هل تعانون من نفس المشكل

[ام ظافر]

يا اخواتي كل ما نشري الشيكولا البيضاء اللي تتباع قطع طويلة ونذوبها في حمام مائي تتحولي مثل الدهن ( الشحمة ) واذا نزعتها من النار تتجمد بسرعة وما نقدرش نغلف بيها القاطو واذا زتلها الحليب تفسد خلاص وتتحول الى شكل الفوندون مع طبقة زيت وما تقولوليش شريتيها فاسدة لانني اشتريتها اكثر من مرة ومن اماكن مختلفة في اوقات مختلفة اذا كاين نوع مليح اشيروا عليا به وشكرا مسبقا

[sofiane2075]

انا نستعمل النوع الموجود في الصورة يتباع متل علب الشوكولا الصغيرة لكن توزن كيلو و لي يحب اقل يبيعو بالميزان

[asma_83]

يا أختي ماتتحيريش كل انواع الشيكولا البيضاء كيف كيف و انما بعد ما تذوبيها في الحمام المائي حاولي تبقيها ذائبة كيما انا مثلا أضع الاناء الذي يحتوي على الشيكولا فوق إناء آخر يكون أقل منه يحتوي على ماء ساخن وهكذا تبقى لي الشيكولا ذائبة أطول مدة ممكنة.

[ام خديجة1]

الله غالب اختي مانيش نستعملها لان فيها نسبة عالية من الزبدة

[طائر النورس مغتربة]

الشكولاطة البيظاء هي عبارة عن زبدة الكاكاو وعند تذويبها انصحكي اختي تستخدمي في تذويبها حمام مائي او تذوبيها في اناء ماشرة بشرط تكون الكسرونة لذوبي فيها ثقيلة وعدم اظافة اي سائل لها لان ذالك يفسدها

[ام شهد فاطمة]

اختي انا ثاني صراتلي كيما انتي لكن لقيت الحل وهو مالازمش يقيسها لوفار خلاص لازم تحطي الشيكولا في صحن كبير وتحتو كاسرونا تكون صغيرة عليه فيها الما السخون ان شاء الله تنجحي فيها

[بسملة توحيد]

نعم لازم الماء نتاع الكسرولة الصغيرة مايمسهاش برك البخار يطلع لها .

[لؤلؤة البلاد]

أشرى الشكولاطة عالية الجودة
ليس كل ما موجود في السوق نستعملوه

[بشرى2008]

نفس المشكل والمرة الاخيرة شريت علبة قدرت نخدمها بيدي ونزين بيها فقط منقدرش نغلف بيها حبة القاطو

[لكحل بلال]

ممكن زيدولها ماء الورد ولا ماء الزهر فقط فكرة لست متخصصا في المجال

[~ حراير ~]

انا ثاني صراتلي و حتى مع الشوكولا البيضاء قطع يعني مثل ما قلتي مش حكاية ماركة او جودة و لكن السبب أن فيها نسبة كبيرة من الدهون و هي الي تخليها تجمد و على هك ما عدتش نستعملها بزاف نيدر الgلاصاج في بلاصتها يجي أحسن

[binary girl]

انا جامي تصلحلي
مي كاين وحدة قالتلي زيديلها مغيرفة نتاع زيت
ووحدة قاتلي متزيديلها والو
ابرشيها كي تجي تذوبيها