ممكن طلعولي شويا المورال

اسعى لرضى الله · 2012-12-18, 01:41

انا مديتش الباك من قبل والعام هدا راني راح نعاودو وبسبب رسوبي من قبل في الباك خلاني نفقد ثقتي في نفسي وعييت نقرا

وخايفة نعاود منديش الباك

ومعرفتش كيفاش نظم وقتي كيعاد العام اللي عقبت فيه الباك ركزت على المواد الاساسية واهملت الادبية فكانت سبب رسوبي

والتمارين راكم تحلو غير تاع ليكور ؟ ولا تحلو تاع الكتاب المدرسي مع العلم راني شعبة علوم

والعام هدا راني مدايرة غير ليكور تاع لفيزيا كيعاد عندي من قبل التمارين والدروس اللي درناهم في ليكور

~~Hamza touazi05521763~~ · 2012-12-18, 09:02

لالا اختي متفقديش الثقة كوني دائما متفائلة لان اول شيئ سر النجاح هو التفائل والله ياختي انا مجربها انساي الماظي حاولي تركزي عالحاظر استغلي بما انو عندك نظرة عالدروس حاولي تراجعي من الان كل المواد نظمي وقتك وهنا لا تظلمي ايمادة لانو قادر علاجال نقطة الباك مندوهش ديري فبالك هادي الكلمة مليييييييييييييييييييييح الباك راهو فالجييييييييب رانا نحوسو عالمعدل برك وشوفي ادا منجحناش بادن الله اسمواتنا فقائمة الناجحين اختاه انا طالب حر كملت قرايتي من البيام ودوك راني فالباك نقرا وحدي ونشاء الله كمل ننجحو خليك متفائلة

ilham medcine · 2012-12-18, 09:51

شوفي اختي اول حاجة نظمي وقتك وراجعي وخلي الثقة بربي وبنفسك كبيرة
راجعي كلش وماتهملي حتى نقطة لازم يكون عندك اطلاع على كلش
وماتهملي تاني حتى مادة

حلي تمارين الكتاب كون تصيبي حليهم كاملين وزيدي تاع ليكور ومن الانترنت يعني كثري من التمارين قد ما تقدري
هدي نصيحة شخصية و في كل المواد
...
ويالتوفيق لينا كامل

amarderrou · 2012-12-18, 11:46

الارادة والنية تصنع المعجزة
بالتوفيق ان شاء الله

سارةالتلمسانية · 2012-12-18, 11:50

اختي الغالية في الاعادة افادة و كلشي بالمكتوب اعملي بجهد وثقي بنفسك وفي الله سبحانه ركزي وانسي الفشل والهزيمة فافضل اجابة عن دالك هي الانتصار

younchi · 2012-12-18, 11:51

rabi ysahal khti w ynajhak matkhafich rabi ykoun m3ak zayri rouhak w révisii mlih rabi ywaf9ak lik w lina w jami3 nchalah

taiba20 · 2012-12-18, 15:43

ارفعي راسك فوق
وانقلك حاجة مابين قوسين و اللي حل لمشكلتك و مشكلتي هي الاصرار نطيح وانعاود انوض
واش اللي قلك أن باكي الاول في 2005 و السنة نجيبوا باذن الله 2013
معناه اناجي راهم أطباء واتخرجوا