديري خطة محكمة و الله يعينك و اعلمي ان الزوج يحب ان تعامله احيانا مثل 1امه في الحنان*صديقته*حبيبته*خادمته .اكثري الدعاء و تقربي الى الله تعالى اكثر تهون عليك المشاكل احتسبي اجر كل ما تفعلينه لانجاح زواجك

[karimeleulmi]

عليك بالدعاء يا اختاه

[om chiraz]

اول حاجة يا حليلهم الرجال واش راهم يشوفو برى

و المراة الذكية الناجحة في زواجها هي من تجعل زوجها عندما ينظر الى الخارج يقول و خاجتي اليهن لدي مثلهن او احسن منهن في بيتي
كيف (ثلاث نقاط ان تاكدت بانهم فيكي فاعلمي ان الخطا منه
اولا الشكل لا تنسو ان الرجل يحب بعينيه
ثانيا الفراش سر الفراش الناجح الجراة و التنويع
ثالثا الشخصية القوية ارفضي وقت الرفض استجيبي وقت الستجابة ترفقي وقت الرفق

(بين قوسين الحشمة راحت بكري دوك متضربيش على مقدافك كلاك بوبي )
ولا مقنعتيش بالاجابة عندي قصص نساء حولو ازواجهم من متسلطين الى رومانسيين