فارق السن

[-مريم-]

السلام عليكم ورحمة الله تعالى وبركاته

انا فى وضع لا احسد عليه
تقدم شاب لخطبتى لكن فارق السن سنة واحدة فقط (انا 25 وهو 26 )
اهلى موافقين وكيما قلت لالا ماعجبنيش فارق السن لانى لا احبد ان يكون السن متقارب على الاقل 5 سنوات قالولى ماهوش سبب مقنع

حابة نعرف ادا كان عادى ولا لالا ؟

لانى خايفة ومانيش متقبلة الفكرة من اساس ولا مجال اصلا للتمسك براى لانه مارايحينش يسمعولى

[knives55]

والله امرك غريب تردون زواج وترفضون الخطاب لأتفه اسباب 25 26 50 أين الفرق

أقبلي وتكلي على الله

ولا تصعبي امور على نفسك .

كم تريدنه رجل في 40 من عمره هل قلبت اياة عاد الرجل يتزوح بنت 20

ومراة تتزوج عجوز صاحب 35

[dalila setif]

صلي صلاة الاستخارة و توكلي على الله السن ليس عائق بان لا تقبلي

[saado221]

khadija binto khowailid radiya allaho 3anha tazawajat birajol asghar minha b 25 w howa nabi2 ta3na sala allaho 3alayhi wasalam

[**مياس تسنيم**]

السن ليس فيه احراج ممكن يكون قريب لك احسن

[فانيسا]

فارق السن ليس مشكل كاين لي تكون الزوجة اكبر من الزوج ويتزوجو ويتفاهمو عادي المهم كي يكون رجل محترم ومفيهش عيب اخر السن شيء عادي

[soso sirin]

المشكل ماراهش انو بيناتكم عام برك المشكل في عقليتو اذا كان عاقل و عقلو كبير وين راه المشكل مرات تلقايه عندو 40 سنة و هو مازال مراهق امالا اذا كان مليح و عقلو كبير ربي يسهلك و يالوكان يكون كبير عليك بنهار برك

[عطر الدنيا]

السلام عليكم
اختي انا متزوجه وزوجي الحبيب اكبر مني بعامين برك والله ماشاء الله متفاهمين عندنا نفس طريقة التفكير تقريبا
ساعات نعود نحكي معاه نحسو صاحبتي موش راجلي
توكلي على الله واتزوجي الحياه فاتحه ليك ذراعيها

[mohaa47]

لا يهم فارق السن يا مريومة اتكلي على الله و لا تضيعي الفرصة ...............ابحثي عن الأخلاق و الدين ....................كل شيئ مبروك

[alcario_159]

توكلي على الله . فليس بينكم فارق كبير

[عآصم]

نآس مآلقآتش ليـ يخطبها .. و أنتي جآك خطآب .. و كاتبة "موقف لا تحسدين عليه!" ي سبحان الله


و الله نعرف وحدة مزوجة بـ واحد هي اكثر منو بــــ 4 سنيـن .. و عندهم طفــــُل و عايشين رحمة ربي و ربي

يبارك فيهم و خـِير من اُخرين هو أكثر منها بــ 10 سنيـن



للمرة الــــ ألــــــــــــف الــــعمر لآ يـــــُشكل أي فارق .. الديـن ، الخـُلق و قـآدر على

شقآه بـ معنى "يتحمل مسؤليتو" أما .. موقف لا تُحسدين عليه

ما عليك غير تضيعي الخطاب .. و تعيشي هاذ الموقف:d ،

و الله لا يوصلك ليه (الموقف)

وفقك الله الى ما يحبه و يرضاه

[-مريم-]

السلام عليكم ورحمة الله تعالى وبركاته

انا اشكر كل من رد على

المشكلة يمكن انا ماوضحتش مناه خايفة

انا الى مخوفنى ان المحيط الى نعيش فيه كل الشباب الى اقل من 30 سنه ما هومش تاع زواج مدايين الحياة لعبة وماهومش تاع مسؤولية اصلا والله انى اتكلم على ناس كثير نعرفهم قراب وبعاد ومعروف اصلا فى ولايتنا ان الى يوصل 30 سنه او 35 سنه يفكر يتزوج ويدير دار حتى لوكان ميسور الحال

والامر مفروغ منه ادا كان الى تقدملى من ولايتى والله مانقبل بيه وكى نقعد فى دارنا
انا الى خلانى نستشيركم انه الشاب من ولاية اخرى على هدا ماحبيتش نجزم ان كل الشباب فى كل الولايات كى بعضاهم


وجزاكم الله كل خير ووفقنى واياكم لما يحبه ويرضاه

[sarah1424]

انا تاني نحب يكون الفرق كتر من 5 سنوات يعني وجهة نظر نقول كل ماكان كبير عليا يستوعبني كتر وك نغلط يسامحني وووو
وخاصة جسديا المراة تكبر قبل الرجل لكن نضن في حالتك مليحة اذا كان انسان مليح وعاجبك اقبلي بيه فرق سنة مهوش عائق

[Maissoune]

سلام...السن ماهوش معيار المهم أنو يكون كبير في عقلو وقادر على شقاه وما تشوفيش بزاف لهدرة الناس رايحة تتزوجي بيه نتية ماشي هوما...صلي صلاة الأستخارة وتوكلي على ربي

[النجمة القطبية]

يا اختى امرك غريب تريدين شخص بضعف عمرك ام ماذا هو اكبر منك بعام
الفرق مقبول وجيد وبالعكس من جيل واحد يعنى هناك توافق فكرى الى حد ما من وجهة نظرى سيكون افضل
يا اختى لا تصدقى دائما ان المراة تكبر قبل الرجل وتلك القصة الفارغة
خالتى وزوجها من نفس الفئة العمرية وتبدو اصغر بكثير وزواجهم ناجح الحمد لله
يعنى مجرد كلام فارغ
والناس يختلفون كاين اللى فى العشرين يصبح عجوز وكاين العكس
اهم شئ الدين والاخلاق والشخصية والتوكل على الله وقضية السن اراه امر ايجابى وليس العكس
موفقة