حمى بيتزا البطاطا

[امونة الشاوية]

السلام عليكم

اول موضوع ليا في قسم الطبخ ان شاء الله يعجبكم
ما تحشمونيش باش نكمل نحط مواضيعي هه راني نتمسخر معاكم
راني غرت من الاكلة الجميلة لدائمة الحمد بيتزا بطاطا يعطيها الصحة هايلة وليت حتى انا جبت بيتزا بطاطا
ان شاء الله يعجبكم الطبق
اول حاجة نحتاجو بصل مقطع ومعدنوس وفلفل اسود وراس الحانوت وملح ونحطوه يذبل شوي


ونحتاجو صدر دجاج مقطع وشوي كرنب مقطع رقيق








نذبلو اول حاجة قطع الدجاج نحطوها في البصل ونغطيو عليها ونحركو مرة على مرة ما نزيدوش الماء راهو يطلق الماء تاعو

ولما يطيب الدجاج نزيدو الكرنب


في هذه الاثناء نكونوا حطينا شوي بطاطا تشرشم ولما تطيب نمعسوها ونزيدولها 2ملاعق جبن سائل وشوي ملح وفلفل اسود ونخلطوها
طبعا الكمية على حساب المول تاعك





وندهنو المول تاعنا بالزبدة ونفرشوفيه طبقة من البطاطا تاعنا






ومن بعد نحطو فوقها خليط الدجاج والكرنب


ونشكلو كرات صغيرة ونرصوها فوق الدجاج على الشكل هاذا


ونوجدو صوص بيشامال ونفرغوها فوق البلا تاعنا





ونحطوها تطيب ما تطولش بزاش جيست تشيح شوي ونشعلو عليها من قوق تحمار



ونقسموها غير بالشوي قيس كل دائرة لانها سهلة للتهشش يعني نقسمو مربعات قيس كل دائرة والبطاطا اللي بقات درتها اصابع بطاطا محشية بالجبن ومردتها في البيض ولاشابلير
وقليتها


البلا يجي هايل وبنين وكلما تكثري الدجاج يجي هايل والكرنب يجي روعة مع الدجاج واللي ما يحبوش ما يخافش راهو ما يبانش خلاص الطعم تاعو

اتمنى نكون وصلتلكم الفكرة وعجبكم موضوعي
:1 9: