ما الحل في رايكم والله تعبت

[mnaya ljana]

انا مخطوبة منذ عام ونصف ومدايرة الفاتحة "العقد الشرعي" خطيبي في الاول كان معي لاباس لكن خلال الست الاشهر الاخيرة تغير علي ، لا يتصل بي في الهاتف ولما نتصل بيه يقولي راني مشغول بالخدمة ، وكي نسقسيه علاه تليفونك دائما مشغول يقلي نحكي مع صحابي ويدابز معايا ، تصورو انو ميكلمنيش على موعد العرس ،او تجهيزات العرس او حياتنا المستقبلية كل همو انو يدابز معايا ويدير السبايب باه ميحكيش معايا والله منيش فاهمتو واش ندير بالرغم من اني عرفتو قبل الزواج مدة 5 سنوات تغير بزاااف ، ودايما يتحجج بالخدمة مع العلم انو يخدم في سلك الشرطة .
وفي الاول كان يلح على العقد ولما خرجت الوثائق حبس وماعادش يحكي خلاص على العقد .

[mnaya ljana]

محتاجة نصائحكم

[hiba ahmed]

حبيبتي توالم يسبب باش يبطل وادا كان هاك ديري الرقية الشرعية وشدي في ربي وادا منفعتش تفرقو من لول خير من يعودوكاين ذراري وربي يجيب الخير ويهنيك

[mnaya ljana]

شكرا حبيبتي والله تعبت وحالتي الصحية تدهورت وحالتي النفسية محطمة

[helissm]

هذا باين حاب يبطل نقلك كيما قالتلك الاخت الكريمة روحي رقي بالك كاش عين صابتك و الحساد كثار و ملاحظة مهمة ما تكثريش تحلي فيه في التلفون لانه التلفون ماشي مليح ربي يوفقك

[hyoucef32]

المشاركة الأصلية كتبت بواسطة mnaya ljana

انا مخطوبة منذ عام ونصف ومدايرة الفاتحة "العقد الشرعي" خطيبي في الاول كان معي لاباس لكن خلال الست الاشهر الاخيرة تغير علي ، لا يتصل بي في الهاتف ولما نتصل بيه يقولي راني مشغول بالخدمة ، وكي نسقسيه علاه تليفونك دائما مشغول يقلي نحكي مع صحابي ويدابز معايا ، تصورو انو ميكلمنيش على موعد العرس ،او تجهيزات العرس او حياتنا المستقبلية كل همو انو يدابز معايا ويدير السبايب باه ميحكيش معايا والله منيش فاهمتو واش ندير بالرغم من اني عرفتو قبل الزواج مدة 5 سنوات تغير بزاااف ، ودايما يتحجج بالخدمة مع العلم انو يخدم في سلك الشرطة .
وفي الاول كان يلح على العقد ولما خرجت الوثائق حبس وماعادش يحكي خلاص على العقد .

اانناا ممععررققتتشش ااننتت ذذككرر اامم ااننثثىى للاانن ببييااتتااتتكك تتققوولل ذذككرر ووتتتتككللمم ببللسساانن ااممررأأةة

[الصمت حكمة]

أخيتي و الله ما قصدي نجرحك خاطر راكي باينة باللي حاسة ياسر من هذا الموضوع ، خمي في صحتك أكثر من أي حاجة، الشراي عينو حمرا كيما يقولوا، مش راني نقلك بطلي الخطبة، بالصح ديري رقية شرعية و صلي صلاة الإستخارة و زيدي اسألي عنه، و انت أدرى واحد بالتصرف الصح نظن لأنك تعرفي عقليتو على الأقل شوية ما نقلكش تعرفيه مليح لأنه العشرة هي اللي تبين الحقيقة ، و ربي يقدر لك اللي فيه الخير انشاء الله.

[panpouna]

صلي صلاة الاستخارة وفاتحيه في الموضوع لازم يفهمك علاش تبدل و بالنسبة للعقد ما عندو حتى عدر العقد ما يديش كتر من 30د يا يعقد يا يخليك تشوفي مكتوبك

[nibrasse76]

[size="5"]لماذا ولا مرة نجد رجلا يشتكي من خطيبته لانها لا ترد على مكالماته ولا تهتم به وتختلق الاعذار لتتهرب منه .....ببساطة لان المراة تعك وتعك وتعك ...لدرجة شعور الرجل بالاختناق منها .ــــــــ [ /size]

[منهاج]

السلام عليكم

الله يجيب الخير

[fidou1860]

المشاركة الأصلية كتبت بواسطة hiba ahmed

حبيبتي توالم يسبب باش يبطل وادا كان هاك ديري الرقية الشرعية وشدي في ربي وادا منفعتش تفرقو من لول خير من يعودوكاين ذراري وربي يجيب الخير ويهنيك

قول فصل لا قول بعده عن تجربة

[7anine 87]

اختى ماتجيبيهاش فى روحك لحابو ربي راهو يصير رضينا ولا غضبنا ولاقدر الله اتفراقتوا انشاء الله يعوضك بسيد سيدو وعمرك ما تبكى على واحد ماعرفش قيمتك بصح ماتتسرعيش بالك كشماعندو مشاكل او اى ظرف ادعى واصبري ماعندك حل اخر

[موج و صخر]

اختي اقول لك الصراحة
تصرفاته كلها توحي بانه لا ينوي المُضي قُدُما
يعني يريد الفسخ....
فانا ارى ان تصارحي والديك و تكلميهم عن تصرفاته...
و من ثمة هم يكلمونه هو و والديه لكي يعرفوا الحقيقة ...يكمل او يفسخ
و اختي نوصيك ::::::ما تمرضيش روحك....فهمتي لانّ صحتك بالدنيا
ها انت بصحة و عافية و هو يتهرب
اذا لو كنت بعيد الشر مريضة او هزيلة و ضعيفة ماذا يفعل....
اختي حافظي على صحتك و رددي دوما :
" و عسى ان تكرهوا شيئا و هو خير لكم "
و الله ولي التوفيق

[loulou02]

ربي يفرج عليك أختي ، ننصحك بصلاة الإستخارة ، أكثري منها قدر المستطاع لأنه ما خاب من إستخار ، و في نفس الوقت واضبي على صلاتك و إقرئي أذكار الصباح و المساء باه تحصني نفسك ، و لي فيها خير يجيبها ربي .

[mnaya ljana]

شكرا على ردودكم وربي يسعدكم