هذا غير منطقي من موقع تسجيل في بكالوريا

medscd · 2012-10-27, 14:06

السلام عليكم

أولا
صح عيدكم خاوتي وكل عام وانتم بألف خير

ندخل مباشرة في صلب الموضوع

الصراحة الموقع كل مرة يقول خطأ عند حجز الصورة عليك بتغيير الاسم...الخ

انا صراحة جربت اكثر من 20 مرة ونفس المشكلة

ولا يقولي احد المشكل من عندي المشكل عام في اي مقهى انترنت او اي شخص

صحيح تستطيع التسجيل لكن بعد العديد والعديد من التجارب

ويلزملك تسهر او تنوض على 3 ليلا

اذا نضت 4 لا تستطيع التسجيل ههههه

والله غريبة من موقع الديوان

سؤال فقط لهم ألا ترون بان يوجد مشكل

وضوري تمديد المدة لغاية 15 نوفمبر او اكثر

لان الصراحة ما شفنا والو تسجيل من 1...31 اكتوبر

والعديد منهم لم يسجل

ومنهم من سقط من (ها) دمعة لان تاريخ اخر اجل هو 31 ودفع الملفات

ولو تشوفو اصحاب مقاهي الانترنت تجد عندهم اكثر من 200 طلب وتم توقف استلام طلبات تسجيل

ولم يسجل الا القليل جدااا

والله الامر اصبح صعب على الجميع

اذا نتمنى اعادة النظر وتمديد المدة وهذا شيء ضروري جدا جدا جدا

ملاحظة
علابالنا بلادنا دايرة هكذاا كلش ماشي مريقل
لكن على الاقل يريقلو الأغلبية

والسلام عليك

chef2009 · 2012-10-27, 14:14

المؤسسة التكوين عن بعد

الشعبة علوم تجريبية

حدد التربية البدنية والرياضية كفء

كم ترشحت هذه الاولى

كم درست في مؤسستك3

هل حصلت على الباكالوريا لا

اللقب عبد الله بن سلوى

الاسم عائشة

تاريخ الميلاد 12/09/1993

مكان الميلاد ماسرى

ولاية الميلاد مستغانم
Nom ? ABDALLAH BENSELLOUAPrénom ?AICHA
Lieu de Naissance ? MESRA
Prénom du père DRISS
Nom de la mère ? MERDJI
Prénom de la mère ? DEHIBA
Télèphone ? 0780425325
email ? - البريد الإلكتروني حذف من قبل الإدارة (غير مسموح بكتابة البريد) -
ADRESSE (cite, rue...) ? CITE HILLEL
DAIRA ? MESRA
WILAYA ? MOSTAGANEM

medscd · 2012-10-27, 14:24

chef2009
------------------

الألاف هم مثلك يا اخي

والحل هو تمديد مدة التسجيل مع اصلاح الموقع وتوفير له اكبر استيعاب

من غير هذا الحل

رايحة تروح على العديد اذا بقاو هكذا

ولوكان ما يتمش اصلاح المشكل وتمديد المدة

لازم نخلطوها

في الاكاديمية لكل ولاية + المراكز الجهوية لتعليم عن بعد

zizou93 · 2012-10-27, 14:35

السلام عليكم

انا الحمد لله سجلت من قبل ودفعت الدوسي خلاص

ولكن اليوم كنت راح نسجل واحد العضو هنا

يااااو قريب شاب راسي والله هبلني

ديمة يقولي خطا في حجز رقم الصورة وماسجلتلوش لانو الموقع قلقني

لوكان كثرت معاه شوية راني خبطت الميكرو على راسي

موقع يطلع الضغط والسكر والقلب ويدير الجلطة ويدوخ وكلشي مع بعضاه

ربي يهديهم

abdou 07 · 2012-10-27, 14:43

اسف على هذا لكن المشكل في التلاميذ و ليس الموقع او الوزارة يا اخوتي الموقع فتح يوم 29/9/2012 و كان عندما تنوي ان تسجل يسجلك وحده ( قصدي خفيف و ليس به ضغط) و لكننا كجزائريين نحب ان نترك الامور الى اليوم الاخيير .. اسف ان ازعجت احد و لكنها وجهة نظري و شكرا

medscd · 2012-10-27, 20:44

اقتباس:

المشاركة الأصلية كتبت بواسطة abdou 07

اسف على هذا لكن المشكل في التلاميذ و ليس الموقع او الوزارة يا اخوتي الموقع فتح يوم 29/9/2012 و كان عندما تنوي ان تسجل يسجلك وحده ( قصدي خفيف و ليس به ضغط) و لكننا كجزائريين نحب ان نترك الامور الى اليوم الاخيير .. اسف ان ازعجت احد و لكنها وجهة نظري و شكرا

أتفق معك اخي ونعطيلك +1

لكن يا اخي انت دير في حسابك بلي ليس كل الناس عندها الانترنت

ومقاهي الانترنت راهم يتقلشو يدو عدد محسوب يخدمو

وبزيادة الموقع علاه يحبس وعلاه يصرالو ضغط

الوزارة كذلك تتحمل جزء كبير

منذ بدء التسجيل وهو في حالة انقطاع ويمشي ..........الخ

اذا ما يقدرولهاش بالانرتنت يرجعوها عادي

ورقة وستيلو احسن

ولا هذا الزبل اللي طلعوهلنا لراس معاهم

والله ولا التسجيل بالزهر

تحسب رانا سجلو في موقع امريكي ويسجل العرب بالزهر

غريبة والله

انا الذي · 2012-10-27, 20:54

للاسف ..........نفس الاغنية في كل مرة

اذا حبيت تسجل ----مشكل
يوم سحب لاستدعاء-----مشكل
يوم ظهور النتائج-----اكثر من مشكل

والمشكل الكبير انو الموقع يبقى هو هو ماغيرو فيه ولا شي

يا خاوتي كون جا موقع تع اغاني كون راه فتح وتيليشارجيت البومات قع

مي وش تحب ....ربي يهدينا كامل

انا والله فتحت موضوع خاص وراني انا والاخ بلال مش غير كرهنا برك ياو طبناااا

لدرجة انو لاستمارة الوحدة حتى نحفظ معلوماتها باه نقدر نسجلها

لكن في خاطر خاوتنا رانا صابرين مع الموقع ومشاكلو

على كل حال نقولو ربي يقدر الخير وينجح خاوتنا في هاد الشهادة

وبارك الله فيكم

والسلام عليكم

medscd · 2012-10-27, 21:08

اقتباس:

المشاركة الأصلية كتبت بواسطة انا الذي

للاسف ..........نفس الاغنية في كل مرة

اذا حبيت تسجل ----مشكل
يوم سحب لاستدعاء-----مشكل
يوم ظهور النتائج-----اكثر من مشكل

والمشكل الكبير انو الموقع يبقى هو هو ماغيرو فيه ولا شي

يا خاوتي كون جا موقع تع اغاني كون راه فتح وتيليشارجيت البومات قع

مي وش تحب ....ربي يهدينا كامل

انا والله فتحت موضوع خاص وراني انا والاخ بلال مش غير كرهنا برك ياو طبناااا

لدرجة انو لاستمارة الوحدة حتى نحفظ معلوماتها باه نقدر نسجلها

لكن في خاطر خاوتنا رانا صابرين مع الموقع ومشاكلو

على كل حال نقولو ربي يقدر الخير وينجح خاوتنا في هاد الشهادة

وبارك الله فيكم

والسلام عليكم

أخي انت بارك الله فيك وكل من يساعد هنا

وانا ما نقولكش سجلي لان هذا ليس عملك وعلابالي انت راك تساعد في الناس

وبارك الله فيك وجزاك الله كل خير

لكن الوزارة هي سبب ولازم تدير حل

وراني متاكد رايحة تمدد في المدة

ورغم هذا ليس حل

نريد تصليح الموقع يعني مرة او اثنين على الاكمثر ثلاث تسجل

ماشي من 50 مرة باه يتسجل واحد

والله نولو نخدمو عليهم ياخي حالة

الواحد كامل الهموم اللي فيه يزيدولو هم تاع تسجل

حق من حقوقه

والله غريبة

بففففففففف بفففففففففف منك يا وزارة

Rabah Tiaret · 2012-10-28, 09:16

ياو ما تقولش حنا الجزايريين نخلوا الأمور إلى اليوم الأخير
الموقع نورمالمو خفيف كل وقت يلا بغى فيه الاكتظاظ و لا مافيهش
يا لي يعرف يعرف، هاذوا لي خدموا الموقع ما يعرفوا والو مساكين

faridofa · 2012-10-28, 10:29

السلام عليكم
نقدم رأي
انا عندي مقهى انترنيت
و كل عام نسجل عادي 100 و لا 200 و لا 1000 نورمال
مي هذا العام 15 يوم الاولى جاز مليح
انا كي نحب نسجل ندخل على 5 تاع الصبح نسجل عادي حتى ل 7 تاع الصبح بلا مشاكل
مي دوكة راح نهبل و راني خايف نمرض بكاش مرض ربي يعافينا
مزالولي 2 تاع باك و وحدة تاع بيام راني حاصل عندي سمان و انا معاهم

mignard · 2012-10-28, 10:50

أعلنت وزارة التربية الوطنية عن تمديد آجال تسجيل التلاميذ المقبلين على امتحان شهادة البكالوريا إلى منتصف شهر نوفمبر المقبل بدل نهاية الشهر الجاري، وهذا بسبب الصعوبات التي تلقاه المعنيون في عملية التسجيل سواء عبر الموقع الإلكتروني الخاص بالعملية أو على مستوى مراكز البريد.
كشفت مصادر تربوية أن الديوان الوطني للامتحانات والمسابقات قرر تمديد آجال تسجيل التلاميذ المقبلين على اجتياز امتحان شهادة البكالوريا لدورة جوان 2013، والراغبين في اجتياز شهادة البكالوريا أحرار، الى غاية منتصف شهر نوفمبر المقبل. واكدت المصادر أن الوصاية أقرت هذا الإجراء استجابة لمطالب التلاميد وأوليائهم، حيث واجه التلاميذ صعوبات كبيرة في عملية فتح الموقع الإلكتروني للتسجيل الخاص سواء لمترشحي البكالوريا أو مترشحي شهادة التعليم المتوسط، والتي انطلقت عملية التسجيل لهذه الاخيرة منتصف أكتوبر الجاري.
وأضاف مصدرنا أن الوزارة أعلمت الديوان الوطني للامتحانات والمسابقات بقرار تمديد آجال التسجيل حتى يتسنى للجميع التسجيل. كما أشار المتحدث إلى أن قرار الوصاية تمديد فترة التسجيلات، جاء نتيجة تزامن هذه الفترة مع عيد الأضحى، والتي لم يستطع العديد من أولياء التلاميذ دفع مستحقات التسجيل في مراكز البريد نظرا للطوابير الطويلة للمواطنين والتي حالت دون دفعهم تلك المستحقات. يذكر أن الاتحاد الوطني لجمعيات أولياء التلاميذ، قد وجه مؤخرا مراسلة مستعجلة الى وزير التربية الوطنية عبد اللطيف بابا أحمد، من أجل التدخل لدى الديوان الوطني للامتحانات والمسابقات، لتمديد فترة تسجيل التلاميذ المترشحين لاجتياز امتحاني شهادة البكالوريا والتعليم المتوسط لدورة جوان 2013، الى غاية منتصف الشهر المقبل، حيث أكدت المراسلة أن المترشحين النظاميين والراغبين في التسجيل أحرارا، وجدوا صعوبات كبيرة في فتح موقع التسجيل الذي خصص لهم، على الرغم من مرور أكثر من أسبوعين على انطلاق عملية التسجيل بالنسبة للبكالوريا، إلا ان عددا قليلا جدا سجل فقط، اما الباقي فلم يستطع التسجيل، إضافة الى أن التلاميذ المترشحين لاجتياز شهادة التعليم المتوسط وأولياءهم يواجهون مشكل كيفية دفع مستحقات التسجيل عبر مراكز ومكاتب البريد نظرا لأن الحوالة البريدية المخصصة لها أعطيت لهم مرفقة بوثيقة أخرى تسمى شهادة إصدار حوالة بريدية دفع سريع، هذه الوثيقة يجب على الأولياء ملؤها، إضافة الى ذلك يرفض عمال مكاتب البريد مساعدة الأولياء في ملء الوثيقة مما حال دون ملئها من طرف أغلبية الأولياء

~~Hamza touazi05521763~~ · 2012-12-25, 15:05

ربي يوفقنا

mihra · 2012-12-25, 15:49

ربي يوفقنا امين ركزو هدا مكان

medscd · 2012-12-25, 16:45

امين يارب العالمين